Notum, perspectúmque sit omnibus quorum interest, quod postquam Anno Milesimo Sexcentesimo Septuagesimo tertio,
ad decentem requisitionem Reverendissimi Domini Augustini Karassek ordinis Sancti Augustini Canonicorum Regularium Congregationis
Lateranensis, tunc Lands=Krona et ad omnes Sanctos Olomutij Præpositi, piæ memoriæ, uti et Decani totiúsque Capituli, Reverendissimus Dominus Dio=
nysius Juraij, Carthusiæ Olomucensis vallis Josaphat pro tempore Prior, interea pariter in Domino piè defunctus, et Conventus indulsisset, ut me=
moratus Reverendissimus Dominus Præpositus Augustinus Karassek Super muro utrumque Monasterium ab invicem Separante, et aliàs quo=
ad proprietatem ad dictam Carthusiam pertinente Sex pedes in altum, et unum pedem in latum in emolumentum, et usum futurum Monasterij Sui
omnium Sanctorum, Suis, et Sui Conventûs Sumptibus ædificare valeat, nihilominus cum annexa hac obligatione, ut eundem murum deinceps porrò al=
tius in qualecunque demum præjudicium dictæ Carthusiæ elevare non liceat, Sed Stillicidium in ædes præfati Monasterij omnium Sanctorum per me=
dium Sit nuncupatum tectum recipiatur, in ædificatum etiam expensis ejusdem Monasterij in Statu Suo continuò conservetur; et Si prærepetitum mu=
rum aliquando occasione ejusdem novi ædificij labefactari contingeret, mentionata Carthusia in demnis conservetur: interea Successu temporis animadversu(m)
sit, quod grave damnum prærepetito Monasterio omnium Sanctorum exinde emerserit, cùm tectum illud neo-ædificatum ob nimiam Suam quasi planiti=
em impedire nequiverit, quin aqua pluvia, et nix resoluta nihilominus hinc inde penetrâsset, et trabes impositas putrefecisset. Igitur ad iteratas
preces Reverendissimi Domini Ambrosij Engelmann ordinis Sancti Augustini Canonicorum Regularium Congregationis Lateranensis Lands=Krona et ad o=
mnes Sanctos Olomutij Præpositi, Decani, et totius Capituli, Reverendissimus Dominus Albertus Widenmann prælibatæ Carthusiæ Olomucensis vallis
Josaphat Prior et Conventus, ad conservandam bonam vicinitatem eo condescendit, ut dempta ad tres pedes altitudine præattacti muri Salvisque cæterùm
per omnia pactis prioribus duntaxat præsens tectum pro exigentia ædificij mutari, non tamen ultrà Septem pedes à muro in altum elevari queat, ipsúmque
Stillicidium, ut per canalem in eadem parte tectuli applicatum, derivetur introrsum versus cubicula Reverendissimi Domini Præpositi. Quem=
admodum etiam utraque pars Se contra hanc amicabilem conventionem præviâ maturâ deliberatione initam, neque per Se, neque per alias intermedias per=
sonas nihil acturam, neque agi permissuram esse, Sibi invicem cum renuntiatione omnium in genere, vel Specie aliàs competentium beneficiorum, Seu ex=
ceptionum firmissimè pollicita est, et in horum omnium majus robur ac Stabilimentum pro Se, omnibúsque Suis Successoribus valiturum, non Solùm Se ma=
nu propria Subscripsit, Sed etiam Suum proprium et utriúsque Conventûs Sigillum apprimi fecit. Actum Olomutij die 23. Mensis octobris An=
no Milesimo Septingentesimo tertiodecimo.
Raymundus Mayer Decanus
Joannes Landtski Vicarius.