CAROLVS DEI GRATIA EPISCOPVS OLOMVCENSIS DVX, S(acri) R(omani) I(mperii)
Princeps, Regiæ Capellæ Boëmiæ et de Lichtenstein Comes,
Vniuersis et Singulis quorum interest salutem in D(omi)no Sempiternam. Vacante per obitum Admodum Reuerendi Religiosi Joannis Radonsky, Præpositura Monasterij
Sternbergensis, Ord(in)is Canonicorum Regularium S(ancti) Augustini Congreg(ationis) Lateranensis, cuius visitatio ad Nos legitimè pertinere dignoscitur, Admodum Reuerendi et Religiosi prædicti
Ordinis in hoc Marchionatu Præpositi, cum suis fratribus nec non eiusdem Cœnobij Professi, cupientes eidem Monasterio uacanti de alio Præposito prouidere, ne diuturniore eiusdem
uacatione Monasterium ipsum damna aliqua et iacturas pateretur, iuxta Ordinis sui Statuta post præfixum à Nobis tanquam Ordinario et Visitatore Electioni diem, ad
præfatum solemnem actum in præsentia Admodum Reuerendi Confr(atr)is nostri Joannis Petri Petruccij Decani Cath(edralis) Olomucensis Vicarij in spiritualibus Nostri Generalis et officialis, tum
etiam Matthiæ Tangellott de Valtelin, Consiliarij Nostri, tanquam Commissariorum per Nos specialiter ad præsidendum eidem actui et eligendum deputatorum, per formam scrutinij processerunt, ac tandem
pluribus et sanioribus uotis, Venerabilem et Religiosum Fr(atr)em Joannem Franciscum Kreisl eiusdem Ordinis et Cœnobij Professum, (prout ex Instrumento Electionis Nobis transmisso latiùs patet) con=
corditer elegerunt, eumq(ue) Electum et solemniter installatum Nobis uti loci Ordinario et Visitatori una cum Electionis processu personaliter præsentarunt, demissè orantes, ut illum tanquam iuxta
Ordinis Statuta et laudabilem Consuetudinem legitimè ab omnibus ius eligendi habentibus electum ad præfatam Præposituram Sternbergensem instituere, inuestire ac confirmare benignè dignaremur. Nos
itaq(ue) dicto Electionis processu inspecto et post accuratam discussionem animaduerso prædictos fratres conscientiosè et legitimè in actu illo processisse, nihilq(ue) profuturo eiusdem Monasterij bono Canonicè obstare, quomin(us)
Electa persona supranominata confirmari per Nos possit ac debeat, æquis et honestis prædictorum Conuentus Sternbergensis fratrum petitionibus benignè inclinati, tantò promptiùs ad confirmationem Electi præstandam ferimur,
quantò certiores in spem uenim(us), illum non solum uocationi suæ regulari, congruâ uitæ honestate pro subiectorum exemplo et ædificatione abundè responsurum, uerum etiam rem familiarem, bonaq(ue) temporalia prædicti Monasterij,
fideliter ac diligenter prout bonum dispensatorem decet, administraturum et curaturum esse, quemadmodum præmissorum intuitu præsentium tenore plenum Jus Administrandi, plenèq(ue) tàm in spiritualibus quàm temporalibus regendi
prædictum Monasterium et bona ipsius Vniuersa (recepta prius ab illo solitæ fidei professione et super sancta Dei Euangelia corporali Juramento infrascripto) eidem concedentes, in Præpositum supradicti Monasterij Sternbergensis in No=
mine maximi nomine, authoritate N(ost)ra Ordinaria et tanquam Visitator eiusdem Electionem instituimus, Inuestimus, ac confirmamus, uol(entes) illi non secus ac uero Præposito à fratribus memorati Monasterij, Omnibusq(ue) subditis debita reuerentia, obedientia
ac subiectione præstetur, uolumus, seriòq(ue) iniungimus, Committentes Admodum Reuerendo et Religioso in X(pist)o Nobis sincerè Dilecto Bernardo Crucigero Monasterij Omnium Sanctorum in præurbio Olomucensi eiusdem Ordinis Præposito, ut præfatum
Joannem Franciscum Kreisl à Nobis legitimè confirmatum, in realem actualem et Corporalem dictæ Præposituræ Sternbergensis possessionem inducant, faciantq(ue) illi de fructibus et prouentibus eiusdem Vniuersis locis et temporibus oppor=
tunis responderi. Forma uerò Juramenti per eundem Electum Nobis præstiti est talis. Ego Joannes Franciscus Kreisel Electus Præpositus Monasterij Sternbergensis, Ordinis Canonicorum Regularium
S(ancti) Augustini Vobis Cels(issi)mo et Reu(erendissi)mo Principi ac D(omi)no D(omi)no Carolo Episcopo Olomucensi, Duci, S(acri) R(omani) I(mperii) Principi, Regiæ Capellæ Boëmiæ et de Lichtenstein Comiti, et Vestris successoribus Canonicè intrantibus ueram ac debitam obedientiam
et reuerentiam sanctè spondeo, promitto, Regulam et Statuta Ordinis mei pro posse meo quàm diligentissimè semper me obseruaturum, non ero in Consilio uel facto contra Vestram Personam, neq(ue) Ecclesiam Olomucensem, et Consilia quæ uobis et
eidem Ecclesiæ contraria, fideliter Vobis reuelabo, Consilium Vestrum nemini pandam, Auxilium Vobis contra qualemcunq(ue) hominem quispiam tentantem, contra illos Ecclesiamq(ue) Vobis commissam (saluo ordine meo in his quæ ad iustam
ipsius defensionem spectant) præstabo et exhibebo. Villas et possessiones Monasterij mei non uendam, non oppignorabo, non distrahem nec alio quouis titulo alienabo, nisi in casibus à Jure permissis et concessis, quin potiùs
neglecta instaurare et alienata irouirili recuperare conabor et studebo. Sic me Deus adiuuet et hæc Sancta eius Euangelia. In quorum omnium supradictorum fidem et robur, hasce manu Nostrâ subscriptas
Sigillo Nostro maiori communiri fecimus, Datæ in Ciuitate Residentiæ Nostræ Cremsirensi die Sexta Mensis Julij Anno Millesimo Sexcentesimo Sexagesimo Septimo.
Ad mandatum Reu(erendissi)mi et Cels(issi)mi
Principis proprium
Georgius Kemper sky m(anu) p(ropria)