Innocentius ep(iscopu)s s(er)uus s(er)uo(rum) dei dilectis filijs priori gen(er)ali et fratribus ordinis heremita(rum) sancti Augustini salt(em) et ap(osto)licam ben(edictionem) Sane uir
religionis in qua deuotum deo redditis famulatum promeretur honestas ut uotis u(est)ris p(re)sertim que diuini cultus augmentum respiciunt quantum cum deo possumus fauorabiliter annuamus Exhibita
siquidem nobis pro parte u(est)ra et dilecti filij nobilis uiri Johannis marchionis morauie peticio continebat q(uo)d idem marchio de p(ro)pria salute cogitans ac cupiens terrena in celestia et transitoria in eter
na felici com(er)cio comutare p(ro)posuit et intendit ad om(n)ipotentis dei laudem et gloriam suiq(ue) cultus augmentum pro sua et alio(rum) fideliu(m) anima(rum) salute de bonis sibi a deo collatis quendam
locum pro fratribus u(est)ri ordinis in oppido suo de Brunna scilicet suburbio Olomucen(sis) dioc(esis) populoso utiq(ue) ac habundanti et insigni de nouo fundare et edificare ac const(r)ui facere cum eccl(esi)a
seu oratorio cimiterio et alijs necessarijs officinis Quare pro u(est)ra et ipsius marchionis parte fuit nobis humiliter supplicatum ut sibi faciendi premissa ac uobis recipiendi locum huiusmodi li
centiam concedere dignaremur Nos itaq(ue) huiusmodi laudabile p(ro)positum dicti marchionis in d(omi)no com(m)endantes eidem fundandi ac edificandi et const(r)ui faciendi uobisq(ue) ad usum u(est)r(u)m recipiendi
et habendi in eodem oppido seu eius suburbio in loco tamen ad hoc congruo et honesto locum huiusmodi cum eccl(esi)a seu oratorio campanili et campana cimiterio domibus et alijs necessarijs
officinis dummodo duodecim fratres de eodem ordine in eo pro tempore moraturi inibi decenter et congrue ualeant sustentari felicis recordationis Bonifacij p(a)p(e) viij p(re)decessoris n(ost)ri pro
hibente ne fratres ordinis mendicantium in ciuitate castro uilla seu alio loco quocumq(ue) ad habitandum domos uel loca quecumq(ue) recipere de nouo presumant absq(ue) ap(osto)lice sedis
licentia speciali faciente plenam et expressam de inhibitione huiusmodi mentionem et qualibet alia constitutione contraria nequaquam obstantibus iure parrochialis eccl(esi)e et cuiuslibet
alterius in omnibus semper saluo plenam et liberam auct(orit)ate ap(osto)lica de speciali gratia licentiam elargimur uolentes uobisq(ue) etiam concedentes q(uo)d fratres dicti ordinis
qui in dicto loco pro tempore fuerint gaudeant omnibus et singulis priuilegijs gratijs exemptionibus et libertatibus quibus alij fratres ip(s)ius ordinis ex concessione ap(osto)lica potiuntur
Nulli ergo omnino hominum liceat hanc pagnam n(ost)re uoluntatis concessionis infringere uel ei ausu temerario contraire Siquis autem hoc attemptare presumpserit in(di)
gnationem omnipotentis dei et beato(rum) Petri et Pauli ap(osto)lo(rum) eius se nouerit incursurum Dat(um) apud uillamnouam Auinionen(sis) dioc(esis) xv kal(endas) Augusti
Pontificatus n(ost)ri Anno Quarto

Bartholomeus