My Purkmistr a Radda Stareho Miesta Prazskeho Znamo cinime timto nassim listem
Wssem wubecz y gednomu kazdemu zwlasstie kdez nalezij ze gmenowitie w utery po pamatcze Swateho Gilye w lethu z nass psanem zely nizze dotczeny list a magestat Neygasniegssyho a neymocznegsyho Knizete a pana pana
Rudolffa druheho z Bozij milosti Wolencho Rzimskeho Cysarze powzdy Rozmnozitele Rzisse Uherskeho Czeskeho etc Krale etc pana pana nasseho neymilostiwiegsyho napargaminie latinskym gazykem psany na Erb Slowutnym Gabrchelowi
Pawlowi Saphyridesowi a Janowi Thurnagiom z lemnicho Sam uprzimnie ukazugiczy na ssnurze hedbaubne spoli spletene a spredene s podwiesienim Cysarske wlastnij yak na pargaminie psane y na peczeti zely neporusseny ani yak pokazyeny
Kteryzto list a magestat gsa do tohoto listu wlozieny a wepsany wssyczka ta slowa punktij Clausule a artykule gakz ted nizze polozeno gest wsobie obsahuze a zawira slowo od slowa takto.
NOS RVDOLPHVS SECVNDVS DEI GRATIA electus Romanorum Imperator semper Augustus, Germaniæ Hun
gariæ, Bohemiæ, Dalmatiæ, Croatiæ, Sclauoniæq(ue) REX etc Archidux Austriæ, Dux Burgundiæ, Brabantiæ, Stiriæ, Carinthiæ, Carniolæ, Marchio Morauiæ, Dux Lucemburgiæ ac Superioris et Inferioris Silesiæ, Wirtembergæ et Teckæ, Princeps Sueuiæ, Comes Habspurgi, Ti
rolis, Ferretis, Kiburgi et Goritiæ, Landgrauius Alsatiæ, Marchio Sac(ri) Rom(ani) Imp(erii) Burgouiæ, ac Superioris et Inferioris Lusatiæ, Dominus Marchiæ Sclauonicæ, Portus Naonis et Salinarum, AD PERPETVAM rei memoriam Notum facimus tenore præsentium uniuersis
et singulis hasce n(ost)ras Imperatorias uisuris et inspecturis: CVM Sacra Im(peratoria) Ma(ies)tas ut sol lucidissimus omnium hominum Status et conditiones radijs suis benignissimis illustrat: et quo liberaliorem ac munificentiorem erga suos declarat clementiam, eo magis
gloria corona eius splendidior redditur, augetur et prouehitur. QVAM ad rem nos ex innata nostra beneficentia et liberalitate ex quo tempore ad culmen summi Cæs(arei) muneris uocati sumus propensissimi fuimus adeo ut omnes et singulos nostri et Sacri Rom(ani) Imp(erii)
nec non et cæterorum nostrorum Regnorum, Ducatuum, Regionum ac Subditorum honorem utilitatem felicitatem et quæuis alia commoda optima quauis ratione promouere in animo habuerimus, potissimum autem eos, qui Maiorum Prædecessorumq(ue) suorum
ipsimet quoq(ue) honestam et inculpatam uitam uiuentes, sequuntur uestigia et præ alijs contendunt laudem, animi generositatem, amabiles mores et uirtutes ac egregia studia sua, nobis Sacro Rom(ano) Imp(erio) nec non et alijs Regnis n(ost)ris Ducatibus et Regionibus probare et Summa
