Elizabeth von gots gnaden kunigin zu hung(e)n dalmacien Croacien (et)c(etera) Erbling
zu Behem hertzogin zu ost(er)reich zu steyr vnd margg(ra)ffin zu merh(e)n (et)c(etera)

~Vnser~ liebn(e) getrewn(e) Wir habn(e) euch offt geschribn(e) von etlichs gelts wegn(e) vns zu ainer zerung
von den Juden bey euch gesessen aufzerichten das ir dann vns her v(er)zogn(e) habt vnd vns nicht
wol behaget vnd als ir dann am nagstn(e) allhie bey vns gewesn(e) seit vnd wir fur vil
and(er) sachn(e) als ir wol gesehn(e) habt die wir vorhandn(e) hattn(e) nit euch daraus zu redn(e)
v(er)sawmpt habn(e) doch wie dem sey so habn(e) wir vns suliche raysen v(er)handn(e) dauon ob
got wil vns euch vnd auch vnsern(e) landn(e) vnd getrewn(e) vil guts bekomen sol darzu
wir dann vil zerung bedurffn(e) vnd das gelt habn(e) welln(e) vnd mussen darumb begern(e)
wir vnd emphelhn(e) euch in gantzem ernst das ir von allen vnd yeglichn(e) Judn(e) daselbs bey euch
wonend kaine aufgenom(e)n sy sein des von liechtenstain oder des leskomicz oder wes sy sein
solich gelt als wir begert vnd habn(e) welln(e) von stund vnd an v(er)zoghn(e) aufgerichtet w(er)d
vnd mag es ye nicht anders gesein das ir mitsampt dem leskomicz vns(er)m haubtman denselbn(e)
Judn(e) ain claine tail des gelts so wenigste ir muget nachlasset lauff ain solichs das es
dest eer aufgerichtet w(er)d vnd tuet darinn ewrn(e) pestn(e) fleiss als wir euch daran erzaigt
ir vns ain sunderlich wolgeualln(e) das wir euch welln(e) geniessen lassen Gebn(e) zu
Presspurg an sand Bartholomeus tag des heilign(e) zwelfpotn(e) Anno (et)c(etera) Quadragesimosec(un)do