EMINENTISSIMI ET CELSISSIMI PRINCIPIS, AC
DOMINI, DOMINI WOLFFGANGI, S. R. E. TITVLI S. MARCELLI PRESBYTERI CARDI=
=nalis de Schrattenbach, Comprotectoris Germaniæ, Episcopi Olomucensis, Ducis, S. R. I. Principis, Regiæ Capellæ Boëmiæ Comitis, Sac(ræ) Cæs(areæ) Regiæq(ue) Mattis Consiliarij intimi, et
actualis, nec non Ordinis Canonicorum Regul(arium) Later(anensium) S(ancti) Augustini per Moraviam Visitatoris, In Spiritualibus Generalis Vicarius et Officialis, FRANCISCVS IVLIANVS,
S. R. I. Comes à Braida, in Ronsecco et Cornigliano, Episcopus Hipponensis, Cathred(alis) Ecclesiæ Olomucensis Canonicus, et Suffraganeus, nec non Archidiaconus Znoymensis, pp.
Totumqve Episcopale Consistorium.
Universis, et Singulis, qvorum interest, Salutem in Domino Sempiternam.
Vacante per obitum qvondam Reverend(i), Prænobilis, et Eximij, Domini Friderici Mitschky, Præpositurâ Canoniæ Sternbergensis, Ordinis Sancti Augustini Congr(egationis)
Later(anensis) cujus Visitatio ad altè memoratam Suam Eminentiam, Dominum Dominum Episcopum Olomucensem, tanqvam Ordinarium et Visitatorem pertinere dignoscitur; Reverend(i), Prænobiles, et
Eximij, nec non Ad(modum) R(everen)di, P(at)res, et Religiosi, prædicti Ordinis, in hoc Marchionatu Moraviæ Canoniarum Olomucensis et Fulnecensis Præpositi, cum Canonicis hijs, ejusdemqve Canoniæ Sternbergen=
=sis Professi, cupientes eidem Canoniæ vacanti de alio Præposito providere, nè diuturniore vacatione, damna aliqva, et jacturas pateretur, juxta Ordinis Sui Statuta, post præfixum à Nobis, In
Spiritualibus Generali Vicario et Officiali, Totoqve Episcopali Consistorio, Authoritate, ad hunc Electionis actum, à præmemorata Sua Eminentia, Domino Domino Episcopo Olomucensi, Speciali=
=ter delegatâ, Electionis diem, ad præfatum Solemnem actum in præsentia Commissariorum, Reverendissimi Domini Francisci Ferdinandi S. R. I. Comitis ab Oedt, Domini in
Götzendorff et Helfenberg, Cathedralis Ecclesiæ Olomucensis, nec non Collegiatæ ad Sanctam Crucem Wratislaviæ Prælati Scholastici, Archidiaconi Oppaviensis, Suæ Eminentiæ Episcopi Olomu=
=censis Consiliarij, Ejusdemqve Episcopalis Consistorij Assessoris, et Episcopatus Olomucensis in Temporalibus Administratoris; Nec non Reverendissimi et Perillustris Domini Georgij Henrici Ca=
=roli Eqvitis de Maierswaldt, Cathedralis Ecclesiæ Olomucensis Canonici, Ejusdem Suæ Eminentiæ Episcopi Olomucensis Consiliarij, et Episcopalis Consistorij Assessoris, per Nos Specialiter ad
præsidendum Eidem Actui deputatorum, per formam Scrutinij processerunt, et tandem Triginta Tribus Votis Ad(modum) R(everen)dum et Eximium Patrem, Ejusdem Canoniæ Sternbergensis Professum
Patritium Lehmann, (prout in Instrumento Nobis exhibito latiùs patet) concorditer elegerunt, Eumqve Electum Nobis, In Spiritualibus Generali Vicario et Officiali, Totoqve Episcopali Con=
=sistorio, ad hunc Actum Specialiter delegatis, unà cum Electionis Processu personaliter præsentârunt, demissè orantes, qvatenus Eundem, utpote à majori parte Jus Eligendi habentium, legitimè Ele=
=ctum, ad præfatam Præposituram Sternbergensem, instituere, investire, ac confirmare benignè dignaremur. Nos itaqve Electionis dictæ Processu inspecto, et post accuratam disquisi=
