Copia
BONIFACIUS EPISCOPUS SERVUS SERVORUM DEI
Nuper siquidem de Omnipotentis Dei Misericordia, et Beatorum Petri et Pauli Apostolorum Ejus auctoritate confisi omnibus vere poenitentibus
et confessis, qui Ecclesiam Monasterij Sanctae Clarae oppidi Crumpnow Ordinis Ejusdem Sanctae, Pragensis Dioecesis, ad quam dilectus Filius Nobilis
Vir Henricus Claro Baronia de Rosenberg dictae Dioecesis ingentem devotionem habere demonstratur, certas indulgentias concessimus, Videlicet
in Octava Festivitatis Corporis D(omi)ni nostri JESU Christi, ad quam etiam, ut asseritur, multitudo populi ex diversis mundi partibus confluit copiosa,
Sub certis tenoribus et Verborum formis tunc expressis, confirmantes etiam omnes indulgentias Eidem Monasterio et Ecclesiae per nos et praedecessores
Nostros quomodocunque et qualitercunque concessas, quarum tenorem praesentibus habere Volumus de Verbo ad Verbum pro sufficienter expressis.
Nos igitur Cupientes, ut quicunque Christi fideles ad dictam Ecclesiam Monasterij Sanctae Clarae in Octava Festivitatis Ejusdem Corporis Domini nostri
Jesu Christi, et duobus praecedentibus diebus dicta Festivitate ad eandem Ecclesiam confluentes Conscientiae pacem et animarum Salutem Deo propitio
consequantur, ac Indulgentiae hujusmodi participes efficiantur, dilecto Filio Nobili Viro Henrico de Rosenberg praefato, et Ejus Successoribus Baroni=
bus dictae Baroniae pro tempore existentibus, ut decem vel plures Sacerdotes idoneos Saeculares vel Regulares annis singulis deputare et eligere possit,
qui Confessiones omnium et singulorum Christi fidelium ad dictam Ecclesiam in dicta Octava et duobus diebus praecedentibus causa hujus=
modi Indulgentiae confluentium audire, et ipsis pro commissis poenitentiam salutarem injungere, ac eos ab omnibus et singulis eorum peccatis,
de quibus corde contriti et ore confessi fuerint, absolvere valeant, auctoritate Apostolica tenore praesentium de speciali gratia indulgemus.
Nulli ergo omnino hominum liceat hanc paginam nostrae concessionis infringere, vel ei ausu temerario contraire. Si quis autem hoc attentare
praesumpserit, indignationem Omnipotentis Dei, et Beatorum Petri et Pauli Apostolorum Ejus se noverit incursurum. Datum Romae apud
Sanctum Petrum Anno Incarnationis Dominicae Millesimo Trecentesimo Nonagesimo Nono, Quarto Nonas Januarij, Pontificatus Nostri Anno Undecimo.
Gratis de mandato Domini Nostri Papae.
Ego infra scriptus Testor, praesens
Desumptum cum suo originali de Verbo
ad Verbum per omnia concordare.
Sig(natum) Trebonae 25ta Septembris 1755.
Christophorus Wawra m(anu) p(ropria)
p(ro) t(empore) Archivarius
Copia(ve)runt: Wagner, Gippl, et Junior Habel