BENEDICTVS PP. XIII.
AD FVTVRAM REI MEMORIAM. Exponi Nobis nuper fecerunt dilecti filij Alexander Maximilianus Krbosch Canonicorum R(egula)rium Congr(egation)is Lateranen(sis) Ordinis Sancti Augustini Olomucen(sis) ad Omnes Sanctos
in Morauia, necnon Landskronæ in Bohemia Præpositus Infulatus, ac eorumdem Collegiorum Capitula quod dilectus pariter filius Ascanius Varesius Abbas Generalis Congr(egation)is et Ordinis præfatorum eumdem Alexandrum Maximilianum
Præpositum, cæterosque Prælatos in perpetuum Successuros atque omnes et Singulos præfatorum Collegiorum Canonicos præsentes et futuros in communionem et unitatem Congr(egation)is Lateranen(sis) iterum recepit et aduocauit cum diuersis gratijs et in=
dultis, receptosque tales expresse declarauit per suas patentes literas desuper emanatas tenoris qui Sequitur videlicet = Nos D. Ascanius Varesius Patauinus Congregationis Canonicorum Regularium Lateranensium Abbas Generalis Ill(ustrissi)mo et R(everendissi)mo D. D.
Alexandro Maximiliano Krbosch Canonicorum R(egula)rium Congr(egation)is Lateranen(sis) Sancti Augustini Olomucij ad Omnes Sanctos in Morauia, necnon Landskronæ in Bohemia Infulato Præposito, necnon eorumdem Collegiorum Illustribus
Religiosissimisque Capitulis quæ nunc Sunt, eruntque Deo dante in posterum Salutem. Quamquam indifferenter bonum sit Sui diffusivum, et sine acceptione personarum bona quæ diuinitus Nobis collata Sunt quibuscumque
ex charitatis impulsu, et Religionis instituto impartiri debeamus, cum maxime eorumdem bonorum in conspectu Omnipotentis Dei iusti, rectique dispensatores probari toto corde aueamus: nihilominus abundantius viscera
charitatis nostræ in eos optamus effundere, qui Congregationi nostræ amoris vinculis addicti eandem Congregationem etiam peculiari Studio prosequuntur, et fiunt dilectionis prærogatiua digniores. Idcirco cum vestrum in Con=
gregationem nostram Lateranensem deuotionis affectum, et quod pluris est uniuocum uiuendi inter vos et Nos institutum, et Aplicam merendi rationem atque profitendi Summopere probemus. Vos Venerabiles Viros Ill(ustrissi)mum et R(everendissi)mum
D. Alexandrum Maximilianum Krbosch Olomucij ad Omnes Sanctos in Morauia, et Landskronæ in Bohemia Infulatum Præpositum, cæterosque Prælatos in perpetuum Successuros, atque Singulos, et omnes prædictorum Collegiorum
Canonicos depræsenti viuentes, ac in temporum Successione futuros in partem Sortis nostræ, et in communionem Congregationis Lateranensis unitatemque authoritate Summorum Pontificum, et insuper Capituli nostri Generalis, qua fun=
gimur, iterum aduocamus, recipimus, et aduocatos receptosque tales vigore præsentium expresse declaramus, et perhumaniter amplectimur. Vobis præterea, pro vestrum apud Deum ampliori profectu, et maiori meritorum prouentu
Leges Constitutionesque olim à Prædecessoribus nostris concessas, quas in hodiernam usque diem religiosa obseruantia retinetis Vobis inquam amplissime confirmamus. Vigore autem huiusce unionis Societatis, et omnimodæ unitatis
volumus Vos omnes prænominatum Præpositum et Canonicos præsentes et futuros ijsdem Indulgentijs, Indultis, privilegijs, concessionibus, Juribus, et exemptionibus tam in Spiritualibus quam in temporalibus gaudere
uti, et potiri eadem adâmussim formâ, quâ Canonici Regulares Sancti Augustini Congregationis Lateranensis, qui intra Italiam degunt, concedentibus Summis Pontificibus alijsque pleno jure gaudent, utuntur, et potiuntur.
