Ich Hanns Carl Von Pieching Zue Eigharting
Vnd Pienbach Gelegen in Nidern Bayrn Bekenne Hiemit Das an heüt Zue Endt nach
geschribnen dato, Vor mir erschinen ist, Der Ehrnvest Georg Schwäbl, mein Hofmaister Zue bemelttem Eigharting, in Namen Vnd anstatt seines Bruders Simon ge=
nant, dienstlich anbringendt, wie gedachter sein Brueder Simon, Ehelichn gezeugt, Erbenn Vnd Redlichen herkhomen, Vnd das Er mit Vnbaisgen Zeügschafft beistanden
habn bedürffig, Stellt darauff für mich, die Erbarn Vnd Beschaidnen, Hannsen Prunr, Richter Zue gedachtem Eigharting, seines alters achtzig: Balthasarn Schwaigmair
im Tall, Sechtzig: Vnd Ligenhartn Gair Zue Khindling, Fünff Vnd dreissig Jar alt, Alle drey bedachte glaubwirdige Männer, Sy Vmb ernants seines Brueders Simon, ehe=
licher geburtt, Vnd herkhomens Züuerhören, Vnd alldann Irer aussagen, Ime gefertigte Khundtschafft, sich derer der notturfft nach Zügebrauchen, gl(eich) mit Züthailen
Bittendt, Wann dann menigclich die warhait Zübefürdern schuldig, Zü ains selbs habenden sonderns vernigkl, Also hab ich obgedachten dreyen Vngeuallten Zeügn,
Irer Person, auf Zuuorgans Treu Vnd Aydt, solches Khundtschafft, auch mit diser Protestation, ob Sy die aussag, Im fahl es künfftig begert wirdt, mit Irem Jurament
Zubestätten Zügesprochen, Vnd Verhört, Die dann ainenclich, ainhällig, das Ieder abwesent des andern, lautter aussgesagt Vnd bekhant, Inen wär guets
wissen, Vnd seindt ingedenckh, Das sich ermelts Simons Vatter, Hanns Schwäbl pliger, Vngeuer Vor Sechtz Vnd dreissig Jarn, mit ainer Junckfraw Veronica, so
noch im leben, ehelich Züsamen Versprochen, Vnd nach ordnung der hailigen Catholischen Christlichen Khirchen, in dem Vürdigen Sanct Romanj Gottshaus, durch Vür=
landt den Ehrwirdigen Vnd Gaistlichen Herrn, Bartolomeen Rümbl, gewesten Pfarrern Zü Gimpkirchen, einsegnen Vnd Züsamen Copulirn lassen, Volgendts
in meiner Cäfern Zü bemelttem St. Roman, die Er Hanns Schwäbl damals als mair, Ingehabt Vnd besessen, die Hochzait angenemen, Vnd in solcher
Irer ehehafften Ehe, merbemellten Simon, neben andern dreyen Sönen, Nambens Georg, Wolf, Vnd Sebastian, ehelichen erzeugt, Vnd sie Vor Ieden
Menigclich, für Ire eheleibliche Khinder gehalten, Vnd erkant worden, In der Zeügen Wahrab wissen ist, das Sie auch die Hochzait beymessen gewest, Vnd obge=
Zue Eigharting Vnd gassen beigewohnt, auch in disem ainer Tafflen, neben andern die Hochzait Gessen Vnd eingenomen, Dahero, Vnd aus oberhalber Ehe=
lichen Züsamen Verpflichtung, Vnd Priesterlicher Copulation, bekennen die offternanten Simon Schwäbl, Vnd seine drey gebrüeder, ehelichs rechtgeborns Khinder
Zesein, Welchs auch ains Erbaigenschafft, die ohn diß deren ortten nit gebräuchig, frey wissens, kaines Corps Vnderworffen, Vnder deren Khindten aller=
dings ledig, Vnd frey waren, Wegen diser der geZeügen samentlich gethanen, ainhälligen, beharlich, Vnd beständigen aussagen, gibe Ich auf bemelts,
Weniges ersüechen, obernantem Jörgen Schwäbls Bruedern, Simon, disen offnen Gebürtts: Vnd Khundtschafftsbrieff, Welchen mit meinem Vffgedruckhten
Insigl, (doch mir, meinen Erben Vnd Insigl ohn schaden) Verfertiget, Geschehen den Neünzehenden tag, des Monats Septembris, als Nach
Christj, Vnsers lieben Herrn, Vnd Seeligmachers Geburtt, Im Sechtzehenhundert, Vnd Vierzähenten, Jar.