EMINENTISSIMI ET CELSISSIMI PRINCIPIS AC D(OMI)NI D(OMI)NI WOLFFGANGI
Sac(rae) Rom(anae) Ecclesiae Tituli S(ancti) Marcelli Presbyteri Cardinalis de Schrattenbach, Comprotectoris Germaniae, Episcopi Olomucensis Ducis, Sac(ri) Rom(ani) Imperij Principis, et Regiae Capellae Boemiae Comitis, Canonicor(um)
Regularium S(ancti) Augustini Congregat(ionis) Lateran(ensis) in Canonia Olomucensi, Sternbergensi, et Fulnecensi Generalis Visitatoris, necnon Sac(rae) Caesareae, Regiaeque Catholicae Matt(at)is Consiliarij actualis et intimi, In Spiritualibus Generalis Vi=
carius et Officialis Franciscus Julianus S(acri) R(omani) I(mperii) Comes à Braida, in Ronsecco et Cornigliano, Ep(iscop)us Hipponensis, Haereditarius D(omi)n(u)s in Haintzenburg, Cathedralis Ecclesiae Olomucensis Canonicus et Suffragan(eus) necnon Archidiacon(us) Znoym(ensis)
Totumque Episcopale Consistorium.
Universis et Singulis quorum interest, Salutem in Domino Sempiternam.
Vacante per obitum quondam Reverendissimi et Amplissimi Domini Raymundi Mayer Praepositura Canoniae Olomucensis ad OO(mnes) SS(anctos) Canonicorum Regularium S(ancti) Augustini Congregat(ionis) Lateran(ensis) Cujus Visitatio ad altè dictam
Suam Eminentiam Dominum Episcopum Olomucensem tanquam Ordinarium et Visitatorem pertinere dignoscitur, Adm(odum) R(everen)dus et Eximius Dominus Ambrosius Czischky Decanus, Ejusdemque Canoniae Olomucensis professi, cupientes
Eidem Canoniae vacanti, de alio Praeposito et Capite providere, nè diuturniore ejus vacatione, damna aliqua et jacturas pateretur, juxta Ordinis sui Statuta post praefixam à Nobis in Spiritualibus Generali Vicario et Officiali, Totiq(ue)
Ep(iscop)ali Consistorio, Authoritate ad hunc Electionis actum à praefata Sua Eminentia Domino D(omi)no Episcopo Olomucensi Specialiter delegatâ, Electionis diem ad praefatum Solemnem Actum, in praesentia Commissarior(um), Reve=
rendissimi et Illustrissimi Domini Francisci Ferdinandi S(acri) R(omani) I(mperii) Comitis ab Oedt D(omi)ni in Götzendorff et Helffenberg, Cathedralis Eccl(es)iae Olomuc(ensis) Praelati Praepositi, ac Collegiatae ad S(anctam) Crucem Wratislaviae Praelati Scholastici, Archi=
diaconi Brunensis Suae Eminentiae D(omi)ni Episcopi Olomucensis Consiliarij, Ejusdemq(ue) Ep(iscop)alis Consistorij Assessoris, et Episcopatus Olomucensis in Temporalibus Administratoris; nec non Reverendissimi ac Ill(ustrissi)mi
Domini Joannis Mathiae S(acri) R(omani) I(mperii) Comitis de Turri et Vallesassina, Cathedralis Eccl(es)iae Olomuc(ensis) Canonici, Collegiatae Eccl(es)iae Brunensis ad S(anctum) Petrum et Paulum Praepositi infulati, Suae Eminentiae D(omi)ni Ep(iscop)i Olomuc(ensis)
Consiliarij, Ejusdemq(ue) Ep(iscop)alis Consistorij Assessoris, per Nos specialiter ad praesidendum eidem actui deputatorum, per formam Scrutinij processerint, et tandem Octo votis Adm(odum) R(everen)dum et Eximium Ejusdem Canoniae Olo=
mucensis Professum D(omi)num Alexandrum Kibosch (prout in Instrumento Nobis exhibito latius patet) concorditer elegerint, Eumq(ue) Electum Nobis unà cum Electionis Processu personaliter praesentârunt,
demissè orantes, quatenus Eundem, utpote à majori parte jus eligendi habentium, legitimè electum, ad praefatam Praeposituram Olomucen(sem) ad OO(mnes) SS(anctos) instituere, investire ac confirmare benignè dignaremur: Nos itaq(ue) dicti Electionis Pro=