alacritate testata facere, ad hæc quauis occasione ad clementissimum beneplacitum n(ost)rum, sese fortes et magnanimos exhibere, quos satis uberrimo honore dignos esse existimamus: Gratiose itaq(ue) attentis cognitis et expensis ijs, quæ Ma(ies)tas n(ost)ra Cæs(are)a de uitæ integritate morum
Nobilitate et honestate, ac ingenij dexteritate egregij fidelis nobis dilecti GABRIELIS THVRNAGII A LEMNI
CHO deq(ue) fidelibus ac honestis seruitijs ipsius nobis et Ser(enissi)mæ Domui n(ost)ræ Austriacæ uarijs in rebus et occa
sionibus, præcipue autem aliquot annis in Regno n(ost)ro Hungariæ contra immanissimum nominis Diuini et
Sanctissimæ eius Ecclesiæ Catholicæ hostem fortiter pugnando et uirum se præbendo fideliter præstitis
fidedignissimorum testimonio relata fuere: Accedit ad hæc quod eidem Ma(ies)ti n(ost)ræ abunde sit demonstra
tum prædecessores eius multorum annorum temporibus Nobilitatis titulo gauisos fuisse qui postea in
curia et simplicitate posterorum in desuetudinem uenit IDCIRCO ut prælibatus GABRIEL THVR
NAGIVS A LEMNICHO Cæs(are)am n(ost)ram gratiam et munificentiam (qua ipsum prosequimur) reipsa expe
riri et certum ueluti monumentum Suarum uirtutum quibus instructus est habere posset: ex certa n(ost)ra nec
non et fidelium n(ost)rorum consiliariorum scientia animoq(ue) deliberato, quo alij ad similia uel maiora etiam
præstanda facinora præclara inuitarentur. Eidem una cum hæredibus ac posteris eiusdem Sexus utriusq(ue)
titulum meræ, ueræ et synceræ Nobilitatis innouandum et eum cum supranominatis hæredibus et posteris
ipsius sexus utriusq(ue) innumerum Nobilium in Sacro Rom(ano) Imp(erio) et alijs n(ost)ris Regnis, Ducatibus et Regionibus
existentibus aggregandum uoluimus, non secus ac si à prædecessoribus suis quatuor proauis Maioribus
Sexus utriusq(ue) uerè ac syncerè nobilis natus et ortus fuisset. In testimonium autem firmius et euidens
tius, adeoq(ue) in memoriam perpetuam singularis n(ost)ræ gratiæ, qua GABRIELEM THVRNA GIVM A
LEMNICHO benigne in matriculam Nobilium retulimus, adscripsimus et eueximus. Prædecessorum
eius maiorum præfatorum Arma siue Nobilitatis Insignia de nouo ex singulari et speciali gratia attri
buimus, Scutum uidelicet ab inferiori et ima dextra ad superiorem sinistram partem æqualiter diuisum qua
rum inferior tres rubras rosas obliquetenens, cærulei, superior uero rubei uel pyropci coloris sunt in qua agnus
pedibus anterioribus ad dextram uersus saliens humeris imposita cruce conspicitur. Scuto imposita
est Galea clausa, eaq(ue) corona aurea insignita, exqua rursum agnus eodem plane modo ut in scuto egreditur.
