Wir Martinus von Gottes genaden Bischoff zu Breslaw Obrister Hauptman In
Ober vnnd Nieder Schlesien Bekennen vnnd thun khundt hiemit diesen Brieff vor Jedermenniglichen Als in dem zwischen vnns sowol einem Eherwirdigen Capitel vnnsers Hohen Stiffts zu
Breslaw eins, vnnd den Gestrengen Ernuesten vnnd dem besondern vnnd getrewen lieben Mathies Georgen vnnd Hanns brudern den Logaw, darzu Alexander Auffm dingkhen Jnn Jauer khreiß gesessen, Innhabern
deß Weilanndt Besten Lasz Jars hochmelten gewesenen vnnsers lieben besern lehen anndern tails anffgerichten vertrags, In der von Logaw, das sy vnns vnnd vnnsern nachkhommen an vnnsers Hohenstiffts
Bistumbs liegende gründe, Einn Achtzigh thaler ieden der selben der Sechß vnnd dreissig groschen, vnnd zwelff heller fur einen grossen gerechnet, Jerlicher Zinsz widerkheufflichen, Welche mit Talern abge=
löset werden möchten, Verfuhren vnnd verschreiben wolten, Das sy nu dato In dem Wolgebornen vnnserm Rath, Landt Cankhleren, vnnser Bistumbs Breslaw vnnd lieben getrewen Hern Georgen
Von Oppersdorff Freyherrn auff Aich vnnd Friedstain, Erbsassen Ist Obgedachter Hanns von Logaw wol gesundt leibes vnnd der Vernunft, vnnd hat vnns vnnd vnnsern nachkhommenden Bischoffen
vnnd khirchen zu Breslaw, mit Wolbedachtem Muthe, rath vnnd bedhufen, in einem bestendigen Wiederkhauff anffgelassen vnnd verkaufft Fünfftzig thaler Obgemelten Werden Jerlicher Zinsz
gantze Achtzehen Neunhe, in vnnd an seinem Gutte Pachaw, mit aller derselben ein vnnd zugehörung an feldern, Wiesen, holtzigen, Welden, Wässern, Awen, vnnd allen anndern Nutzungen
vnnd zugehörungen, Wie die benant vnnd mit sonderlichen Namen außgedruckht werden möchten, Nichts außgenommen, Wie sich zins in seinen Reinen vnnd Grentzen in ersterm Nyschischen
Lannde gelegen ist Vor Tausent thaler Jeden derselben der Sechß vnnd dreissig groschen vnnd den groschen von zwelff heller gerechnet, Welchen Zinsz Jerlichen halb auff Georgij Vergangen
auffzuheben Vnnd die annder Helffte auff Michaelis, vnnd also Jerlichen anff berürte termin Zugeben vnnd Zubetzalen, bey der Pfanndung, sonndern vnnsern Nachkhommen so offt
die Von Logaw Jren Erben vnnd khünfftigen Besitzer deß guettes Pachaw, mit einem oder mehr Terminen, inntz der Zinsz zalung seumig würde, durch vns vnnd khünfftige Bischoffen
Zur Vlucht so verholffen werden solle, mit dem genohmmenen Pfande ains, Alles wie vnns vnnser Nachkhommen Jhn thun vnnd zulassen macht haben, vnnd alle recht dinglichen darüber ergangen
weren, Jedoch Ist dem von Logaw seinen Erben vnnd Nachkhommenden besitzern gemelten guettes Pachaw frey vnnd beuorbehalten, das sy der massen Zinsz Vmb Tausent thaler, wider
khauffen mügen, der lossung Jnnert Jnn den Quartal, Welches wir alß Regierender Landesfürst bewilliget, In vnnd bestettiget, Jedoch vnnsern vnnd Nachkhommenden Bischoffen
vnnd khirchen zu Breslaw an Oberkhait, lehenschafft, diensten, Allen anndern Rechten vnnd sonst mennigelich an Jren gerechtigkhaiten vnschedlich, Zu Vrkundt vnnd der warhait, die deß vnnd
haben wir vnnser fürstliches Insiegel an diesen brieff hangen lassen, Geben In vnnser Stat Breslaw den Sechsten tag deß Monats Maij Im Tausent Fünffhundert Sieben vnnd Sibentzigsten Jare, Hierbey sein
gewesen die Ernuesten vnnsere lieben getrewen Joachim Hanius von Valberg Jnn Heischenwinckel vnnd Walldorff, Oberambts Rath vnnser Hoff Marschalck, Gabriel Vlrich Jnn
Fridenwaldt, Simon Camius Jnn Hohensdorff, Johan Veyman der Rechten Doctor Cantzler, Vnnser Rätbe vnnd Hanns Schmidt Secretary, Hierzu gezeuget,
Martinus Bischof
zu Breslaw