Stanislaus Pawlowsky dei & Apostolicæ sedis gratia
Episcopus Olomucensis, Ven(erabili) nobis dilecto Joanni Rosenblut Canonico Brunensi, Salutem in D(omi)no sempiternam. Vacante
id temporis per liberam R(everen)di in Christo nobis charissimi fratris, D(omini) Joannis Stirnsky a Stirn Cathedralis nostræ Olomucensis Ecclesiæ
Præpositi resignationem, in manus n(ost)ras uti legitimi Collatoris et Patroni factam, Archidiaconatu districtus Znoymensis Diœcesis
nostræ, equidem vitæ morumq(ue) honestatis, necnon sufficientis doctrinæ intuitu, speq(ue) optima freti, te in eo munere obeundo nihil eorum
quæ ad diligentis Archidiaconi officium pertinent, unquam prætermissurum, quin potius ut in corrigendis ac emendandis subiacentiu(m)
tibi Parochorum et sacerdotum excessibus, disciplinæq(ue) Ecclesiasticæ debita observantia reducenda, et manu tenenda, talem te exhi
beas quales singulos in ea dignitate constitutos, qui non immerito oculi Episcopi vocantur, sacri Concilij Tridentini decreta esse uolunt
omni studio enixurum: prædictum Archidiaconatum, sicut præmittitur uacantem, tibi conferendum duximus. Quemadmodum
præsentium tenore harum authoritate n(ost)ra ordinaria, eundem Archidiaconatum cum Jure Patronatus Parochiæ et subditis in
Villa Trztiemicz decimis vinearum alijsq(ue) omnibus fructibus et obventionibus de iure ex antiquo ad eum pertinentibus tibi con
ferimus, providemus de eodem teq(ue) super eo in Dei Nomine investimus. Mandantes omnibus & singulis districtus præ
fati Decanis, Parochis, et quorumuis Ecclesiarum ac sacellorum Rectoribus ut te pro uero ac legitimo a nobis uti Lociordinario
instituto et investito Archidiacono suo agnoscant, debiteq(ue) tibi in omnibus honestis, licitis et conuenientibus obediant, nec non
reuerentiam et honorem competentem exhibeant. Impleturi in eo uoluntatem n(ost)ram neq(ue) secus sub indignationis nostræ
pœna facturi. Dat(um) Olomucij die xxij. Aprilis, iuxta uetus Calendarium, Anno M. D. Lxxxiiij.
Stanislaus Ep(iscopu)s
Olomucen(sis) m(anu) p(ro)p(ri)a