Wir Johannes Tzech n(un) burgermaister Johannes kromer Valten glartmckel vnd Johannes purghardt Ratmanne der Statt
Olomuntz bekennen vnd thun kunt vor vns vnd alle vnser nachkomling das der Eremwirdig herr Johannes probst: seyne
vorfardern vnd das gantz Eernvirdig Conuentt des klosters allirheyligen Geystlicherthumhern in vnser forwerk allhie
etlich hewser nahent bey dem bemeldten kloster gelegin von wegen ires klosters nutz vormerung vmb ir geld ge
kaufft haben dy nach außweisung vnser Statregister vnd alder gerechtikait vns losung vnd andere stathulff ier
lich zugebm vorpflicht gewesn seyn vnd an widerd gegebm haben Vnd auff dem andern teil das Eernvirdig Capitel
der herr Techant mit den thumhern sich auch der bemelten hewser gehalden habn in maynunge das sie dorzu gere(ch)t
hetten vnd da wir ^2w^ teiln also zwaitrechtig von wegn der gemelte hewser gewest seyn vnd dy bestimbten her(n)
her probst Johan ^2w^ yne brudern dy hewser gekaufft haben Do habn Sie vns mit demutiger bet angelangt
vnd gebeten das wi ^2w^ Gots ere willen vnd von wegn vormerung des dinsts gots: vnser gerechtikat was die lo=
sung vnd Statwach anlangend ist: In gnadiglich frey loß vnd ledig zusagm sulden das wir dann auff ir zimlich
bete mit aller dreyer ^2w^ willen gethan haben Nw seyn die offtbemelten heren hr(r) Johannes probst mit
seyne brudern vor ^2w^ zendem rath komen vnd vns grosdiemuttiglich gebeten das wir vmbe vormeydung
mancherley zwet ^2w^ ellen vnd stosse: die zukunfftig zwischen dem obgemelten Conuenth vnd vnsern nach=
kommen entstehin ^2w^ nen sulch begnading vnd freyung der losung vnd ander stathulff vnd der wach zw
ewigen zeyten gnediglich befehsten becrefftigen vnd bestetigen sulden Vnnd wir ansehend zuforderst dy ere
gots vnd dinst durch den newenstifft des Closters vormert mocht werden vnd dornach Ir diemuttige bete
Vnnd haben den gemelte her(n) Johann probst vnd seynem Conuent obgemelt des Closters Allerheyligen vnd alln
Iren nochko(m)n mit wissen vnd willen aller Raatt vnd Eldsten dy bemelte begnadung vnd freiheiten der losung wach
vnd andr stathulff: frey loß vnd ledig gesagt Vnd sagm Sie der in crafft diß briffs gantz frey ledig vnnd loß
zu ewigen zeyten von vns vnd alln vnsern Nochko(m)en also das sie dorumb nymermehr sullen angelangt werden
Zuw orkundt vnd grosserer sicherheit willen habn Wir vnnser Stat Jnsigl an diesen briff hengin lossen mit
allr vnse wissen vnd willen Der gebm ist am dornstage vor Cantate dem Sontag Noch Cristi gburt funff=
zehnhundert vnd ym dritten Jaren