Innocentius ep(iscopu)s s(er)uus s(er)uor(um) dei dilectis filijs Nicolao p(re)posito et conuentui Monasterij
Annuntiationis beate Marie virginis opidi St(er)nbergen(sis) per p(re)positum soliti gubernari ordinis sancti Augustini Olomucen(sis) dioc(esis) Sal(utem) et ap(osto)licam ben(edictionem) Expostulat u(est)re
deuotionis sinceritas et religionis promeretur honestas ut tam uos quos sp(eci)ali dilectione prosequimur qua(m) Monasterium u(est)r(u)m et(iam) ad fidei xpiane exaltationem et heretice confu
sionem et in ip(s)o Monasterio ordinis uiri conseruationem condignis honoribus attollamus Sane pro parte u(est)ra nobis nuper exhibita petitio continebat q(uo)d licet alias ex certis causis tunc
expressis tibi fili p(re)posite et successoribus tuis dicti Monasterij p(re)positis pro tempore existentibus ut Mitram et alijs pontificalib(us) ornamentis uti ac uestes et ornamenta
sacerdotalia benedicere et quoscu(m)q(ue) dicti Monasterij Canonicos alias ydoneos ad clericatus et minores ordines promouere posses per alias n(ost)ras litteras in forma Breuis concesse
rimus tamen cum partes ille a Roman(a) Curia multum distent concessioni huiusmodi maior fides adhiberetur si littere ap(osto)lice desuper sub plumbo expedite essent Et cum sicut eadem
petitio subiungebat oporteat pro exaltatione fidei xpiane et manutentione dicti Monasterij quod in partibus Morauie existit et personar(um) religiosar(um) in eo ac etia(m) ad confusionem
hereticor(um) quibus partes ille multum abundant Monasterium p(re)dictum gratijs ap(osto)licis co(m)munitum fore pro parte u(est)ra nobis fuit humiliter supplicatum ut uobis in premissis
oportune prouidere de benignitate ap(osto)lica dignaremur Nos igitur uos et u(est)r(u)m quemlibet a quibuscu(m)q(ue) exco(m)municationis suspensionis et interdicti alijsq(ue) ecclesiasticis sententijs
censuris et penis a iure uel ab homine quauis occasione uel causa latis siquibus quomodolibet innodati estis ad effectu(m) presentium dumtaxat consequendum har(um) serie absoluentes et
absolutos fore censentes uotis in hac parte supplicationibus inclinati ut tu fili p(re)posite et successores tui dicti Monasterij p(re)positi qui pro tempore fuerint Mitram Anulo et
Baculo pastorali ac alijs pontificalibus insignijs uti ac in ip(s)o Monasterio benedictionem solennem post Missar(um) Vesperor(um) et Matutinor(um) solennia dummodo in benedictione
huiusmodi aliquis Antistes uel ap(osto)lice sedis Legatus presens non fuerit elargiri ac eccl(esi)am dicti Monasterij et illius Capellas et Altaria ac Cimiteria et alias eccl(i)as eidem
Monasterio subiectas quotiens per effusionem sanguinis uel seminis uiolari contigerit et fuerit oportunum aqua tamen prius per aliquem catholicum ep(iscopu)m benedicta reconciliare ac
Canonicos professos dicti Monasterij alias ydoneos ad clericatus et omnes minores ordines promouere et ordines ip(s)os eisdem conferre ac q(uo)d tam tu p(re)posite et tui successores qua(m)
uos Conuentus in sigillandis u(est)ris et dicti Monasterij litteris cera rubea uti possitis Constitutionibus et ordinationibus ap(osto)licis necnon Monasterij et ordinis p(re)dictor(um)
iuramento confirmatione ap(osto)lica uel quauis firmitate alia roboratis statutis et consuetudinibus ceterisq(ue) contrarijs nequaqua(m) obstantibus uobis et eisdem successoribus auc(tori)tate
ap(osto)lica presentium tenore indulgemus Nulli ergo omnino hominum liceat hanc paginam n(ost)re absolutionis et concessionis infringere uel ei ausu temerario contraire Siquis autem
hoc attemptare presumpserit indignationem omnipotentis dei ac beator(um) Petri et Pauli Ap(osto)lor(um) eius se nouerit incursurum Dat(um) Rome apud Sanctumpetrum
Anno Incarnationis dominice Millesimoquadringentesimooctuagesimonono Nono k(a)l(endas) Aprilis Pontificatus n(ost)ri Anno Sexto

Anno domi(ni) M(illesim)o quingentesimo die Sabbati Vndecima Aprilis
exhibite fuerunt p(re)sentes l(itte)re ap(osto)lice coram Re(uerendissi)mo d(omi)no d(omi)no
Stanislao dei gra(tia) ep(iscop)o olom(ucensi) quib(us) uisis ac auditis eisdem
in hiisq(ue) l(itte)ris et iustis annuit

S(anctissimi) d(omini) n(ostri) de(cretum)
A(nno) s(ecundo) obolus p(ro) m(arca)
f(iat) by(lla) r(e)s(criptum) p(ro) s(anctissimo)

S(anctissimi) p(atris) n(ostri) s(er)uus

Wen(ceslaus)
N(ota)r(ius) m(anu) p(ropria)

J(ohannes) de
Seluis