Wir Smil vnd Czenke gebruder von liechtenburch bekennen vnd tun
chunt offenbar an disem briefe das wir der hochgeborn furstin vrowen
Eliz(abeth) wilen chunigin ze Behem vnd ze Polan vnd vrowen Katherin
der abtissin vnd dem conuent des closters sant claren sal in alden
brunnen schuldich sein von vnser gvter vrowen adelheiten der got
gnade adgente wegen hundert march groser pragischer pfenninge
vier vnd sechzich grose fur iegliche march zereiten vnd die gelube
wir in zugelden vnd zugeben vf di tage als hernach geschriben stet
des ersten vf sant michell tag der schiest chunt dreizich march vnd
dar nach vber ein iar an sant michell tage aber dreizich march vnd di
lezten vierzich march dar nach vber ein iar an sant michell tage also daz
wir in den vorgenanten vrowen Eliz(abeth) der chunigin vnd vrowen Katherin
der abtissin vnd dem conuent des vorgenanten closters di izunt
sint oder hernach werdent vf di vorgeschriben drei tage di vorge
sprochen hundert march gar vnd gancz ane hindernis vergelden mit
gereiten pfenningen Vnd das gelub wir zuleisten ane vczog mit vn
sern guten treuwen vnd gelubent vor vns vnd mit vns mit gesam
ter hant vnuorschaidenlich Her wzneta von der lomnicz vnd Bohuss
von sterncz ouch alles das do vorgeschriben stet vollenchumlich ze halden
vnd zelaisten Wer aber das des nicht gesche so gelub wir wzn
dzneta von der lomnicz einen rittermesigen man mit einem chnechte
vnd mit zwein pferden vnd ich Bohuss von sterncz ouch ein ritter
mesigen man mit einem chnechte vnd mit zwein pferde vngemant nach
ieglichem tage vf welchz das gelt nicht geuilt also do vor geschribe(n) stet
in di stat ze Brvnn zusenden in ein erber gasthous ein recht inleger ze
leisten vnd nymer danne chume sie werden e des selben geldes vf
welchz tag das vorlessin ist gar vnd gancz vorrichtet mit gereiten
pfenningen Gesche ab an vns wzneten vnd Bohussen d(en) vorgenanten an vns
baide icht oder an eime besundern do gelub wir Smil vnd czenke vo(n)
leuchtenb(urch) di vorgenante das selbe inleger in sulch wise ze leisten als do
vor geschriben stet vnd des ze eime vrchunde vnd ze einer bestetuge hab
wir disen brief versigelt mit aller vns vierer insigil ze eime gezeug
nusse dar vber Der brief ist gegebn ze Brvnn an dem dinstage ze mit
teruasten Nach crists geburd als dreiczenhundert iar in d(em) funf vnd dreizi