Nos Alexander Maximilianus Hrbosch Canonicorum Regu
larium Lateranensium Sancti Augustini Collegiatæ ad Omnes Sanctos Olo
mucy et Landscronæ ad Sanctum Wenceslaum Præpositus Infulatus, Marchionatus Mora
viæ Prælatus, Franciscus Hajek Decanus, Mauritius Klock Senior, totumq(ue) Capitulum
ejusdem Collegiatæ Olomucy ad Omnes Sanctos,
Perillustri Domino Francisco Antonio Salawa de Lippa, Domino in Augezd,
Regiæ Majestatis Hungariæ, et Bohemiæ Consiliario, et supremo Aulæ Præfecto, Judicij
Provincialis Assessori, nec non Inclyti Regij Officij Marchionatus Moraviæ Cancellario, Domino
nobis Colendissimo
Salutem in Domino Sempiternam.
Etsi universis Christi fidelibus prompta charitate spiritualia sint communican
da beneficia, illis tamen qui in nostram Sacram Lateranensem Congregationem spetia
lem benevolentiæ suæ affectum præstiterunt, et quos spiritualis dilectionis prærogativa ardentio
ri in nos accendit desiderio, abundantius convenit nostræ Pietatis officia elargiri; ita ut quibus
in terris libenter spiritualis dilectionis jungimur vinculo, ijsdem æternum in coelis gaudium
in Domino mutuis meritis adniti valeamus, uberiori jungamur et præmio. Sane ponderan
tes in Perillustri Domino Francisco Antonio Salawa de Lippa Domino in Augezd, Regiæ Majestatis
Hungariæ et Bohemiæ Consiliario, supremo Aulæ Præfecto, Judicij Provincialis Assessori, nec non Inclyti Regij
Officij Marchionatus Moraviæ Cancellario, erga Canoniam nostram benignam animi propensionem,
et peremissi favoris insignia erga nos officia, Eundem in grati animi vicem singulari dilectionis fra
terna vinculo constringimus, et in foedus Confraternitatis nostræ perpetuum præsentium tenore
assumimus, illiq(ue) de Omnipotentis Dei misericordia, et liberalitate optimi confisi, tum Sanctissi
mæ Protectricis nostræ Immaculatæ semper Virginis Mariæ, Sanctorum Apostolorum Petri, et
Pauli, Sancti Patris nostri Augustini, ac Omnium Sanctorum Patronorum nostrorum pia inter
cessione suffulti, Omnium nostrorum Suffragiorum, Missarum, Orationum, divinorum Officiorum
Vigiliarum, Abstinentiarum, laborum, ac deniq(ue) cunctorum bonorum spiritualium, quæ Divina Cle
mentia per nostræ Congregationis fratres præsentes, et futuros operari dignabitur, plenam com
municationem, et participationem amanter in Domino concedimus, et elargimur, Eundem in
tra nostræ militiæ castra, tam in vita quam morte harum serie recipientes, et cooptantes, Idq(ue)
in Nomine Dei Patris, et Filij, et Spiritus Sancti. Amen.
Dabamus hasce Capitulariter congregati in Canonia ad Omnes Sanctos Olomucy, easq(ue) con
suetis nostris Sigillis muniri fecimus die 9na Decembris Anno 1740.
Alexander Præpositus, et
Franciscus Hajek Can:
R. Lat. et decanus mp.
obijt Brunæ die 25a
Mauritius Klock Can: R. Lat. Senior mp.
Aug(usti) 1743
Troblitich Maj(esta)tis Notarius
Tum Capitulum mp.