JACOBUS ERNESTUS, DEI GRATIA, EPISCOPUS OLO=
MUCENSIS, DUX, S. R. I. PRINCEPS, REGIAE CAPELLAE BOHEMIAE, ET DE LIECH=
TENSTEIN COMES &c.
Universis et Singulis quorum interest Salutem in Domino Sempiternam. Vacante per obitum Admodum R(everen)di quondam Alexandri Krbosch Praepositura Monasterij ad O: O: S: S: Olo=
mucij, Ordinis Canonicorum Regularium Lateranensium Sancti Augustini cujus visitatio ad Nos tanquam Ordinarium et Visitatorem pertinere dignoscitur, Reverendi, Venerabiles, et Re=
ligiosi praedicti Coenobij Olomucensis Professi, cupientes eidem Monasterio vacanti de alio Praeposito providere, ne diuturniore ejus vacatione Monasterium ipsum damna aliqua, et jacturas pateretur,
juxta Ordinis Sui Statuta, post praefixum a Nobis tanquam Ordinario Electionis diem, ad praefatum Solemnem Actum in praesentia Commissariorum Nostrorum Domini Ferdinandi Julij Comitis de Tro=
jer Cathedralis Nostrae Olomucensis Praelati Scholastici Infulati, Consiliarij Nostri, Consistorijq(ue) Nostri Assessoris, necnon Antonij Praser pariter Consiliarij Nostri, Assessoris Consistorialis, et Decani Krali=
censis per Nos specialiter ad praesidendum eidem Actui deputatorum, per formam Scrutinij processerunt, et tandem pluralitate votorum Venerabilem et Religiosum Patrem Franciscum Hajek Ejusdem Ordi=
nis et Monasterij Professum (prout ex Instrumento Electionis Nobis desuper exhibito latius patet) concorditer elegerunt, Eumq(ue) Electum Nobis, uti loci Ordinario, et Visitatori praesentarunt, demissè oran=
tes, ut illum tanquam legitimè ab ipsis Jus eligendi habentibus electum ad praefatam Praeposituram Olomucensem instituere, investire, ac confirmare benignè dignaremur. Nos itaq(ue) Electionis dictae pro=
cessu inspecto, et post accuratam discussionem animadvertentes praedictos Confratres conscientiosè, et legitimè in actu eo processisse, nihilq(ue) pro futuro ejusdem Monasterij bono Canonicè obstare, quominus elec=
ta persona supra nominata confirmari per Nos possit, ac debeat, aequis, et honestis, praedictorum Conventus Olomucensis Fratrum petitionibus benignè inclinati, tantò promptiùs ad confirmationem Electi
praestandam ferimur, quantò certiorem in spem venimus, illum non solùm vocationi suae Regulari, congrua vitae honestate, pro Subjectorum exemplo et aedificatione abundè responsurum, verùm etiam rem
familiarem, bonaq(ue) temporalia praedicti Monasterij fideliter ac diligenter, prout bonum dispensatorem decet, administraturum et curaturum esse: Quemadmodum praemissorum intuitu, praesentium tenore ple=
num Jus administrandi, pleniq(ue) tam in Spiritualibus, quàm temporalibus regendi praedictum Monasterium et Bona ipsius universa (recepta priùs ab illo Fidei Catholicae professione et corporali Juramento, sup=
ra Sancta DEI Evangelia, juxta infra scriptam formulam) Eidem concedentes, in Praepositum supra ~dicti~ Monasterij Olomucensis in DEI ter optimi Maximi Nomine, Authoritate Nostra Ordinaria, et
tanquam Visitator eundem Electum instituimus, investimus, et confirmamus, utq(ue) illi non secus ac vero Praeposito à Fratribus Monasterij praefati, omnibusq(ue) Subditis debita reverentia, obedientia, ac subjectio
praestetur, volumus, et seriò injungimus. Committentes Admodum R(everen)do in Christo Nobis dilecto Francisco Joanni Gold Praeposito Fulnecensi, ut praefatum Franciscum Hajek utpote à Nobis legitimè confir=
matum, in realem, actualem, et corporalem dictae Praepositurae Olomucensis ad O: O: S: S: Possessionem inducat, faciatq(ue) illi de fructibus et proventibus ejusdem universis, locis et temporibus opportunis respon=
deri. Formula autem Juramenti est talis: Ego Franciscus Hajek Electus Praepositus Olomucensis ad O: O: S: S: Vobis Reverendissimo et Celsissimo Principi, ac Domino, Domino
Jacobo Ernesto, Episcopo Olomucensi, Duci, Regiae~q(ue)~ Capellae Boemiae et de Liechtenstein Comiti, Vestris Successoribus Canonicè intrantibus, veram, ac debitam reverentiam, et obedi=
entiam sanctè spondeo, promittens Regulam, et Statuta Ordinis Mei pro posse meo, quàm diligentissimè me semper observaturum, non ero in Consilio vel facto contra Vestram Perso=
nam, neq(ue) Ecclesiam Olomucensem, et Consilia, quae Vobis et Eidem Ecclesiae contraria fideliter Vobis revelabo, Consilium Vestrum nemini pandam, auxilium licitum Vobis contra eos, qui
aliquid iniqui contra Vos Ecclesiamq(ue) Vobis commissam attentaverint (salvo Ordine meo in his quae ad justam ipsius defensionem spectant) praestabo, et exhibebo, Villas, et Possessio=
nes Monasterij mei non vendam, non oppignorabo, non distraham, nec alio quovis titulo alienabo, nisi in casibus à Jure permissis, et concessis, debitò tamen in Canonibus praes=
cripto modo, quin potiùs neglecta restaurare, et alienata pro virili recuperare adnitar et studebo. Sic me DEUS adjuvet, et haec Sancta Ejus Evangelia. In quorum omnium supradic=
torum fidem, et robur hasce Manu Nostra subscriptas, Sigillo Nostro Cancellariae majori communiri fecimus. Datae Olomucij die Vigesima Octava Mensis Januarij Anno Domini, Millesimo, Septin=
gentesimo, quadragesimo Tertio.
Jacobus Ernestus Ep(iscopus)
Ad Mandatum R(everend)issimae
Suae Cels(itudin)is proprium
Caspar Antonius Zontano