cessu inspecto, et post accuratam discussionem animadvertentes, praedictos D(omi)nos Electores conscientiosè et legitimè in actu isto processisse, nihilq(ue) praefecturo Ejusdem Canoniae bono Canonicè obstare, quo minus electa Persona Suprà nominata
confirmari per Nos possit, ac valeat, aequis ac honestis praedictor(um) Canoniae Olomuc(ensis) Canonicorum petitionibus benignè inclinati, tantò promptiùs ad Confirmationem Electi praestandam ferimur, quantò certiorem spem in=
venimus, Illum, non solùm vocationi Suae Regulari, congrua vitae honestate pro Subjectorum Exemplo et aedificatione, abundè responsurum, verum etiam rem familiarem, Bonaq(ue) Temporalia praedictae Canoniae fide=
liter ac diligenter, prout bonum dispensatorem decet, administraturum, et Curaturum, quemadmodum praemissorum intuitu, plenum jus administrandi, plenamq(ue) tam in Spiritualibus, quàm Tempora=
libus regendi praedictam Canoniam, et Bona ipsius universa (receptâ prius ab Illo Fidei Catholicae Professione, et Corporali Juramento Supra Sancta DEI Evangelia, juxta infrà Scriptam formulam) Eidem prae=
sentium tenore Concedentes, in Praepositum Suprà dictae Canoniae Olomucensis ad OO(mnes) SS(anctos) in DEI ter Optimi Maximi Nomine, Authoritate, ut praefertur, Nobis Specialiter delegatâ, Eundem
Electum instituimus, investimus ac confirmamus, utq(ue) illi non secus, ac vero Praeposito à Canonicis praefatae Canoniae, Omnibusq(ue) Subditis debita Reverentia, Obedientia, et Subjectio praestetur, volumus,
et seriò injungimus, committentes Reverendissimo et Amplissimo D(omi)no Patritio Laurentio Lehmann Canoniae Sternbergensis Ordinis S(ancti) Augustini Canon(icorum) Regular(ium) Congregat(ionis) Lateran(ensis) Praeposito, ut
praefatum D(omi)num Alexandrum Kibosch à Nobis legitimè confirmatum, in realem, actualem et corporalem dictae Praepositurae Olomuc(ensis) Possessionem inducat, faciat illi de fructibus et proventibus
Ejusdem Universis, locis et temporibus opportunis responderi. Forma autem Juramenti est sequens: Ego Alexander Kibosch Electus Praepositus Canoniae Olomuc(ensis) Eminentiss(im)o et Celsiss(im)o Principi
ac D(omi)no D(omi)no Wolffgango S(acrae) R(omanae) E(cclesiae) Tit(uli) S(ancti) Marcelli Presb(yteri) Cardinali de Schrattenbach, Comprotectori Germ(aniae) Ep(iscop)o Olom(ucensi) Duci, S(acri) R(omani) I(mperii) Principi, Regiaeque Capellae Boemiae Comiti, nec non Sac(rae) Caesareae,
Regiaeque Matt(at)is intimo actuali Consiliario, atq(ue) Ord(inis) Canon(icorum) Regular(ium) S(ancti) Augustini Congreg(ationis) Lateran(ensis) per Moraviam Visitatori, Ejusq(ue) Successorib(us) Canonicè intrantibus, veram et debitam obedientiam et Reve=
rentiam Sanctè spondeo, promittens Regulam et Statuta Ord(inis) mei pro posse meo quàm diligentissimè me semper observaturu(m), Villas et possessiones Canoniae meae, non vendam, non oppignorabo, non distrahem, nec quo=
vis alio titulo alienabo, nisi in Casib(us) jure permissis et concessis, debitis tamen in Canonib(us) praescripto modo, quin potiùs neglecta restaurare, et alienata pro virili recuperare adnitar, et studebo. Sic me DEUS ad=
juvet, et haec Sancta Ejus Evangelia. In quorum Fidem et robur, omnium Suprà dictorum hasce manu propriâ Subscriptas, Majori nostro Sigillo communiri fecimus. Olomucij in Curia Episcopali
die 24. Septemb(ris) A(nn)o 1722.
Franciscus Julianus Comes à Braida m(anu) p(ropria)
Henricus de Keell J(uris) U(triusque) D(octor) m(anu) p(ropria)