In nomine domini amen. Pridem sanctissimus in christo pater et dominus noster dominus Innocencius diuina prouidencia papa vj causam que uertebatur seu uerti spera
batur inter honorabilem uirum dominum Nicolaum de frankenstein canonicum Wratislauien(sem) ex vna et Nicolaum de Swabemicz absentem per
clericum olomucen(sem) dioc(esim) super parochiali ecclesia in Auspicz dicte olomucen(sis) dioc(esis) et eius occasione pro eo alterius officiali patauiensi eius proprio nomine
non expresso audiendam commisit ac fine debito terminandam cum emergentibus dependentibus et connexis. Vigore cuius commissionis
Nos Vlricus canonicus Brixinen(sis) et officialis patauien(sis) in dicta causa iuris ordine et alijs seruandis seruatis procedentes diffinitiuam tulimus
sentenciam pro dicto domino Nicolao de frankenstein et contra Nicolaum de Swabemicz supradictum ipsum in expensis in causa huiusmodi pro parte dicti Nicolai
de frankenstein factis finaliter condempnantes ipsarum expensarum taxacione nobis inposterum reseruata prout hec omnia et singula in
quodam publico instro(mento) signo et subscripcione Petri quondam Alberti de Wienna clerici patauien(sis) dioc(esis) publici Imperiali auctoritate Notarij
Scribeq(ue) nostri signato et nostri officialatus sigilli appensione munito plenius continentur. Postmodum uero Nos Vlricus Judex prefatus
ad instanciam discreti uiri Nicolai de Languelt procuratoris dicti Nicolai de frankenstein coram nobis in iudicio comparentis dictum Nicolaum
de Swabemicz ad uidendum taxari expensas pro parte dicti Nicolai de frankenstein factas in causa huiusmodi ut moris est in domo habitacionis
sue et aput ecclesiam in oppido Auspicz predicto citari mandauimus et fecimus ad certum peremptorium terminum competentem eidemque Nicolao
de Languelt procuratori predicto eundem terminum ad idipsum peremptorie assignando. In quo quidem termino comparuit in iudicio coram nobis dictus
Nicolaus de Languelt procurator et dicti Nicolai de Swabemicz citati et non comparentis contumaciam accusauit eumque per nos contumacem percijt
reputari ac in eius contumaciam pecijt per nos predictas expensas pro dicto Nicolao de frankenstein principalem in ea huiusmodi factas
taxari. Nos igitur Vlricus Judex prefatus dictum Nicolaum de Swabemicz citatum et non comparentem quo ad acta huiusmodi reputantes
exigente iusticia merito contumacem in eius contumaciam dictas expensas pro parte dicti Nicolai de frankenstein principalis factas
in centum floren(is) auri de florencia boni auri et legitimi ponderis pro ut tamen per nos eidem Nicolao de Languelt procuratori declarato
iuramento quod tantum in ea huiusmodi dictus Nicolaus de frankenstein principalis expenderat uel neccessario expendere debebat et
per dictum Nicolaum de Languelt procuratorem ad sancta dei euangelia corporaliter manu tacta prestito duximus huiusmodi debita moderacione
taxandas. In cuius rei testimonium presentes nostras taxacionis litteras seu presens publicum instrumentum per petrum quondam Alberti de Wienna
clericum patauien(sis) dioc(esis) publicum Imperiali auctoritate notarium scribamque nostrum infrascriptum scribi et publicari mandauimus nostrique
officialatus sigilli fecimus appensione muniri. Facta fuit huiusmodi expensarum taxacio per nos Vlricum officialem patauien(sem) iudicem
prefatum Wienne in domo habitacionis nostre in loco nostro solito ad iura reddenda pro tribunali sedentes hora uesperarum uel quasi
die lune xxij. mensis Junij Anno domini Millesimo trecentesimo quinquagesimo quinto Indiccione viij. Pontificatus sanctissimi in christo patris et domini nostri domini
Innocencij diuina prouidencia pape vj. predicto Anno tercio. Presentibus honorabilibus uiris dominis Johanne de Bapauia canonico colbergen(si)
Caminensi. Johanne plebano ecclesie in potinstein. Johanne dicto Bergawer clerico. Fridrico dicto gresil patauien(sis). Johanne de Go
tow presbitero Moguntinen(sis) dioc(esis) testibus ad premissa uocatis specialiter et rogatis.

Et Ego Petrus quondam Alberti de Wienna clericus patauien(sis) dioc(esis) publicus Imperiali
auctoritate Notarius ac uenerabilis uiri domini Vlrici officialis curie patauien(sis) Judicis prefati scriba dictarum
expensarum taxacioni et omnibus alijs et singulis supradictis vna cum prenominatis testibus presens interfui et ea
uidi sic fieri et in publicam per alium scribi feci et de mandato dicti domini mei domini Vlrici Judicis prefati
et ad instanciam dicti Nicolai de Langenuelt procuratoris suprascripti publicaui et in hanc publicam formam
redegi signoque meo solito vna cum appensione sigilli officialatus domini mei Judicis prefati signaui
rogatus in testimonium premissorum