Ich Herman von chmngsek und Hans mey sun gesessen czu Rawsennpruk mit allen unsn gerben und nachchumeling
tun chund offenleich mit disem prieff allen leuten di yn zehen ader hern lezen das wir mit wolbedachte mut und
auch mit gutem willen und von naturleichem rechten aufgeben und mit disem gegenburtige priefe aygen und schaffen
meyner tochter und meyns vorigten suns swester Dorothean von rechtem irem erbteil di wir got und uns liben
Frawn haben geopphert in das chloster czu ossla czwo mark geldes ewiges und plasses czinses in unsm dorff czu
Rawsennpruk allew gar ierleichen czu rihten geben und czu czinsen unvorzogenleich czu sand michele tag der nechst
chumt eyn mark und czu sand veyten tag der darnach chumt eyn mark grosser phennig und wares czinses also
allew gar ierleichen und ewichleich di weil wir vorigten Herman und hans mey sun von Rawsennpruk ader uns gerbn
meyner tochter dorothean ader ab si abgieng dem chloster czu ossla nicht chawfeten ader czaigete und geben anderswo
czwo mark geldes und gewisses czinses Geb wir aver ader uns gerbn meyner tochter dorothean ader dem chloster
ader chawfeten anderswo czwo mark geldes und gewisses czinses da yn angenuget so scholl uns dorff Rawsennpruk
vorpas ledig zein von den czwayn marken czinses und frey Und wir Bohunk von stichmcz Brunfold von schw
mankowitz pzribisslab von pelan mit allen unsn gerbn geloben mit den obgeschriben hn Herman und hn Hansen
zeyn sun und mit irn gerbn der oftgnten geistleichen junkfrawn dorothean und dem chloster czu ossla alle mit
gesampter hant ungeschaidenleichen in rechter purgelschaft di selben czwo mark czinses ab chaynerlai zawmff dar yn
icht geschech das si czu den tagen als vorgeschriben stet nicht binden geben ad vorricht von unsm aygem gut gebn
und awfrichten an allew wider red Tet wir des nicht so scholl di oftgnt junkfraw dorothea und das chloster ad(er)
wem si das empfelhen nach der manung mit der chraft dises prifes uns leut und holczen awfhalden und vpieten
ader pfenden wo si di vinden in dem land czu merhn in den steten ader merkten und di pfant vsetczen also lang
uncz das all di scheden di si da von mechten emphaben und redleichen binden beweist von uns und von allen unsn
gerbn wern volchumeleich widr chert des czu eyner guten gewissen und sicherhait geb wir yn disen offen prieff
vsigelt mit unsn aigen anhangunden jnsigeln der gebn ist nach christi gepurd drewczehenhundert jar und
dar nach in dem anderm und Newczkisten jar an sand Veytz tag des heiligen martrer