Ich Beness von Bozkowig die zeit Vndercamer in Merh(e)n Bekhen(n) mit disem brieff vor allen
lewt(e)n gegenburttigen vnd zukünfftigen das ich von den Erbe(n) vnd weisen manen die zeit Burgmaist(er)
vnd von dem Rate der Stat zu Znoym am Eritaig nach Remis(ce)re der gewes(e)n ist der tag des heiligen
sant Longini nach kristi gepurd In dem vierzehenhunderttistem vnd dar nach in dem Sechs vnd vir
zigistem Jaren, Oder Aller Sellen tag im Jm andern Jar vergangen, dar In Ir ambt gewert hat
Ich obgenanter Beness hab ain ganze volkume raytug von In aufgenomen Also das all Ir einne(m)
mug vnd ein nemung In der Sum(m) hat gepracht Sibenhu(n)dert newen vnd newenzig schok gross
vnd sibenzehen grossen vnd da engegen hat all Ir aufgebung geleich als vil gepracht als die
ein nemung Alle die zeit So si pey dem Schephambt sein gewes(e)n, Dapei si auch der Stat die
alt vnd die new schuld gemeldet hab(e)n, die aygentlich in iren Registern begriffen vnd v(er)merkt
sein, Darumb der vorgenant(e)n raytung So si getan habent volku(m)iklich daray auch mich wol ge
nuget Sag Ich vorgenant(er) Beness Als mir die Allerdurchleuchtigiste furstin vnd künigin fraw
Elizabeth vo(n) gotes gnaden zu vngern Dalmacien Croacien (et)c(etera) künigin Erbe(r)in fraw ze Behem
herzogin zu Osterr(eich) ze Steier (et)c(etera) Markgraffin ze Merh(e)n mein gnedigiste fraw Als si noch Jm
lebe(n) ist gewes(e)n bevolhen hat vnd vo(n) meines Camermaistertumbs ambt Sag die vorgenanten
Burgmaist(er) vnd den Rate ganz vnd gar quidt ledig vnd loas Mit vrkund des brieffes besigelt
mit meine(m) aufgedrucktem Jnsigel Geb(e)n zu Znoym an sant longini tag Anno d(omi)ni M(illesim)o cccc(o) qua
dragesiosexto