NOS ANDREAS ZIRCKL
ORDINIS EREMITARUM S. PATRIS NOSTRI AUGUSTINI
SS. DNI NOSTRI ET SEDIS APOST. PROTO NOTARIUS HONORIS PALATII LA
teranensis Comes & exempti Monasterii Brunæ ad S. Thomam Apostolum Prior Perpetuus Marchionatûs Moraviæ Prælatus Infulatus Sac. Cæs.
Reg. Majest. Consiliarius, SS. Thliæ Doctor, nec non ejusdem Ord. D. Augustini per Marchionatum Moraviæ, & Silesiam Grlis Vicarius & Visitator.
P. LAURENTIUS PUCHLER EIUSDEM ORD. EREM. S. P. AUGUSTINI CONVENTUS BRUNENSIS
ad Sanctum Thomam Apostolum Professus, & p. t. Supprior, Totúmque Conventus Brunensis Capitulum.
Præsentes inspecturis salutem in eo, qui est omnium vera Salus.
SMaragdini viroris illibata munditia & columbina speciositas, quam castitatis adornat pulchritudo sapphirea, quæ & Carbunculum omnis de
coris excedit, magna illa Sanctimonialium Mater Benedicta, dilecti Domino Benedicti carne, spiritu & Ordine germana Soror Beata Scholastica, speciosa illa cœlestis
Sponsi columba, cujus animam in specie columbæ in cœlum evolare Dilectus Domini purissimis itidem columbinis oculis conspexit Benedictus, non modò nidum suum po
nere statuit in foraminibus petræ in celeberrimo & antiquissimo supra petram Apostolicæ approbationis & confirmationis solidissimam fundato sacerrimo Ordine Be
nedictino, ut genuinos columbinos poneret pullos suos tanti Patris & Matris benedictos filios & filias; sed ad antra deserti, & in Eremum Columba illa speciosa se conferre voluit,
quia post clausa licet lumina in Eremum Sancto Thomæo Augustinianam caput suum reclinavit; Dum enim Augustissimus Romanorum Imperator Carolus IV. sacrarum Reli
liquiarum Conquisitor studiosissimus plenius cognovisset serenissimi simul & piissimi germani Fratris sui Joannis Marchionis Moraviæ institutum, quod scilicet Anno MCCCLVI.
Magni Patris Augustini Filiis Eremitis Monasterium & Eremum propè Urbem Brunensem fundaret, & construeret sub titulo ab Angelo Salutatæ DEIparæ sanctissimæ, illius Co
lumbæ speciosissimæ, & S. Thomæ Apostoli, fraterni animi signa singularia in opere manifestare voluit, Cæsaréaque donaria tanquam gemmas pretiosissimas ex thefaurario suo dono
trasmisit, sanctissimam videlicet Imaginem à S. Luca Evangelista depictam Virginis Virginum cum sacris capitibus SS. Virginum Scholasticæ & Agnetis, ut sic hæc sacra Lypsana de
columbina speciositate Virginea quæ Sacram Imaginem ex Perside Constantinopolim, Constantinopoli Genuam, Genua Mediolanum SS. trium Regum Corporibus regio comitatu
stipatam, & inde Pragam per Wladislai Regis Boëmiæ fratrem Theobaldum allatam, tandem præfata Sacra Capita Pragâ Brunam virgineo & columbino comitatu sequebantur, in
Eremo Augustiniano Brunæa Columbarum speciosarum efficerent contubernium; ex quo piissimus hic Princeps & Marchio exhilarat(us) adeo, ut ex ferventioris devotionis impulsu sic
clamaverit: faciamus secretam, & à corpore templi adjunctam Virgini DEI Genitrici ædem, prout non minus pro Sanctorum Sanctarúmq(ue) Reliquiis novum Sacrarium ædificavit.
Hæc cuncta veritati consona nemo negaverit, qui sine tergiversatione admiserit testium inviolatæ famæ authoritate gravium, doctrinâ illustrium & antiquitate suspiciendorum
testimonia summopere esse attendenda, prout tales pro fidei veritate indubitata adduci possunt noster Alexius Milensius, Herrera, Nicolaus Crusenius Historiographi Ordinis
celeberrimi & antiquitatum Indagatores diligentissimi. Et sane hæc mira Divina dispositione facta fuisse videntur, ut, cùm se aliquando Caput Ordinis SS. Patris nostri Augustini
S. Corpus Ticinii per aliquod tempus Ordini sacerrimo Benedictino concredere voluerit, se vicissitudine beata caput S. Matris Scholasticæ concrederet Augustiniano Ord. Eremitano.
Nos proinde attendentes hanc DEO sic disponente factam vicissitudinem non modò plenam & indubitatam fidem præsentibus litteris nostris authenticis facimus, & attestamur quòd
S. eadem Reliquia capitis S. Scholasticæ in Basilica nostra S. Thomæ Brunæ úsque in nostra tempora publicæ venerationi exposita conservetur, sed & precibus Reverendissimi, Perillustris, ac
Amplissimi Domini Antonii Pirmus, Sac. Ord. D. Patriarchæ Benedicti in Antiquissimo & Exempto Monasterio Rayhradensi Præpositi Infulati, inclyti Marchionatûs Moraviæ
Prælati, Sac. Cæs. Majest. Consiliarii, & Exi: D. Placidi Zamora ejusdem voti professi, & Monasterii p. t. Prioris, & totius venerabilis Conventus Rayhradensis intenti, quatenus de sacrohoc
Capite quamdam particulam elargiremur, de hac Sacra Reliquia capitis S. Scholasticæ particulam notabilem desumptam reverenter reposuerimus intus Reliquiarium ex argento
ovatum parte utrâque chrystalo coopertum, & funiculo serico cœrulei coloris colligatum, nostróque Monasterii nostri Brunensis in cera hispanica rubra pro illius identitate im
presso sigillo majori authentizatum ad majorem DEI gloriam, & Magnæ Matris Scholasticæ honorem, & in contestationem nostri perpetui venerabundi affectûs Reverendissimo
supradicto Domino Prælato, p. t. Priori, & venerabili Conventui Rayhradensi dono dederimus, ad effectum illam penes Monasterium prænominatum duntaxat retinendi in Eccle
sia Monasterii, oratorio seu capella fidelium venerationi publicè exponendi. In quorum fidem has testimoniales litteras manu nostra subscripsimus, & nostro utróque Sigillo
majori appenso communiri fecimus. Datum Brunæ ad Sanctum Thomam Apostolum. Anno M DCCXXVII. Die X. Februarii.