PRæclara in Ordinem, & Monasterium nostrum merita, & singularis in Nos charitas, &
fiducia Virorum Insignium ad dandam fraternitatem nos excitant.
Sane specialis amor, & affectus in Ordinem, & Monasterium nostrum, quem Admodum Reverendus, ac
Præcellens Dominus Josephus Petsch Presbyter Ecclesiasticus Parochus Magno-Niemczicensis, &
Vice-Decanus semper gessit, geritque, nos admonet, ut æquo affectu, amorisque lege respondentes amorem, & affectum ad nos
habitum devote recompensare affectu, & amore studeamus. Quapropter præhabita inter nos deliberatione, & secuto dein uni-
versali omnium consensu pia inclinatione moti, & de DEI misericordia confisi: Item Beatissimæ V. Mariæ, SS. Apostolorum Petri,
& Pauli, atque Beati Patris Nostri Benedicti, Omniumque Ordinis nostri SS. Apostolorum, Martyrum, Confessorum, Virginum
ad cælos assumptorum meritis innixi, & sancta intercessione suffulti dicto Admodum Reverendo Domino Josepho
Petsch ut supra: non tantum piarum precum, & bonorum operum nostrorum participem efficimus, sed etiam, & specialiter Eundem
nobis ita confæderatum reddimus, ut secuta illius morte ab unoquoque Sacerdote Monasterij nostri professo unum Sacrum celebretur,
& a singulis Fratribus non sacerdotibus integrum Officium Defunctorum recitetur.
Hac pariter spe freti Eundem Admodum Reverendum Dominum Confæderatum idipsum pro singulis
Monasterij nostri professis, & vita decedentibus vicaria promptitudine facturum: sicque favore, & affectu suo nos vivos, & mortuos
prosecuturum. In quorum fidem præsente ordinario Abbatiali ceu Præpositali, & Conventuali Sigillis, ac manuum subscriptio-
-ne in hac authentica forma communivimus. Actum in Monasterio SS. Petri, & Pauli Ordinis S. Benedicti Rayhradij Anno
M.D.C.C.LXXI. XIV. Kal. Martij