Ladislaus dei gracia Hungarie Bohemie Dalmacie Croacie Rame Seruie Gallicie Lodomerie Cumanie Bulgarieq(ue) Rex Austrie et
lucemburgen(sis) Dux necnon Morauie et lusacie Marchio (et)c(etera) Notumfacimus vniuersis Celsitudinem nostram obliuioni non tradere viros antiqua nobilitate et virtute
claros quorum rebus strenue gestis nostris antecessoribus nobisq(ue) honorem et commoditatem sepe prouenisse cognouimus sed liberalibus gracijs virtutis eorum reminiscendo
ipsis vt decens est gratos nos esse monstramus et alios ad res claras pro nostra maiestate gerendas retribucionis exemplo et spe allicimus premiorum Cum itaq(ue) serenissimi
regis Johanni(s) Attaui et antecessoris nostri carissimi litteris acceperimus Nobilem olim petrum de Rosenberg tunc regni nostri Bohemie supremum camerarium assi
stentem ipsi regi Johanni danti auxilium xp(ian)issimo regi francie bellum gerenti contra serenissimum regem Anglie fortiter pugnando in prelio magna vi corporis et animi
vexillum ipsius regis Anglie viriliter et gloriose hostibus eripuisse subuersisse allisumq(ue) humi confregisse potenter et ob id ipsi petro et heredibus eius a prefato rege Johan
ne donatum vt quociens berna regia alia ve contribucio communi baronum regni Bohemie consensu regi soluenda esset pro omnibus bonis suis vltra Trecentas sexag(inta) gross(orum)
soluere minime tenerentur quemadmodum supradicti regis Johannis littere lacius manifestant Nos itaq(ue) considerantes Nobilem Vlricum de Rosenberg dicti petri prone
potem atq(ue) heredem fidelem nostrum dilectum multum nostris comodis diligenti solercia nec sumptibus nec laboribus parcendo semper inuigilasse misisseq(ue) in Austriam ad no
bis seruiendum sepe et quando nostris oportunitatibus maxime profuit Nobilem Henricum suum filium primogenitum Slesie (et)c(etera) Capitaneum fidelem nostrum dilectum vi
rum in rebus agendis strenuum et in consulendo prudenti maturitate grauem cuius presencia eciam nuper nostre sublimitati dum incliti Regni nostri hungarie possessionem pa
cificam assecuti sumus honorem fiduciam ac ornamentum non mediocriter attulit quia animaduertimus ipsos Vlricum et henricum fide dilectione et obsequijs generosos maio
res suos imitando prompte nostre celsitudini astitisse nostroq(ue) honori et vtilitati omni sollicitudine insudando totis viribus plurimis expensis ac omni conatu magnifice pre alijs
elaborasse multumq(ue) iuuisse cum incliti regni nostri Bohemie splendida celebritate coronam et possessionem plenam summa quiete assecuti sumus dignum arbitramur vt sena
ant nostram maiestatem nostrorum more maiorum fidei diligencie et seruicijs suis graciose vicem rependere Igitur deliberate et sano nostrorum procerum et fidelium accedente con
silio decerta nostra sciencia auctoritate regia Bohemie eosdem Vlricum et henricum ipsorumq(ue) heredes imperpetuum ab omni dictarum Trecentarum sexag(inta) uel alia quauis so
lucione berne regie aut alterius contribucionis quacunq(ue) ex causa communi procerum regni Bohemie et ipsorum consensu regi soluende absoluimus liberamus eximimus et integram
immunitatem solucionis ipsius habere volumus ac iubemus hanc tamen liberacionis exempcionis et immunitatis graciam ad orphanos uel pupillos quos dictos Vlricum henri
cum aut heredes eorum in tutela habere contingeret extendi nolumus aut pertinere Mandamus deniq(ue) omnibus et singulis subditis nostris cuiuscunq(ue) officij dignitatis nobilitatis status
ve sint et presertim berne regie aliarumq(ue) contribucionum perceptoribus et exactoribus sub pena indignacionis nostre vt presens nostre serenitatis indultum ipsis Vlrico et henrico eor(um)
q(ue) heredibus et successoribus semota omni perturbacione conseruent et ab alijs conseruari facere solerti studio annitantur Presencium sub appensione sigilli nostre regie maiestatis te
stimonio litterarum Datum Bude die Vigesimatercia mensis Marcij Anno domini Millesimoquadringentesimoquinquagesimo sexto Regnorum nostrorum Anno hunga
rie (et)c(etera) Sextodecimo Bohemie vero Tercio
Ad mandatum d(omi)ni Regis
procopius de Rabenstain Cancell(arius)