Georgius dei gracia Boemie Rex. Notum facimus vniuersis tenore presencium. Quod nos ad humilem et instantem peticionem fidelium nostrorum dilectorum
consulum et tocius communitatis ciuitatis nostre Brunensis. Ipsi ciuitati et ciuibus in ea residentibus. hanc graciam de nostra regia munificencia
fecimus et de certa nostra sciencia facimus per presentes. Quod ipsi ciues et eorum successores. a solucione theolonij in ciuitate nostra Znoymensi
et in omnibus alijs ciuitatibus opidis et villis nostris in Marchionatu nostro Morauie. vbicumque theolonium solui consueuit. liberi esse debent
et penitus absoluti. Mandantes proinde vniuersis et singulis theolonatoribus nostris in dicto Marchionatu nostro Morauie constitutis et in
posterum constituendis. quatenus sepedictos ciues nostros Brunenses et eorum successores. a solucione theolonij in ciuitatibus opidis et villis
nostris. vbi theolonium solui consueuit. liberos esse permittant. nec ipsos ad solucionem theolonij aliqualiter compellant. sub obtentu
gracie nostre. et pena quinquaginta marcharum auri puri. quas quemlibet theolonatorem. qui secus presumpserit faciendum. tociens quociens
factum fuerit. pro nostra regali camera irremissibiliter decernimus persoluendas. In cuius rei testimonium sigillum nostrum maius presentibus
est appensum. Datum in Bruna. Sabbato post festum Ascensionis domini. Anno domini Millesimo Quadringentesimo Quinquagesimooctauo. Regni
nostri Anno Primo.
Ad mandatum domini Regis
Johannes de
Rabstain
Ad. d. folio 15
Millenius