Fridreich von gots gnaden Rom(ischer) kais(er)
Zuallenmgeiten merer des Reichs (et)c(etera)

Lieben getrewen Vns hat vnser getrewer Vlreich Peman vnser diener an stat sein selbs
vnd vnsers getrewen Jilgen paman vnsers Burger zu Wienn anpringen lassen
Wie ir vns dieselb paman bey ew etweuil geltes haben die sy in der gesellschafft
Jrs gewerbs vnd Handels miteinaunder schuldig beleiben von den sy sollich
schuld vber Jr menig enweld nicht bekomen mugen Vnd In die gutlich bezung
Zeit ansteen haben lassen begeren wir an ew mit sund(er)m fleiss daz Ir auf an=
langen derselben paman vnd paman diener bey den bemelten Jren geltern Jnen
seit vnd nhe zu schaffen daz sy den benanten paman vnd paman solher Jrer
schuld entrichten bezallen vnd darmit benugig machen Jnnerziegen wellt
aber das nicht tun wellen oder darinn saumig sein In gen denselben an verrer
waigerung vnd auszug desselben geltes sunderlich Recht ergeen lasst vnd
In damit nicht verziehet Daran tut Ir vns gut geuallen Das wir gen
ew gnediglich erkennen wellen Geben zu der Newnstat an Mitiochen vor
sand Margarethen tag Anno domi(ni) (et)c(etera) lxvij(o) Vnsers kaisertumbs im Sech=
zehenten Jare

Kainpff d(octor)
Jm(peratoris) p(ro)p(r)ia