In DEI FILIO sibi dilecto Reverendissimo et Amplissimo D(omi)no D(omi)no Antonio
Ordinis Sancti Benedicti Venerabilis Coenobij Reyhradensis Praeposito
FRATER ANTONINVS CLOCHE
Ordinis Praedicatorum humilis Magister Generalis & Seruus Salutem & perfectam Sanctorum communionem.
DVM temporalia non licet, æterna, quæ possumus bona, Ordini nostro bene affectis Domino largiente referre &
mutuæ ac religiosæ dilectionis fructus libenter impertiri Christianæ charitatis, & gratitudinis lege tenemur: qua
tenus illorum in Deum & Sanctos pietas de nostro impensius augeatur, deuotusque eorum in nos, & noster in eos
affectus vicaria gratiarum relatione plenius innotescat, & in Eo, qui Charitas est perpetuo perseueret. Vestræ igitur in nos beneuolentiæ
conscij & memores de immensa Dei omnipotentis misericordia, & inexausta liberalitate confisi & Sanctissimæ Virginis
Mariæ Genitricis Dei, & Domini nostri IESV CHRISTI, & Sanctorum DOMINICI Patris nostri, Petri, Ioannis, Augustini,
Antonini, Thomæ, Vincentij, Hyacinthi, Raymundi, Ludouici, Gundisalui, Pij, Alberti, Ambrosij, utriusque Iacobi, Catharinæ, Osanæ
Agnetis, Rosæ, & utriusque Margaritæ, ceterorumque Sanctorum pia intercessione suffulti, omnium diuinorum Sacrificiorum
& Officiorum, Orationum, Prædicationum, studiorum, vigiliarum, ieiuniorum, abstinentiarum, disciplinarum, peregrinationum,
laborum, aliorumque bonorum operum, quæ per Fratres, & Sorores Ordinis nostri Diuina Bonitas in Mundo fieri dederit uniuerso,
communionem, & participationem ultro Vobis concedimus, ad eademque in vita pariter, & in morte recipimus, & admittimus,
ut sic multiplici meritorum fructu, & Sanctorum suffragio adjuti hic augumentum gratiæ, & in Cœlis gloriæ cumulum
habeatis. In nomine Patris & Filij & Spiritus Sancti, Amen. In quorum fidem his officij nostri sigillo munitis manu propria
subscripsimus Datum Romæ Die 15. Mensis Augustj Anno reparatæ salutis 1710 Assumptionis Nostræ Anno x. 4. r.
Fr(ater) Antoninus Cloche
Mag(ister) Ord(inis)
Fr(ater) Raymundus Fizing Mag(ister) et
Socius
Fria.