Ferdinand von Gottes genaden Romischer
auch zu Hungern vnd Behem(en) (etc) kunig (etc)

Ersam(en) lieben getrewen. Wir haben Ewer schreiben
vnnd anntwort vom funfften ditz monats Septem=
bris, was Ir auf Jungst außganngen vnnsers beuelhs
mit der abgeleibten abbt zu Oslaw verlassung ge=
handelt, vnd sich ferner zwischen der Edlen vnnsere
lieben getrewen Georg Cristofern von Tschernahor
anstat vnnsers mundschennckhen Vlrich Cristofern
von Tschernahor vnnd dem abbt von Obrabitz vnnd
seinen mituerwandten brueder verlassung
halben fur Jrrungen zugetragen, Als namblich
das gedachter von Tschernahor auf vnnser beschehen
bewilligung nit allain das Jenig was Jm hauß
vorhannden, Sonnder auch die Clainat der abtei
angehorig, vnnd alles was sunst Jn der stat von
dem bemelten abbt zu Oslaw verlassen, ge=
funnden zuhaben vermain, derhalben Ir dann
vnnsers weittern beschaidts begert, nachlenngs
verstannden, Vnd dieweil dann vnnser notturfft
erfordert, solcher verlassung an Clainaten, kirchen
geschirde, vnd allem annderm Jnner vnd ausser
des hauß ain aigentlich wissen zuhaben, demnach
schreiben vnd beuelhen wir hieineben den gestrengen
Ernnuesten vnd vnnsere getrewen lieben Niclasen