WOLFGANGUS DIVINA MISERATIONE S(ANCTAE) R(OMANAE) E(CCLESIAE) TITULI S(ANCTI) MARCELLI PRESBYTER CARDINALIS DE SCHRAT
tenbach, Protector Germaniæ, Episcopus Olomucensis, Dux, S(acri) R(omani) I(mperii) Princeps, Regiæ Capellæ Bohemiæ Comes, nec non Sacræ Cæs(areæ) Regiæq(ue) Catholicæ Ma(jes)t(a)tis
actualis arcanorum intimus Consiliarius. Universis, & Singulis qvorum interest, Salutem in Domino Sempiternam: Vacante per obitum
Admodum R(evere)ndi qvondam Patritij Meixner Præpositurâ Monasterij Sternbergæ Ordinis Canonicorum Regularium S(ancti) Augustini, cujus Visitatio ad Nos tanqvàm Ordinarium, & Visitatorem
pertinere dignoscitur, Reverendi, Venerabiles, & Religiosi prædicti Cœnobij Sternbergensis Professi, cupientes eidem Monasterio vacanti de alio Præposito providere, nè diuturniore ejus va
catione Monasterium ipsum damna aliqva, et jacturas pateretur, juxtà Ordinis Sui Statuta, post præfixum à Nobis tanqvàm Ordinario Electionis diem, ad præfatum solemnem actum in
præsentia Commissariorum Nostrorum, Domini Joannis Matthiæ Comitis à Turri, Cathedralis Nostræ Olomucensis Prælati, Archi-Diaconi infulati, & Custodis, Collegiatæ Ecclesiæ in
Monte S(ancti) Petri Brunæ Præpositi, Consiliarij Nostri, Consistorijq(ue) Nostri Assessoris, nec non Leopoldi Fuchs pariter Consiliarij Nostri, Assessoris, & Notarij Consistorialis, per Nos specialiter
ad præsidendum eidem Actui deputatorum per formam Scrutinij processerunt, & tandem p(er) pluralitate votorum Venerabilem, et Religiosum Fratrem Joannem Pältzl ejusdem Ordinis & Monas
terij Professum (prout ex Instrumento Electionis Nobis desuper à præfatis Viris Commissarijs exhibito latiùs patet) Concorditer elegerunt, eundemq(ue) Electum Nobis, uti loci Ordinario & Visi
tatori præsentârunt, demissè orantes, ut illum tanqvàm legitimè ab ipsis Jus eligendi habentibus electum ad præfatam Præposituram Sternbergensem instituere, investire, ac Confirmare benig
nè dignaremur. Nos itaq(ue) Electionis dictæ processu inspecto, et post accuratam discussionem animadvertentes, prædictos Confratres Conscientiosè, et legitimè in Actu eo processisse
nihilq(ue) pro futuro ejusdem Monasterij bono Canonicè obstare, qvo minùs electa persona supra nominata confirmari per Nos possit, ac debeat, æqvis, et honestis prædictorum Conventus Sternbergensis
Fratrum petitionibus benignè inclinati tantò promptiùs ad Confirmationem Electi præstandam ferimur, qvantò certiorem spem venimus illum non solùm Vocationi Suæ Regulari, congrua vitæ
honestate, pro subjectorum exemplo, et ædificatione abundè responsurum, verùm etiam rem familiarem, bonaq(ue) temporalia prædicti Monasterij fideliter ac diligenter, prout bonum dispensatorem
decet, administraturum, et curaturum esse: Qvemadmodum præmissorum intuitu præsentium tenore plenum Jus administrandi, potenter, tam in spiritualibus, qvàm temporalibus regendi prædictum
Monasterium & Bona ipsius universa (receptâ priùs ab illo Fidei Catholicæ professione, et Corporali Juramento Suprà Sancta DEI Evangelia juxtà infrà scriptam formulam) Eidem conceden
tes, in Præpositum Supradicti Monasterij Sternbergensis in DEI ter optimi Maximi nomine, Authoritate Nostrâ Ordinaria, et tanqvàm Visitator eundem Electum instituimus, investimus, et con
firmamus, itaq(ue) illi non secùs ac vero Præposito à fratribus Monasterij præfati, omnibusq(ue) Subditis debita reverentia, obedientia, ac Subjectio præstetur, Volumus, et seriò injungimus. Commit
tentes Ad(modu)m R(evere)ndo in Christo Nobis dilecto Alexandro Maximiliano Arbosch ad Omnes Sanctos Olomucij Præposito, ut præfatum fratrem Joannem Pältzl, utpotè à Nobis legitimè confirmatum in realem
actualem, et Corporalem dictæ Præposituræ Sternbergensis possessionem inducat, faciatq(ue) illi de fructibus & proventibus ejusdem Universis, locis, et temporibus opportunis responderi.
Formula autem Juramenti est talis: Ego Joannes Pältzl Electus Præpositus Sternbergensis Vobis Eminentissimo & Celsissimo Principi ac Domino, Domino Wolffgango S(anctae) R(omanæ) E(cclesiæ) Tituli
Sancti Marcelli Presbytero Cardinali de Schrattenbach, Protectori Germaniæ, Episcopo Olomucensi, Duci, S(acri) R(omani) I(mperii) Principi, Regiæ Capellæ Bohemiæ Comiti, nec non Sacræ Cæsareæ
Regiæq(ue) Catholicæ Ma(jes)t(a)tis actuali Arcanorum Consiliario, Vestris Successoribus Canonicè intrantibus, veram ac debitam reverentiam, et obedientiam Sanctè spondeo, promittens Regulam
et Statuta Ordinis Mei pro posse meo, qvàm diligentissimè me semper observaturum, non ero in Consilio vel facto contra Vestram personam, neq(ue) Ecclesiam Olomucensem, et Consilia qvæ
Vobis, et Eidem Ecclesiæ contraria fideliter Vobis revelabo, Consilium Vestrum nemini pandam, auxilium licitum Vobis contra eos, qvi aliqvid iniqvi contra Vos, Ecclesiamq(ue) Vobis commis
sam attentaverint (salvô ordine meo in his, qvæ ad justam ipsius defensionem spectant) præstabo et exhibebo, Villas, & possessiones Monasterij Mei non vendam, non oppignorabo, non
distraham, nec aliô qvovis titulô alienabo, nisi in Casibus à Jure permissis, et concessis, debito tamen in Canonibus præscriptô modô, qvin potiùs neglecta restaurare, et alienata pro
virili recuperare adnitar, et studebo. Sic me DEUS adjuvet, et hæc Sancta Ejus Evangelia. In qvorum Omnium Supradictorum fidem, et robur hasce Manu Nostrâ subscriptas Sigillô Nos
træ Cancellariæ majori communiri fecimus. Datæ in Civitate Regia Brunensi Die decima Octava Mensis Maij Anno Millesimo Septingentesimo trigesimo Qvarto.
W(olfgangus) Card(inalis) de Schrattenbach Ep(iscopu)s