Carolus Bichius Prothonotarius
Utriusq(ue) Signatur(ae) S(anctissi)mi D(omi)ni N(ost)ri Papae Referendarius, nec non Curiae Causarum Camerae Apostolicae G(e)n(er)alis Auditor Romanus. Curiq(ue) Judex Ordinarius ab eodem S(anctissi)mo D(omi)no N(ost)ro
Papa specialiter electus et deputatus. Universis et Singulis RR. DD. Abbatibus, Prioribus, Praepositis, Decanis, Diaconis, Archidiaconis, Cantoribus, Thesaurarijs, Sacristis tam
Cathedralium, quam Collegiatarum Ecclesiarum, Canonicis, Rectoribus, Plebanis, Viceplebanis, Curatis et non Curatis Ceterisq(ue) Personis Ecclesiasticis Illis, vel Illis ad quem
seu quos praesentes nostrae l(itte)rae pervenerint, seu praesentabuntur Salutem in Domino Noveritis fuisse nuper coram Nobis comparitum pro parte
et ad Instantiam Ill(ustrissi)morum et Rev(erendissi)morum DD. Joannis Adami Jager Praepositi Sternbergensis, Canonicorum Regularium Lateranensium Ordinis S. Augustini
Ambrosij Augustini Engelmeir Praepositi Olomucensis eiusdem Ordinis, Ignatij Joannis Zetel Praepositi Fulnecensis dicti Ordinis tam coniunctim quam divisim
separatim, et Insolidum, ac alias omni meliori modo, et expositum quod licet dicti Ill(ustrissi)mi Praepositi, eorumque Antecessores hucusque servaverint statuta et
Constitutiones in vim Privilegiorum Sanctae Sedis Apostolicae condita et conditas, Nihilominus Celsissimus et Rev(erendissi)mus D(omi)nus Episcopus Olomucensis, eiusque
Vicarij, et Officiales, et forsan alij in executione praesentium nominandi, et cognominandi nescitur quo Jure, sub die 22. Aprilis proxime praeteriti dictis Ill(ustrissi)mis
Exponentibus insciis rigorose mandavit servari Nova Statuta Reformatoria, a quo mandato, alijsque omnibus gravaminibus desuper illatis, vel inferri comi=
natis, inferendisq(ue) et comminatis quomodolibet Infuturum Procurator dictorum DD. Exponentium sentiens se, d(ic)tq(ue) DD. suos principales valde laesos et gravatos
gemensq(ue) Infuturum magis laedi, et gravari posse, Inhaerendo appellationi si in Partibus fuerit interposita iterum, ac denuo ad S(anctissi)mum D(omi)num Nostrum D(omi)num
Innocentium Divina Providentia Papam XI(um) eiusq(ue) S. Sedem Ap(osto)licam, et ad Nos appellationum et gravaminum Judicem competentem appel=
lavit reclamavit, ac de nullitate, et Injustitia dixit, prout in quadam appellationis Cedula coram Nobis exhibita ad quam se referens huiusmodi appellationem
recipi, et admitti, Nos autem dictam appellationem si et in quantum, et quatenus de Jure admitti duximus prout admittimus subsequenter, cum praefati
DD. Instantes et appellantes appellationem hanc prosequi velint, et intendant, ad Nos recursum habuerunt humiliter supplicantes, quat(enus) Ipsis in praemissis
de opportuno Juris remedio providere, et Citationem cum Inhibitione vigore appellationis extra Romanam Curiam et ad partes in forma solita et consueta
concedere dignaremur; Nos igitur petitioni huic tanquam iustae annuentes Vobis omnibus et singulis supradictis et vestrum cuilibet Insolidum tenore
praesentium committimus, et mandamus quat(enus) statim visis praesentibus ex parte Nostra Im(m)o verius Apostolica auctoritate D. D. Vicarios, Officiales ac R(everen)dum
Promothorem fiscalem dictae Curiae Episcopalis Olomucensis omnesq(ue) alios in exec(ution)e praesentium nominan(dos) et cognominandos personaliter si eorum personas commode
habere poteritis, sin autem domi eorum solitarum habitationum si ad eas vobis tutus pateat accessus, alioquin in Parochiali seu Cathedrali Ecclesia sub qua, vel
quibus degunt et morantur dimissis, seu valvis affixis, ad earum Valvas Copijs tenore praesentium Citetis, et citari curetis, faciatis, et mandetis prout nos
citamus, et citari mandamus eosdem quat(enus) Sexagesima die post primam exec(ution)em si dies ipsa Juridica fuerit, sin autem die prima Juridica extunc proxima imme=
diate sequenti compareant Romae coram Nobis, sive Infrascripto D(omi)no N(ost)ro Locumtenente per sese, vel Procuratores suos Idoneos cum omnibus et singulis Juribus, actis, actionis,
Scripturis, Instrumentis, Processibus quibuscunq(ue) ad causam hanc facien(tibus) eisdem DD. Instibus Appellantibus de omnibus et singulis in d(ict)a appellatione contentis et expressis
de Justitia responsuri, aliaque dicturi, facturi, et recepturi prout Justitia suadebit et ordo dictaverit rationis. Certificantes eosdem sic citatos, quod si
in dicto citationis termino comparuerint, sive non, Nos nihilominus, vel d(ictus) D. eius Noster Infrascriptus ad huius causae et causarum expeditionem, necnon ad
omnes et singulos alios actus, et terminos Judiciales usque ad Sententiam diffinitivam inclusive servatis servandis deveniemus hinc deveniet Justitia mediante
eorumdem citatorum contumacia vel absentia in aliquo non obstante. Et Insuper attendentes quod lite et causa huius per appellationem coram Nobis
ut supra introducta adhuc indecisa pendente nihil sit in Partibus innovandum sic attentandum Ideo modo et forma praemissis Inhi=
beatis et Inhibendo expresse praecipiatis, et mandetis, prout Nos praecipimus, et Inhibemus per praesentes omnibus et singulis DD. de Partibus
Judicibus tam Ecclesiasticis, quam Saecularibus quacumque auctoritate, vel dignitate fungentibus, et functuris, nec non Supradictis DD. Vicarijs, Officialibus, et
R(everen)do Promothori fiscali dictae Curiae Episcopalis Olomucensis, omnibusq(ue) et singulis alijs in exec(ution)e praesentium nominandis, et cognominandis ne sub
Excommunicationis, Ducatorum Mille Auri in auro, et pro illis mandati executioni alijsq(ue) arbitrio Nostro poenis audeant, seu praesumant, aut eorum aliquis
audeat, seu praesumat in litis pendentia quoad Jurisdictionis Nostrae, Im(m)o verius Sanctae Sedis Apostolicae spretum, vilipendium, et contemptum, Appellantiumq(ue)
damnum, praeiudicium, et gravamen in Partibus, et coram illarum Incompetentibus DD. Judicibus, aut alibi quam Romae coram Nobis et per acta Infrascripti N(ost)ri Notarij
quicquam innovare, seu attentare, vel innovari, seu attentari facere per sepe, alium seu alios directe, vel indirecte, tacite, vel expresse, quod si secus factum fuerit, Id totum
revocabimus, et in pristinum reduci curabimus, Absolutionem vero praemissorum Nobis vel Superiori Nostro tantummodo reservamus. In quorum fidem & Datum Romae
ex Aedibus Nostris hac die tertia Mensis Junij Anni Millesimi Sexcentesimi Octuagesimi Noni
Nicolaus Manerius
Cancellarius Cam(erae) Ap(osto)licae
A. Janussius N(ota)r(iu)s
Citatio cum Inhibit(ion)e vigore appellationis