Vt uerò Vos Nobis, et Nos Vobis intimius adhærere, et uniri quilibet futuris temporibus dignoscat, et intelligat hanc unicam conditionem iniungimus, ut quotiescumque noua inter vos occurrat Præsulis electio Nos, et Successores nostros
de electo ex Vobis, et à Vobis Præposito certiores per litteras faciatis, ita quidem ut coalescat magis, ac magis mutua nostrum necessitudo, et discamus Concanonicos Nostros Præpositos nominatim vocare Spiritualia alere com=
mercia, consilia consilijs permutare, et quandocumque aliquid humanitus contingat, certa precum nostrarum directione ipsismet Præpositis parentare possimus. Præterea Vos quantum in Domino possumus hortamur ut Sin=
gulo quoque triennio in Solemni die Assumptionis Beatæ Virginis Mariæ unam Missam cantetis pro incremento, atque felicitate Congregationis nostræ Lateranensis de qua Vos Sicut Nos membra estis et eritis quibus omnibus nil aliud adden=
dum credimus, quam plenissimam Orationum, Missarum, Diuinorum Officiorum Jeiuniorum Peregrinationum, cæterorumque Spiritualium bonorum omnium, quæ per nostras utriusque Sexus Religiosas personas præsentes et futuras ubique
Terrarum dignabitur Summus, et Clementissimus Deus operari extensionem participationemque Vobis impertiri, prout uberi animo et luculenter impertimur. Collegia itaque vestra degremio Congregationis nostræ Lateranensis de=
claramus, declarata, et adnotata esse volumus, Seruatâ tamen et in posterum Seruanda Vestrarum Canoniarum laudabili consuetudine. In quorum fidem. Datum Patauy in Canonica Nostra Sancti Joannis in Viridario die xij.
Maij MDCCXXVII. D. Ascanius Varesius Abbas Generalis. D. Angelus M(ari)a Barsotti Abb(as) Secretarius et Def(inito)r. Locus + Sigilli. = Cum autem, Sicut eadem expositio Subiungebat, dicti Exponentes præmissa quo firmius Subsistant, Aplicæ confirma=
tionis nostræ patrocinio communiri Summopere desiderent: Nos ipsos Exponentes Specialibus fauoribus et gratijs prosequi volentes, et eorum Singulares personas à quibusuis excommunicationis, Suspen(sion)is, et interdicti, alijsque Eccl(esiast)icis Sententijs censuris, et pœnis à Jure
uel ab homine quauis occasione uel causâ latis Siquibus quomodol(ibe)t innodata existunt ad effectum p(ræse)ntium dumtaxat consequend(um) harum Serie absoluentes et absolutas fore censentes, Supplicationibus eorum nomine Nobis Super hoc humiliter porrectis inclinati
receptionem in communionem et unitatem eiusdem Congr(egation)is Lateranen(sis) dictorum Alexandri Maximiliani Præpositi, cæterorumque Prælatorum et Collegiorum Canonicorum p(ræse)ntium et futurorum à memorato Ascanio Abbate Generali factam ut præfertur expe=
ditasque desuper eiusdem patentes literas præinsertas cum omnibus, et Singulis in eis contentis aucte Aplica tenore p(ræse)ntium confirmamus et approbamus, illisque inuiolabilis Aplicæ firmitatis robur adijcimus, ac omnes, et Singulos Juris et facti defectus
Si qui desuper quomodol(ibe)t interuenerint, Supplemus Decernentes easdem p(ræse)ntes literas Semper firmas validas, et efficaces existere et fore Suosque plenarios et integros eff(ect)us Sortiri et obtinere, ac illis ad quos Spectat et pro tempore quandocumque Spectabit in om=
nibus et per omnia plenissime Suffragari, Sicque in præmissis per quoscumque Judices Ordinarios et delegatos, etiam Causarum Palatij Aplicj Auditores iudicari, et definiri debere ac irritum, et inane, Sidecus Super his à quoquam quauis aucte Scienter uel ignoranter
contigerit attentari. Non obstan(tibus) Const(itutioni)bus et Ordinationibus Aplicis, ac quatenus opus sit Congr(egation)is Lateranen(sis) et Ordinis præfatorum etiam iuramento confirmatione Aplica uel quauis firmitate alia roboratis Statutis, et consuetudinibus, priuilegijs quoque
indultis et l(ite)ris Aplicis in contrarium præmissorum quomodol(ibe)t concessis confirmatis et innouatis. Quibus omnibus et Singulis illorum tenores p(ræse)ntibus pro plenè, et Sufficienter expressis ac de uerbo ad verbum insertis habentes illis alias in Suo robore
permansuris, ad præmissorum eff(ect)um hac uice dumtaxat Specialiter, et expresse derogamus cæterisque contrarijs quibuscumque. Datum Romæ apud S(anct)um Petrum Sub Annulo Piscatoris die xxvij Julij MDCCXXVII. Pontus N(ost)ri Anno Quinto.