Stanislaus dei et ap(osto)lice sedis gratia Ep(iscopu)s Olomucen(sis) Vniuersis et singulis p(re)sentes l(itte)ras inspecturis quosc(um)q(ue) infrascriptu(m) tangit negociu(m) seu tangere poterit
quomodolibet in futurum Salutem in d(omi)no sempiternam. Nuper vacante prepositura monasterij beate marie virginis ordinis canonicoru(m) regulariu(m)
sancti Augustini In Oppido Gevnberg nostre Olomucen(sis) dioc(esis) per obitum quondam patris Nicolai eiusdem Monasterij dum viueret prepositi Honorabiles
et religiosi fratres totusq(ue) Conuentus prefati monasterij volentes sibi et eidem Monasterio de alio preposito ac prelato prouidere ne forte diuturna illius
vacatione Ipsum monasteriu(m) aliquas iacturas et dispendia q(uo)d absit pateretur seu agrauetur incomodis Iuxta eorundem fratru(m) et monasterij priuilegia
necnon antiquas consuetudines et approbatas ad electionem futuri prepositi rite procedentes In honorabilem fratrem Benedictu(m) de Luthomia predicti Mo
nasterij p(re)sb(ite)rum professum nobis in ch(rist)o dilectum vota sua direxerunt et ipsum tanq(uam) ydoneum abilem et vtilem futurum In suu(m) et eiusdem monasterij p(re)p(osi)tu(m)
et prelatum vnanimi omniu(m) consensu et assensu vt de hoc edocti sumus legittime elegerunt Demu(m) quoq(ue) eundem fratrem Benedictu(m) sic vt premittit(ur)
electum nobis vti loci ordinario Ad instituendum inuestiendu(m) et confirmandu(m) ad eandem prepositura(m) p(re)sentauerunt Nos igitur Stanislaus Ep(iscopu)s prefatus
predictoru(m) fratru(m) humilib(us) precibus nobis factis tanq(uam) iustis et rationabilib(us) merito annuentes h(uius)mo(d)i electionem approbauimus et approbamus Necnon
Preposituram Gevnbergen(sem) vacantem cum omnib(us) suis iuribus et pertinentijs ac honoribus et oneribus prememorato fratri Benedicto electo ibidem
coram nobis p(rese)nti et flexis genibus id humiliter petenti Auctoritate n(ost)ra ordinaria contulimus et assignauimus ac conferimus et assignamus per p(re)sentes
In animam suam tam in sp(irit)ualibus q(uam) etiam temporalibus eiusdem salubriter regendam et gubernandam Prouidimus quoq(ue) et prouidemus etiam de eadem
Ipsumq(ue) In personalem realem et actualem possessionem prepositure Iuriu(m)q(ue) et pertinentiaru(m) predictoru(m) posuimus et induximus ponimusq(ue) et inducimus
Inuestientes nihilomin(us) ipsum fr(atr)em Benedictum prepositum per almutij canonicalis ac bireti capiti sui impositionem de prepositura antedicta atq(ue) ad eandem
confirmantes auctoritate n(ost)ra supradicta Recepto tamen prius ab eodem ad sancta dei ewangelia in manib(us) n(ost)ris corporali iuramento infrascripto Manda
mus preterea districte precipien(tes) In virtute sancte obedientie omnib(us) et singulis supradicti monasterij fratrib(us) q(ua)t(enus) ipsi et quilibet ipsorum antedictum
fratrem Benedictum In suu(m) et dicti monasterij prepositu(m) ac prelatum recipiant Eiq(ue) debitam obedientiam reuerentiam et honorem vt decet prestent
et exhibeant alia quoq(ue) secundum constitutiones et regulam ordinis sui predicti faciant et facere studeant Forma aut Iuramenti de quo superius fit mentio est
talis Ego Benedictus prepositus electus Monasterij Gevnbergen(sis) ordinis canonicoru(m) regulariu(m) Sancti Augustini Iuro vobis Reuerendissimo d(omi)no Ep(iscop)o Olo
mucen(si) prelato meo et successoribus vestris legittimis obedientiam et reuerentiam Item Iuro statuta et regulam sancti Augustini canonicoru(m) regularium dili
genter obseruare Item Iuro bona ratione domus siue monasterij nostri fideliter conseruare et non dissipare sed potius pro posse et viribus meis perdita et
neglecta recuperare et restaurare Item Iuro q(uo)d possessiones ad preposituram meam pertinentes non vendam neq(ue) donabo seu comutabo Etiam voluntate seu con
sensu Conuentus dicti Monasterij mei inconsulto Romano pontifice Sic me deus adiuuet et hec sancta dei ewangelia In quorum omniu(m) premissorum fidem et
firmitatem futuram p(re)sentes l(itte)ras n(ost)ras fieri ac sigilli nostri maioris iussimus appensione communiri. Dat(um) et act(um) Olomucz In curia nostre solite residencie
Anno a natiuitate d(omi)ni Millesimoquingentesimoundecimo Die martis vicesimasecunda mensis Aprilis :~