INNOCENTIUS PP. XI.
Dilecte fili salut(em) et Ap(ostoli)cam ben(edictionem). Pastoris æterni qui prout vult dispensat singulis etiam plusquam merita et vota eorum poscunt munera gratiar(um)
vices quamquam immeriti gerentes in terris minores interdum honoribus efferimus ut fiant eorum humeri in observantia mandatorum D(omi)ni
fortiores Nos itaque te qui (ut asseris) sæcularis et Collegiatæ ac insignis Ecclesiæ Beatorum Petri et Pauli oppidi Brunnensis Olomucen(sis) dioec(esis)
Canonicus existis ac n(ost)ris et huius Ap(ostoli)cæ Sedis obsequijs insistere intendis grato affectu prosequi ac personam tuam dignioris nominis
titulo decorare volentes teque a quibusvis excom(municationis) suspen(sionis) et interdicti alijsque ecclesiasticis sent(ent)ijs cen(suris) et poenis a iure vel ab homine
quavis occ(asi)one vel causa latis si quibus quomodol(ibet) innodatus existis ad eff(ect)um p(ræsent)ium dumtaxat consequend(um) harum serie absolventes et
absolutum fore censentes Te in n(ost)rum et dictæ Sedis Notarium Ap(ostoli)ca auct(oritat)e tenore p(ræsent)ium recipimus et admittimus ac aliorum n(ost)rorum
et eiusdem Sedis Notariorum numero et consortio favorabiliter aggregamus tibique ut etiamsi habitum et rocchettum non deferas nihilo
minus omnibus et singulis honoribus præeminentijs indultis favoribus privilegijs exemptionibus et prærogativis quibus alij n(ost)ri et dictæ Sedis
notarij tam de iure quam de consuetudine aut alias quomodol(ibet) utuntur potiuntur et gaudent ac uti potiri et gaudere possunt et poterunt quomodol(ibet)
in futurum pari modo absque t(ame)n aliorum n(ost)rorum et dictæ Sedis Notariorum de numero participantium præiudicio et citra exemptiones a
Sacro Concilio Trid(enti)no sublatas ita ut nedum quoad criminalia sed etiam quoad civilia subiaceas ordinarijs ac facultates legitimandi
ad gradus promovendi et notarios creandi aliaque similia privilegia eisdem notarijs de numero participantium concessa seu ab eis
prætensa quibus nullibi uti valeas et si secus a te factum fuerit irritum et inane existat uti potiri et gaudere liberè et licitè valeas
auct(oritat)e et tenore p(ræsent)ibus concedimus et indulgemus. Non obstan(tibus) Lateranen(sis) Concilij de certo eorundem notariorum numero cui per hoc alias non
intendimus derogare alijsque Constitutionibus et ordinationibus Ap(ostoli)cis ac Collegij d(ict)orum notariorum etiam iuramento confirmatione Ap(ostoli)ca vel
quavis firmitate alia roboratis statutis et consuetudinibus ceterisque contrarijs quibuscumque. Tu igitur dilecte fili sic de bono in melius virtut(um)
studijs intendas ut in n(ost)ro et eiusdem Sedis conspectu ad maiora semper te exhibeas meritorum cumulis digniorem Nosque proinde ad faciendum
tibi uberiorem gratiam et honorem meritò apertius invitemur. Volumus autem quod antequam p(ræsent)is gratiæ effectu perfrui valeas in manibus alicuius
personæ in dignitate ecclesiastica constitutæ professionem fidei iuxta articulos pridem a Sede p(rædict)a propositos emittere et solitum fidelitatis iura
mentum præstare omnino tenearis. Dat(um) Romæ apud S. Mariam maiorem sub Annulo Piscatoris die xvij. Julij M. D. C. LXXXI.
Pont(ificatus) N(ost)ri Anno Primo