Benedictus Episcopus, Servus Servorum Dei. Dilectis Filiis.. Abbati
Aulae Regiae Prag(ensis) Dioecesis, et.. Praeposito Sderaziensi prope Pragam, per
praepositum soliti gubernari, Monasteriorum, ac.. Scholastico Ecclesiae Prag(ensis)
Salutem et Apostolicam Benedictionem.
Sua nobis Dilectae in Christo filiae,.. Abbatissa, et Conventus Monasterii S(ancti) Georgii
in Castro Pragensi, Ordinis S(ancti) Benedicti, petitione monstrarunt, quod cum Prziedborius
Abbas Monasterii Brzewnoviensis extra muros Pragenses ejusdem Ordinis, asserens se
Visitatorem Monasteriorum dicti Ordinis in Civitate, et Dioeces(i) Pragens(i) consistentiu(m)
Auctoritate Apostolica constitutum, et habere faciendi observari Constitutiones
super statu Monasteriorum, Abbatum et Monachorum dicti Ordinis dudum
a Nobis editas specialem a Sede Apostolica potestatem, ad Monasterium
praedictum Sancti Georgii se conferens, omnes Constitutiones hujusmodi fecisset
eisdem Abbatissae et Conventui legi et etiam publicari, easq(ue) requisivisset,
ut Constitutiones easdem servare deberent. Ex parte praedictarum Abbatissae
et Conventus fuit coram eodem Abbate excipiendo propositum, quod cum praedictae
Constitutiones dumtaxat super statu Monasteriorum Abbatum et Monachoru(m)
dicti Ordinis factae fuissent, et de Abbatissis ac Monialibus Monasteriorum
dicti Ordinis nulla in eisdem Constitutionibus mentio facta foret, nec
alias eaedem Constitutiones ad Abbatissas et Moniales praedicti Ordinis
earumq(ue) Monasteria se extenderent, sicut ex tenore dictarum Constitutio=
num liquido apparebat. Praefatae Abbatissa et Conventus Sancti Georgii
ad observandum Constitutiones easdem minime tenebantur et ad id compelli
de jure non poterant, nec debebant, et quia praedictus Abbas eas super
Collatum