CAROLVS DEI GRATIA EPISCOPVS OLO
mucensis Dux S(acri) R(omani) I(mperii) Princeps Regiæ Capellæ Bohemiæ et de Lichtenstein Comes:
Uniuersis et singulis quorum interest salutem in D(omi)no sempiternam. Vacante per obitum Reuerendi quondam Joannis Kreisl Præpositura Monasterij Sternbergæ Ordinis Canonicorum Regularium S(ancti) Augustini
cuius visitatio tanquam Ordinario ad Nos legitime pertinere dignoscitur, Venerabiles et Religiosi prædicti Ordinis in hoc Marchionatu Olomucensis et Fulnecensis necnon eiusdem Cœnobij Sternbergensis professi, cupientes eidem Monasterio vacanti de alio Præposito
prouidere, ne diuturniore eius vacatione Monasterium ipsum damna aliqua et iacturas pateretur, iuxta Ordinis sui statuta præfixum à Nobis tanquam Ordinario electionis diem ad priuatum nonnem locum in præsentia Commissariorum N(ost)rorum D(omi)ni Ferdinandi
Schröfel à Schröfenheim Cath(edralis) N(ost)ræ Olomucensis Canonici, et Matthæi Tengellos de Täcklin, Consiliariorum et Consistorij N(ost)ri Assessorum per Nos specialiter ad præsidendum eidem actui deputatorum per formam Scrutinij processerunt et tandem pluribus et
sanioribus votis Venerabilem et Religiosum Fr(atr)em Joannem Adamum Jäger de Reutt Monasterij Omnium SS. Olomucj Decanum, eiusdem Ordinis professum (prout ex Instrumento Nobis exhibito latius patet) concorditer elegerunt, eumq(ue) electum Nobis uti loci
Ordinario et Visitatori una cum Electionis processu per litteras præsentarunt, demisse orantes, ut illum tanquam legitimè ab omnibus ius eligendi habentibus electum ad præfatam Præposituram Sternbergensem instituere, inuestire ac confirmare
benignè dignaremur: Nos itaq(ue) electionis dictæ processu inspecto, et post accuratam discussionem animaduerso, prædictos fratres Confr(atr)es conscientiosè et legitimè in actu eo processisse, nihilq(ue) profecturo eiusdem Monasterij bono Canonicè obstare, quo minus
Electa persona supra nominata confirmari per Nos possit ac debeat, æquis et honestis prædictorum Conuentus Sternbergensis fr(atr)um petitionibus, benignè inclinati, tantò promptius ad Confirmationem Electi præstandam ferimur, quantò certiorem in spem venimus
illum non solum vocationi suæ Regulari congruâ vitæ honestate pro subiectorum Exemplo et ædificatione abunde responsurum, verùm etiam rem familiarem, bonaq(ue) temporalia prædicti Monasterij fideliter ac diligenter, prout bonum dispensatorem
decet administraturum et curaturum esse: Quemadmodum præmissorum intuitu, præsentium tenore plenum Jus administrandi plenèq(ue) tam in Spiritualibus quam temporalibus regendi, prædictum Monasterium, et bona
ipsius vniuersa (recepta prius ab illo fidei Catholicæ professione et corporali Juramento supra Sancta Dei Euangelia iuxta infra scriptam formulam) eidem concedentes, in Præpositum supradicti Monasterij Sternbergensis in Vis
ter C(æsareæ) M(aiestatis) nomine Authoritate N(ost)ra Ordinariâ et tanquam visitator eundem Electum Instituimus, inuestimus ac confirmamus, utq(ue) illi non secus ac vero Præposito à fr(atr)ibus Monasterij præfati, omnibusq(ue) subditis,
debita Reuerentia obedientia ac subiectio præstetur, volumus, et seriò iniungimus; Committentes R(everen)do Religioso in Ch(rist)o Nobis dilecto Joanni Augustino Karasek Olomucensi Præposito ut præfatum fr(atr)em
Joannem Adamum Jäger à Nobis legitime confirmatum in realem Actualem et Coporalem dictæ Præposituræ Monasterij Sternbergensis possessionem inducat, faciatq(ue) illi de fructibus et prouentibus eiusdem Vniuersis locis et
temporibus opportunis responderi forma verò Juramenti est talis: Ego Joannes Adamus Jäger Electus Præpositus Monasterij Sternbergensis, Vobis Reu(erendissi)mo et Cels(issi)mo
Principi ac D(omi)no D(omi)no Carolo Episcopo Olomucensi, Duci, S(acri) R(omani) I(mperii) Principi Regiæ Capellæ Boemiæ et de Lichtenstein Comiti et V(est)ris Successoribus, Canonicè intrantibus veram ac debitam obedientiam et Reuerentiam sanctè spondeo
promittens Regulam et statuta Ordinis mei pro posse meo, quam diligentiss(ime) semper me obseruaturum, Non ero in Consilio vel facto contra V(est)ram personam, neq(ue) Ecclesiam Olomucensem, et consilia quæ Vobis et eidem Ecclesiæ contraria fideliter
Vobis reuelabo Consilium Vestrum nemini pandam: Auxilium Vobis contra qualemcunq(ue) hominem quippiam tentantem contra vos Ecclesiamq(ue) Vobis commissam (saluo ordine meo in his quæ ad iustam ipsius defensionem spectant) præstabo
et exhibebo Villas et possessiones Monasterij mei non vendam, non oppignorabo, non distraham nec alio quouis titulo alienabo nisi in casibus à Jure permissis et concessis, debito tamen in Canonibus præscripto modo, quin potius neglecta
instaurare et alienata pro virili recuperare adnitar et studebo: Sic me DEVS adiuuet et hæc Sancta eius Euangelia: In quorum omnium supradictorum fidem et robur hasce manu N(ost)ra subscriptas Sigillo N(ost)ro Maiori communiri
fecimus: Datæ in Ciuitate N(ost)ra Cremsinensi die 16. Mensis Maii Anno Millesimo Sexcentesimo Septuagesimo Secundo.