WIR Leopold von Gottes gnaden Erwehlter Römischer Kaiser
Zu allen Zeiten Mehrer des Reichs in Germanien zu Hungern Behemb Dalmatien Croatien vnd Sclauonien (etc) König, Ertzhertzog zu Österreich Marggraff zu Mähren
Hertzog zu Lutzenburg Vnd in Schlesien Vnd Marggraff zu Laußnitz. Bekennen offentlich mit disem Brieff, Vnd thuen kundt allermänniglich, Demnach bey Vnß Vnser freundtlich geliebter Vetter, Ertzhertzog Leopold Wilhelm zu Österreich (etc) alß Bischoff
zu Ollmütz Vnd Ordinarius loci, angebracht Vnd gebetten, Wir geruheten, den Würdigen Vnsern Andächtigen, Vnd lieben getreuen Joannem Radonsky Ordinis Canonicorum Regularium Sancti Augustini, nach Vorgangener ordentlicher Vnd Canonicè beschehe
ner Wahl, zum Probsten zu Sternberg daselbsten, Allergnedigst zu Confirmiren Vnd zubestettigen. Vnd Wir nun gnedigst angesehen, solche Ihro (etc) Zimbliche bitt, Vnd derem in gnaden gewilliget: Also haben Wir solche, mit erstbesagtem Joanne Radonsky zum Prob
sten zu Sternberg in Mähren fürgangene Wahl, hiemit in Kaiser: Vnd Königlichen gnaden Ratificirt Vnd bestettiget, Ratificirn Vnd bestettigen auch dieselbe, auß habender Macht Vnd Vollkommenheit, alß Regierender König zu Behemb, Vnd Marggraff zu Mähren, Ober: Vnd
Schutz Herr, besagten Stiffts zu Sternberg, hiemit wissentlich, in Krafft dieses Brieffs. Vnd gebieten hierauff allen Vnd ieden Vnsern Vnterthanen, waß Würden, Standts, Ambts, oder Wesens, die in Vnserm Erb Marggraffthumb Mähren seind, Inson
derheit aber obbesagtem Vnserm freundtlich geliebten Vettern, alß Bischoffen zu Ollmütz, Vnd Loci Ordinario, wie auch sonsten iedermänniglich, Daß Sie mehr erwehnten Probsten zu Sternberg, Joannem Radonsky, Vnd das gantze Conuent daselb
sten, bey solcher beschehener Wahl, Vnd dieser Vnserer hierauff erfolgten gnedigsten Bestettigung, geruhiglich verbleiben lassen, darwider nit thuen, noch auch die zu ermeltem Stifft gehörige Vnterthanen, Ihme Probsten, Vnd dem Conuent allen schuldigen
gehorsamb zuleisten, Verhindern, oder sonsten in etwas beirren, weder das andern zuthuen Verstatten, sondern sich gegen Ihme, gleich wie gegen seinem Vorfahren, alß Probsten zu Sternberg Verhalten, Vnd sonsten zu allen Ihme Von Rechts: oder gewohnheits
wegen, bey denen Landtägen, Zusammenkünfften, Königlicher Landtaffel, Vnd andern gebührendten Sessionen, Würden Vnd Gerechtigkeiten, Vnweigerlich admittirn Vnd zulassen, darfür erkennen, ehren Vnd halten sollen, bey Vermeidung Vnserer schweren
Straff Vnd Vngnade. Das meinen Wir ernstlich. Zu Vrkundt diß Brieffs besigelt mit Vnserm Kaiser: Vnd Königlichen anhangendem grösserm Insigel, der geben ist in Vnser Stadt Wien, den Sechs Vnd zwaintzigsten Monatstag Januarij, nach Christi Vn
^1l^
Ad mandatum Sac(rae) C(aesareae)
Regiae(que) maiestatis proprium
J(ohann) Balthasar Zeier