CUm, etsi omnes per gratiam Baptismi Fratres simus in Christo, & unum Patrem habeamus
in cælo: tunc tamen maxime vinculo religiosæ charitatis uniamur, quando orationibus & beneficijs invicem copulamur. Ea propter
NOS ENGELBERTUS HAGEK. Sac. Can. & Exempti Ordinis Præmonstratensis, Celeberrimæ Ecclesiæ Zabrdovicensis Abbas. P. Hiero
nymus Kichler Prior, P. Hyacinthus Supprior. P. Wenceslaus Maij Provisor & p.t. Senior, totumq(ue) Capitulum Ecclesiæ Zabrdovicensis.
Notum facimus universis, præcipuè quorum interest, aut quomodolibet interesse potest. Quemadmodùm, habitâ prius desuper ma
tura deliberatione, perpendentes, quam brevis dierum quos vivimus sit vanitas damnationis æternæ mixta periculo: ad hoc fa
cilius evitandum, DEI imprimis optimi maximi misericordiæ compendio confisi, super consveta in sacro Ordine nostro Præmonstratensi mutua pieta
tis suffragia, pio & salutari consilio, alienarum etiam requisiverimus precum suppetias: eásque à REVERENDISSIMO, PERILLUSTRI, ac AMPISSI
MO DN(O) DN(O), BENNONE BRANSAUSKY. sac: & Antiquissi(mi) Ordinis S: Benedicti, Celeberrimi Monasterij Reyhradensis in Moravia Præposito infu
lato, omnibúsq(ue) Monasterij illius Professis hodie existentibus, profuturis quoq(ue) temporibus duraturas, impetraverimus; ita scilicet, ut non modò
nos, sed & Successores nostri, tam vivi, quàm defuncti, simus, & sint futuri participes omnium Orationum, Beneficiorumque, quæ alias unicuíq(ue) dicti
Ordinis S. Benedicti Professo Extraneo, sive extra Ecclesiæ Reyhradensis gremio, aut vivo, aut mortuo impendi solent, debentve. Nos vicissim, ut
Ipsi quoq(ue) prædicti Monasterij Reyhradensis Dominus Præpositus, & Religiosi omnes ibidem pro nunc professi, inque futura tempora professuri,
vel Canonicè in Præpositos aut Prælatos constituendi, & proprijs augeantur meritis, & abundantius participent tanto bono, & Orationibus,
quæ quotidie in Ordine nostro pro ipsius Fratribus, & Propinquis divinæ Majestati offeruntur. Hasce |: paribus Nobis vicissim ab ijsdem exhi
bitis :| Confraternitatis litteras, ad perpetuam rei memoriam, hodie existentibus, Domino Præposito Ecclesiæ Reyhradensis, omnibúsq(ue) illius
Professis, & per hos ijs qui futuris temporibus vel extituri sunt Præpositi aut Prælati, vel Professuri fuerimus elargiti, tradiderimúsq(ue): pro
uti in præsentiarum tradimus & elargimur: adpromittentes, quod, pro quovis eorum in particulari, quem è vivis quandocunq(ue) & ubicunq(ue) evo
cari contigerit, & de morte illius innotuerit, juxta ritum & præscriptum sacri nostri Ordinis Præmo(nstraten)sis, communiter in Choro congregati, in
tegras Defunctorum Vigilias, semel, Commendationem animæ minorem, & cantatam choraliter Missam Requiem: singuli verò Sacerdotes Mis
sam unam privatam: Cæteri Ecclesiæ nostræ Canonici non Sacerdotes semel septem Psalmos Pænitentiales, Conversi sive Laici 50. Orationes Do
minicas, in refrigerium animæ defuncti, Ecclesiæ Reyhradensis, sive Domini Præpositi aut Prælati, sive alterius cujuscunq(ue) Professi, sedulò &
devotè simus persoluturi. Confidentes, fore ut ad quod juxta ritum sacri Ordinis nostri Præm(onstraten)sis præstandum, sponte Nos obligamus: idip
sum ab ita Nobis in Christo Confæderatis, ad normam sui sacri Ordinis, singuli post fata nostra simus, & post Nos, Suc
cessores nostri recepturi sint. Acta sunt hæc in Celeberrima Canonia Zabrdovicensi ad Brunam in Mo
ravia sita Anno 1702. Mense Septemb. die octava. In quorum fidem præsentes
manu nostra subscriptas tum Abbatialis, tum Conventualis
sigilli nostri impressione communivimus in
perpetuum valituras.
Engelbertus Abbas
P. Hieronymus Kichler S.S. Thliæ Doctor