Tegumenta uero seu phaleræ deorsum dependentes mixtæ sunt: dextra quippe ex parte albi et cærulei, sinis
tra autem rubei et albi coloris, pro ut hæc omnia in medio harum n(ost)rarum Cæs(are)arum pictoris manu et arti
ficio proprijs suis coloribus depicta clarius cernuntur: Eundemq(ue) GABRIELEM THVRNAGIVM
LEMNICHO eiusmodi ut præfertur armis condecoratum euehimus et collocamus, hæredesq(ue) et omnes
posteros eius sexus utriusq(ue) in dignitatem et gradum Nobilitatis: quo uolumus eum ut ante hac à modo
imposterum etiam futuris semper temporibus insignitum dici nominari, haberi et reputari. Ad
iungimus deniq(ue), addensemus et annumeramus eum et hæredes et omnes posteros eius sexus utriusq(ue)
cætui Sacri Romani Imperij aliorumq(ue) Regnorum, ut Bohemiæ Hungariæ nec non et hæreditariorum
nostrorum Ducatuum et Regionum, Veræ, meræ, et synceræ Nobilitati, harum nostrarum litterarum
Vigore et authoritate mediante. Non solum autem sæpefato GABRIELI THVRNAGIO
LEMNICHO hanc n(ost)ram benignam clementiam fauorem et gratiam impertimur et elargimur:
Sed intuitu fidelitatis et fidelium prænominatorum seruitiorum eius, quæ pro locorum et tempo
rum uarietate Sacræ n(ost)ræ Regni Hungariæ coronæ impendit fratres eius etiam PAVLVM SAPHYRIDEM uidelicet et IOANNEM THVRNAGIOS a LEMNICHO cum omnibus hæredibus et posteris ipsorum sexus utriusq(ue)
in omnibus continentijs, clausulis et articulis horum n(ost)rorum armorum et Insignium Nobilitarium participes esse uolumus et iubemus. Statuimus etiam insuper et mandamus ut GABRIEL et prædicti PAVLVS SAPHYRIDES et IOANNES
THVRNAGII a LEMNICHO, cum hæredibus et posteris suis Sexus utriusq(ue) futuris semper temporibus pro ueris meris et synceris Nobilibus ab omnibus habeantur æstimentur, colantur et scribantur, et non secus ac si à Maioribus suis
quatuor prædecessoribus Nobiles nati essent reputentur: Omnibus itidem ijs libertatibus et iuribus gaudeant in quibusuis officijs et beneficijs spiritualibus et secularibus capessendis emendis habendis retinendis et sustinendis. De
niq(ue) uolumus ut in Iudicijs decernendis, exercendis, requirendis, exiquendis peragendis, ubicunq(ue) ea fieri contigerit ab omnibus Statibus in locis et partibus omnibus pro dignis idoneisq(ue) statuantur et admittantur. MANDANTES
et seuerè præcipientes uniuersis et singulis Principibus Sacri Romani Imperij et n(ost)ris Electoribus Ecclesiasticis et secularibus, Archiepiscopis, Episcopis, Palatinis Ducibus Marchionibus, Comitibus Baronibus Nobilibus et in primis
Regni n(ost)ri Boemiæ adiunctarumq(ue) Prouinciarum subditis fidelibus n(ost)ris dilectis. cuiuscunq(ue) ij status, gradus, ordinis, conditionis et fortunæ sint uel extiterint ut sæpè nominatos GABRIELEM, PAVLVM SAPHYRIDE(M) et IOANNEM
THVRNAGIOS a LEMNICHO et totam familiam eorum pro ueris Nobilibus agnoscant et ab hac hora in futurum perpetuis temporibus Priuilegijs omnibus suprascriptis sine omni impedimento frui permittant, in ijsq(ue) conseruare ipsos
studeant. SI QVIS uero hoc n(ost)rum augustissimum Cæs(are)um et Regium Diploma in dubium uocare spernere uel uiolare ausus fuerit is se nouerit ipso facto in Imperatoriam et Regiam indignationem n(ost)ram incursurum et mulctam siue pœnam Tri
ginta quinq(ue) Marcarum auri puri subiturum Cuius mediam partem Ærario nostro Regio alteram uero sæpedictis GABRIELI, PAVLO SAPHYRIDI et IOANNI THVRNAGIIS a LEMNICHO et suis pendi atq(ue) exolui mandamus.
IN cuius rei certum et euidens testimonium præsentes litteras manus n(ost)ræ subsignatione et Sigilli n(ost)ri Cæs(arei) muniuimus appensione. Datis ex Regali nostra Praga tertia die Mensis Marty. Anno a partu Virginis, Millesimo Quingentesi
mo, Nonagesimo Octauo. Regnorum nostrorum, Romani Vigesimo tertio, Hungarici Vigesimo sexto, et Bohemici itidem Vigesimo tertio /.
Rudolphus
Christo(phorus) L(iber) B(aro) Asebu(r)g(ensis) m(anu) p(ropria)