=onem animadvertentes, prædictos Dominos Electores, conscientiosè et legitimè in actu isto processisse, nihilqve pro futuro Ejusdem Canoniæ Bono, canonicè obstare, qvò minùs Electo, Perzo=
=næ Supranominatæ confirmari per Nos possit ac valeat, æqvis, et honestis prædictorum Canoniæ Sternbergensis Canonic(orum) petitionibus benignè inclinati, tantò promptiùs ad Confirmationem Electi
præstandam ferimur, qvantò certiorem Spem invenimus, Illum non Solùm Vocationi Suæ Regulari congruâ Vitæ honestate, pro Subjectorum Exemplo et ædificatione abundè responsurum; Verùm etiam, Rem
familiarem, Bonaqve temporalia prædictæ Canoniæ fideliter, ac diligenter, prout bonum Dispensatorem decet, administraturum, et Curaturum; qvemadmodum, præmissorum intuitu, plenum Jus
administrandi, pleneqve tam in Spiritualibus qvàm Temporalibus regendi prædictam Canoniam, et Bona ipsius universa (receptâ priùs ab Illo Fidei Catholicæ Professione, et corporali Jura=
=mento, Supra Sancta DEI Evangelia, juxta infrascriptam Formulam) Eidem præsentium tenore concedentes, in Præpositum Supradictæ Canoniæ Sternbergensis, in DEI Ter Optimi Maximi No=
=mine, Authoritate ità præfertur, Nobis hac in parte Specialiter delegatâ, Eundem Electum instituimus, investimus, et confirmamus, et taliter Confirmato, vigore Fundationis antiqvitùs ex
Parochia in Præposituram evectæ, et adunatæ, Jurisdictionem parochialem, atqve Curam Animarum, uti Juris est, committimus, et elargimur. Utqve Illi non secùs, ac vero Præposito, à Canonicis Ca=
=noniæ præfatæ, omnibusqve Subditis, debita Reverentia, Obedientia, et Subjectio præstetur, volumus, et Seriò injungimus, committentes Reverendissimo, Prænobili, et Eximio D(omi)no Ambrosio Augu=
=stino Engelmann, Olomucij ad Omnes Sanctos Præposito, ut præfatum Patrem Patritium Lehmann, à Nobis legitimè confirmatum, in realem, actualem, et corporalem dictæ Præposituræ, et
Parochiæ Sternbergensis possessionem inducat, faciatqve Illi, de Fructibus, et Proventibus Ejusdem universis, locis et temporibus opportunis responderi. Forma autem Juramenti est talis:
Ego Patritius Lehmann, Electus Præpositus Canoniæ Sternbergensis, Eminentissimo, et Celsissimo Principi ac Domino Domino Wolffgango S. R. E. Tituli S. Marcelli Presbytero Cardinali
de Schrattenbach, Comprotectori Germaniæ, Episcopo Olomucensi, Duci, S. R. I. Principi, Regiæ Capellæ Boëmiæ Comiti, Sac(ræ) Cæs(areæ) Regiæqve Mattis Consiliario intimo et actuali, nec n(on) Ordinis Canonicorum
Regul(arium) Later(anensium) S(ancti) Augustini per Moraviam Visitatori, Ejusqve Successoribus canonicè intrantibus, veram ac debitam obedientiam et reverentiam Sanctè Spondeo, promittens Regulam, et Statuta Ordi=
=nis mei, pro posse meo, qvàm diligentissimè me Semper observaturum, Villas et Possessiones Canoniæ meæ, non vendam, non oppignorabo, non distraham, nec aliò qvôvis titulo alienabo, nisi in Casibus
à Jure permissis et concessis, debitô tamen in Canonibus præscriptô modô, qvin potiùs neglecta restaurare, et alienata pro virili recuperare adnitar et Studebo. Sic me DEUS adjuvet, et hæc Sancta DEI
Evangelia. In qvorum Fidem et robur omnium Supradictorum hasce Manu propriâ Subscriptas, et Sigillô Officij majori communitas, Dedimus Olomucij, in Curia Episcopali, Die Vigesimâ
Sextâ Mensis Martij, Annô Millesimo Septingentesimo Decimô Qvintô.