Johannes dei gracia Sancte pragensis ecclesie Archiepiscopus Apostolice sedis legatus. Oblata coram nobis Reverendi in christo patris domini Johannis Episcopi Luthomislensis et Religiosorum dominorum prepositi
prioris et Capituli dicte ecclesie peticio continebat qualiter dudum inter bone memorie dominum Albertum Episcopum Luthomislensem ex una et prefatum Capitulum super Jure dominio ac fruicione Judicium laicorum et
servitorum villarum inferius descriptarum. Et super nonnullis aliis articulis orta materia questionis fuisset Coram recolende memorie Reverendissimo in christo patre domino Johanne Archiepiscopo pragensi predecessore
nostro tamquam arbitratore Jurius agitata Et tandem post pronunciacionem certo modo sopita Prout tamen dominus Albertus ipsum Capitulum super premissis molestabat Jtem qualiter villam Svitavia tamquam
ad custodiam pertinentem eidem custodie restituebat quam similis predecessor sui iniusto titulo detinebant Et quia Reverendus pater dominus Johannes Episcopus Luthomislensis considerans ipsum Capitulum in huiusmodi
Jus habere volens eis compati pietate paterna Omne Jus seu fruicionem sive dominium quod in illis Judicibus ac villa Svitavia predicta ipse obtinuit vel predecessor sui contendebant se habere in recompensam
quorundam inferius descriptorum donavit remisit et eciam assignavit prout Jus nullum in eis fatebatur habere Cuius quidem donacionis concordie et ordinacionis euidens in litteris prefati domini Johannis Episcopi sui
maioris Sigilli appensione munitarum quas sanas vidimus plenius continetur Tenor igitur prime littere talis In nomine domini Amen. Nos Johannes dei gracia Episcopus Luthomislensis ad omnium noticiam pium
et futurorum presentibus volumus pervenire Quod cum Reverendus dominus dominus Albertus felicis recordacionis predecessor noster immediatus Capitulo nostro multas displicencias ipsius Capitulum et ipsius homines
exacciando presertim in ipsius Capituli agris videlicet in villa Abbatis dicta Absdorf extruendo fecisset et causas ibidem per plures Annos occupasset Super quibus omnibus Inter ipsum et prefatum Capitulum
per Reverendissimum patrem ac dominum dominum Johannem olim Archiepiscopum pragensem Arbitrando fuit declaratum quod prefatus noster predecessor ipsi Capitulo pro dampnis et eciam expensis et iniuriis in litibus factis
minus debite motis prout clarissime patuit certam summam pecunie debebat et eandem explevisset et quasdam res per ipsum ablatas restituisset sicut in litteris declaracionis et pronunciacionis prenominati domini
Archiepiscopi plenius continetur quas per dolor infortunio quo dictus sponte isse morte preventus explere non curavit Nos vero volentes inter ipsum capitulum nos et nostros successores litibus controuersiis
finem imponere Omnes Judices in bonis Capituli sitos videlicet in Abbatis villa dicta Absdorf Theudrici Svitaviensis Chmelyk Czirnkelonis et Czirnyli qui nobis et successoribus nostris in divisione per dominum
Bratislaum Episcopum wratislaviensem qui Auctoritate Apostolica bona Capituli et Episcopatus limitando divisit seruicio erant deputati in recompensam dampnorum per extorcionem tam capituli quam ipsius
subditis et agrorum per prescriptam Svitavialem et ex indebita vexacione pastorum ipsi capitulo predictos Judices pluribus dampnis et assignamus cum ipsis priuilegiis et libertatibus prout nostri prede
cessores et Nos in dictis Judicibus habuimus per ipsum Capitulum ipsos Judices habendos possidendos et disponendos Et quod plus est omne dominium seu Jus quod in ipsis habebamus in ipsum capitulum
transferimus non obstantibus quibuscumque litteris divisionis sedis apostolice vel eciam Bratislai prenominati Episcopi wratislaviensis Promittentes pro nobis et nostris successoribus contra hanc nostram donacionem
non uenire venie renitentes in tabulis nostris eciam Juri canonico et legali eciam Juri restitucionis in integrum et quod nobis super ipsis posset competere Et videnter promittentes dicte donacioni dicto
