Nos Jodocus dei gracia Marchio et dominus Morauie Notumfacimus tenore presencium vniuersis Quod obdeuotam
et supplicem peticionis instanciam honorabilium ac Religiosorum virorum .. Prioris et conuentus in Noua
Villa domus sancte Trinitatis Ordinis Carthusiensis nobis specialiter dilectorum et presertim racione sinceri affectus
quem erga prefatas personas gerimus Ad contractum empcionis bonorum in Obzans que a Krzempczone de Obzans
dinoscuntur comparasse beniuole consensimus et animo deliberato ac de certa nostra sciencia ad prefatam empcionem
graciose consentimus presentibus et fauemus Sic quod Prior et conuentus prefati Monasterij Carthusiensis ipsa bona
Obzans que a prefato Krzempczone vt prefertur comparasse noscuntur habere valeant de nostro speciali fauore pacifice
et quiete Volentes eciam et vobis Camerario Czude et Notario Czude Brunensi nostris fidelibus et dilectis presentibus
seriose precipimus et attente quatinus ad requisicionem ipsius Krzempczonis prefata bona Obzans cum omnibus suis perti
nencijs antedicto Priori et conuentui Monasterij Carthusiensis in primo colloquio dominorum dum tabule terre
apte fuerint intabulare absque omni recusacione debeatis negligencia qualibet pretermissa Presencium sub nostro
appenso sigillo testimonio litterarum Datum Prage Anno domini Millesimo Trecentesimo Nonagesimo
Sexto feria Sexta proxima post octauas Corporis Cristi