F R A N C I S C V S
miseratione diuina S(anctae) R(omanae) E(cclesiae) tit(uli) S(ancti) Syluestri Presb(yte)r Cardinalis á Dietrichstain Ep(iscopu)s Olomucensis Princeps Reg(iae) Cap(ellae) Bohemiae Comes, Vniuersis ac singulis quorum interest Salutem in D(omi)no sempiternam. Vacante per obitum V(enerabi)lis quondam Mathiae Lassinsky Prae=
positura Monasterij Sternbergen(sis) ordinis Canonicorum Regularium S(ancti) Augustini cuius Visitatio ad nos legitimè pertinere dignoscitur V(enerabi)les et Religiosi praedicti Ordinis Praelatus nec non eiusdem Coenobij professi Fratres cupientes eidem Monasterio uacanti de alio Praeposito
prouidere, ne diuturniore eiusdem uacatione Monasterium ipsum damna aliqua et iacturas pateretur, iuxta ordinis sui statuta post praefixum á nobis tanquam Visitatore Electioni diem ad praefatum solennem actum in praesentia R(everen)dorum Nobilium et Eximiorum in Chro(n)o Confr(atru)m nobis charis=
simorum: Venceslai Pillar de Pilbu Prothonotarij Ap(osto)lic(i) Cathedralis Eccl(esi)ae n(ost)rae Olomucen(sis) Praepositi Archidiac(oni) Brunen(sis) Consiliarij et Viceofficialis n(ost)ri, et Joannis Ernesti Platisij á Platenstain SS(acrae) Theologiae nec non J(uris) V(triusque) D(octo)ris Cathedralis Eccl(esi)ae n(ost)rae Olomucen(sis) Canonici, per nos spe=
cialiter ad p(rae)sidendum eidem actui deputatorum, per formam scrutinij processerunt, ac tandem pluribus et sanioribus uotis, V(enerabi)lem et Religiosum Fr(atr)em Matthiam Jarecium eiusdem ordinis professum et Mon(aster)ij apud Omnes Sanctos in praeurbio Olom(ucensi) Administratorem, (prout ex Decreto
Electionis nobis transmisso latiùs patet) concorditer elegerunt, eumque electum et solenniter installatum nobis uti Lociordinario et Visitatori, una cum Electionis processu per I(u)r(at)os p(rae)sentarunt, demissè orantes, ut illum tanquam legitimè ab o(mn)ibus ius eligendi habentibus electum, ad praefatam Praeposi=
turam Sternbergen(sem) instituere, inuestire ac confirmare benignè dignaremur. Nos itaque dicto Electionis processu inspecto, et post accuratam discussionem animaduerso, praedictos fr(atr)es conscientiosè et legitimè in actu p(rae)missionis processisse, nihilque profuturo eiusdem Mon(aster)ij bono ca=
nonice obstare, quo minus electa persona subnominata confirmari per nos possit ac debeat, aequis et honestis p(rae)dictorum Conuentus Sternbergen(sis) Fr(atru)m petitionibus benignè inclinati, tanto promptiùs ad confirmationem Electi p(rae)standam ferimur, quanto certiorem in spem uenimus, illum non
solum uocationi suae regulari, congrua uitae honestate pro subiectorum exemplo et aedificatione abundè responsurum, uerum etiam rem familiarem bonaque temporalia praedicti Mon(aster)ij fideliter ac diligenter prout bonum dispensatorem decet administraturum et curaturum esse. Quemadmodum
praemissorum intuitu p(raese)ntium tenore plenum ius administrandi, pleneque tam in Spiritualibus quam temporalibus regendi p(rae)dictum Monasterium et bona ipsius uniuersa (recepta prius ab illo solita fidei professione, et super Sancta DEI Euangelia corporali Juramento infrascripto) ei=
dem concedentes, in Praep(osit)um supradicti Monasterij Sternbergen(sis) in DEI Opt(imi) Max(imi) nomine, authoritate n(ost)ra ordinaria et tanquam Visitator eundem Electum instituimus, inuestimus ac confirmamus: Vtque illi non secus ac uero Praeposito á Fr(atr)ibus memorati Monasterij,
omnibusque Subditis debita reuerentia, obedientia ac subiectio praestetur, uolumus, seriòque iniungimus. Committentes suprascriptis R(everen)d(issim)is Confr(atr)ibus et in dicta Electione Commissarijs n(ost)ris nec non V(enerabi)li Thomae Schiller Praeposito Fulnecen(si), ut praefatum Matthiam Jarecium
á nobis legitimè confirmatum in realem, actualem et corporalem dictae Praepositurae Sternbergen(sis) possess(ionem) inducant faciantque illi de fructibus et prouentibus eiusdem uniuersis locis et temporibus opportunis responderi. Forma uerò Juramenti per eundem Electum nobis
praestiti est talis. Ego Matthias Jarecius Electus Praepositus Monasterij Sternbergensis, Ordinis Canonicorum Regularium S(ancti) Augustini, Vobis Ill(ustrissi)mo et R(everendissi)mo Principi ac D(omi)no D(omi)no Francisco, S(anctae) R(omanae) E(cclesiae) Cardinali á Dietrichstain Ep(iscop)o Olomucensi, et uestris Succes=
soribus Canonicè intrantibus ueram ac debitam obedientiam et reuerentiam Sanctè spondeo: promittens Regulam et statuta ordinis mei, pro posse meo quam diligentissimè semper me obseruaturum. Non ero in consilio uel facto contra uram personam neque Eccl(esi)am Olomucen(sem), et
consilia quae uobis et eidem Eccl(esi)ae contraria, fideliter uobis reuelabo, consilium urum nemini pandam, auxilium uobis contra qualecumque hominem quippiam tentantem contra uos Eccl(esi)amque uobis commissam (saluo ordine meo in his quae ad iustam ipsius defensionem spectant)
praestabo et exhibebo. Villas et possessiones Monasterij mei non uendam, non oppignorabo, non distraha(m) nec alio quouis titulo alienabo, nisi in casibus á Jure permissis et concessis, quin potius neglecta instaurare et alienata pro uirili recuperare adnitar et studebo. Sic
me DEVS adiuuet, et haec sancta eius Euangelia. In quorum omnium supradictorum fidem et robur, hasce manu n(ost)ra subscriptas, Sigillo nostro communiri fecimus. Data in Arce n(ost)ra haereditaria Nicolspurgensi die XXI. Martij, MDCXIX.
F(ranciscus) Card(inalis) a Dietrichstain Ep(iscopu)s Olomucen(sis)