vel facto nos velle non opponere nec contra eam unquam venire Supplicantes V. Luthomislensis Reverendissimo in christo patri ac domino domino Johanni Archiepiscopo pragensi apostolice sedis legato ut hanc
donacionem nostram ratam et gratam habendo ipsam dignaretur confirmare Datum Luthomisl. Anno domini millesimo Trecentesimo Octuagesimo vltimo die mensis decembris Sub nostri Sigilli maioris
appensione testimonio litterarum. Jtem secunde littere tenor talis est Johannes dei gracia Episcopus Luthomislensis Notum facimus tenore presencium vniuersis Honorabilem virum dominum Nicolaum Custodem nostre pre
scripte Luthomislensis quandam litteram Sigillatam sigillo Reverendi in christo patris ac domini domini Johannis Episcopi Luthomislensis predecessoris nostri nobis protulisse Cuius tenor sequitur per omnia in hec verba
In nomine domini Amen Nos Johannes dei gracia Luthomislensis Episcopus Notum facimus tenore presencium vniuersis Qualiter a Reverendissimo in christo patre ac domino domino Arnesto sancte pragensis
ecclesie Archiepiscopo domino nostro gracioso plena et sufficienti informacione percipientes villam dictam Svitavia in nostra diocesis quam aliquamdiu tenuimus ad opus Spalis mense nostre no quidem ad nos
aut successores nostros sed ad officium Custodie luthomislensis ab antiquo pertinere pleno Jure animo deliberato non per errorem nec inprovide sed ex certa nostra sciencia eandem villam cum omnibus redditibus
fructibus Juribus et pertinenciis ad eandem custodiam remittimus et eidem restituimus integraliter et ex toto nullam nobis siue nostris successoribus ibidem preter superioritatem dominii
in exercendis Judiciis vtilitatem seu potestatem quomodolibet reseruantes Sic tamen quod eadem villa ad decernenda Judicia illa liberetur sicut in quibuslibet possessionibus Religiosorum ac Honorabilium
Dominorum Canonicorum et Capituli Luthomislensis ecclesie nostre predicte site sunt hactenus et continuo per ciuitatem decernentes eciam quod custos luthomislensis qui pro tempore fuerit Juri in sponte diuina
gracia nos aut successores nostri in propriis propriis dominiis celebramus diuinorum per effectum intendere ipse duas candelas cereas Ornatus luminum teneatur habere que in Altari celebramus
eiusdem ardeant ab inicio officii usque ad eius vltimum complementum prout sub nostro appenso Sigillo testimonio litterarum. Datum in Druzbiczic Anno domini Millesimo Trecentesimo Septuagesimo
quarto ipsa die conuersionis sancti Pauli Apostoli Post cuius quidem littere peticionem nobis humiliter supplicauit ut contenta in eadem rata et grata habentes ipsam dignaremur confirmare Nos vero ipsius
precibus tamquam racionabilibus inclinati omnia in dicta littera contenta laudamus approbamus ratificamus et non per errorem aut inprovide sed de certa nostra sciencia presentibus confirmamus Sub
nostri Sigilli testimonio litterarum Datum Luthomisl Anno domini millesimo Trecentesimo Octuagesimo die vltima mensis decembris Cum autem sicut dicta peticio subiungebat dicta ordinacio tractu post
temporis decurso vel successibus forsan temporibus impugnari probaretur instanter ut ipsam auctoritate metropolitana et legacionis dignaremur auctorisabili confirmare Nos omnibus et singulis
diligencius inspectis et cum nostris sapientibus deliberacione sufficienti prehabita eidem peticioni cum sit concordie et pacis plurimum nutritiua Attendentes eciam contenta in ea veritate subnixa
non inmerito annuentes Jpsam cum omnibus suis punctis et clausulis sic prout facta est auctoritate predicta ex certa nostra sciencia In dei nomine confirmamus ratificamus et eciam approbamus
In cuius rei testimonium presentes litteras fieri et Sigillorum nostrorum appensione iussimus communiri Datum Prage Anno domini millesimo Trecentesimo Octuagesimo primo die vltima mensis Aprilis