BENEDICTUS PP(APA) XIV.
AD PERPETUAM REI MEMORIAM. Cum, sicut Dilectus Filius Benedictus Loblitz Abbas perpetuus Congr(egation)is Lateranensis ad omnes Sanctos
Olomucii Ordinis Sancti Augustini Olomucen(sis) Dioecesis Nobis nuper exponi fecit, per Constitutiones Congregationis hujusmodi auctoritate forsan apostolica confirmatas in cu=
juscumque Presbyteri vel Clerici aut Laici Congregationis prefat(a)e diebus obitus, seu alio die aliquas Missas unusquisque Canonicus Regularis dict(a)e Congregationis in Sacro Pre=
sbyteratus Ordine constitutus celebrare debeat, ideoque dictus Benedictus Abbas Missas hujusmodi celestium munerum, quorum dispensationem fidei nostr(a)e credidit Altissi=
mus, elargitione a Nobis decorari plurimum desiderat. Nos piis ejusdem Benedicti Abbatis votis, quantum cum Domino possumus, favorabiliter annuere volentes, eumque
a quibusvis Excommunicationis, Suspensionis, et Interdicti, aliisque Ecclesiasticis Sententiis, censuris et penis a jure vel ab homine quavis occasione vel causa latis, si quibus
quomodolibet innodatus existit, ad effectum pr(a)esentium dumtaxat consequendum harum serie absolventes et absolutum fore censentes, supplicationibus ejus nomine Nobis super hoc
humiliter porrectis inclinati, ut quandocumque Sacerdos aliquis ejusdem Congregationis Missam vel in die obitus prefatorum Presbyterorum, Clericorum et Laicorum dict(a)e Con=
gregationis, vel in alio die ad quodcumque Altare Ecclesiarum Congregationis hujusmodi ubicumque existen(tium) pro illorum anima, qu(a)e Deo in charitate conjuncta ab hac luce mi=
graverit, celebrabit, missa hujusmodi anim(a)e, pro qua celebrabitur perinde suffragetur, ac si ad Altare Privilegiatum celebrata fuisset, auctoritate Apostolica tenore pr(a)esentium con=
cedimus et indulgemus. Non obstantibus, quatenus opus sit, nostra et Cancellari(a)e Apostolic(a)e regula de non concedendis Indulgentiis ad instar, aliisque Constitutionibus et Ordi=
nationibus apostolicis, ceterisque contrariis quibuscumque. Pr(a)esentibus perpetuis futuris temporibus valituris. Volumus autem ut earumdem pr(a)esentium Literarum Transumptis
seu exemplis etiam impressis manu et Sigillo Pr(a)epositi ad omnes Sanctos Congr(egation)is pr(a)e(fat(a)e) pro tempore existentis munitis, eadem prorsus fides adhibeatur, qu(a)e adhiberetur eisdem
pr(a)esentibus, si forent exhibit(a)e vel ostens(a)e. Datum in Arce Gandulphi Albanen(sis) Dioecesis sub annulo Piscatoris die XXV. Maij MDCCXLII In
Pontificatus Nostri Anno Tertio.
Pro D(omi)no Card(ina)li Passioneo
Cajetanus Amatus