Ich Agnes von hawspitz gnant Bekenne offintlichin vor mich vnd meyne Erbin vnd nochkomelingin Allen lewten mit diffin Briefe die en
fehn horn ader lesin Also ich die Erwirdigin frawen Dorothea Abtissin der konigin klostir In der Aldin Brünnen von sundern getrawen vnd meyne
fleissigen gebete Aller meyner Czinse die mir der Edle herre heinrich von der leippen phlichtig vnd schuldig ist Jerlichin gebin vnd raichin
reithin czu feinen tagen Bewandlichin also das lawterlichin vnser hawptbriff der Czinse beheltit Gancz mechtig gewaldig gemacht habe
die selben czinse In meynem namen von deme vorgenant hern heinriche von der leipen Inzuvordern vnd Inzubringen mechtiglichin Des die
Erbn Erwirdige ffrawe Dorothea von Eruneburg Abtissin vmb meynes gebets willen willig ist gewesin vnd hot die selben czinse etliche Jar
von deme obgenant hern heinriche von der leippin vff gehaben vnd mir die selbigin Jerlichin Czinse gancz vorricht vnd gegebin hot an bereitem
gelde Hirdmb Ich vorgenant Agnes von hawspitz aller Czinse die dem die obgenant Erwirdige ffrawe Dorothea Abtissin also In meynem
namen von deme obgenant hern heinrich von der leipen von der czeit meyner Beuelunge entphangin hot vnd Ingenomen vil ader wenig was
das ist mir die gegebin hot gancz volkomelichin sage mit Irem conuenth Qwit frey vnd ledig lase mit meyne Erbin Inhafft diffis brifs
vnd Bekenne ouch sunderlichin also Ich der Erwirdigin frawen Dorothean von Eruneburg Abtissin etliche meyne kleynat habe czu halden
gegebin habe welchlichin die selben sind gewesin gnestaltin Gendin das mir die offtgenant Erwirdige ffrawe Dorothea Abtissin die sel
bigin meyne kleynat alle gancz wider gegebin hot vnd vorrichtet ganczlichin vnd garalbelichin der selbige kleynat Ich obingeschrebin
Agnes von hawspitz die Erwirdige ffrawe Dorothea von Eruneburg Abtissin vnd Iren conuenth ouch aller gancz Qwit frey ledig lase
vnd vor mich vnd meyne Erbin sie nymer anczuvordern Inzukunfftige gezeiten vnd Inrafft diffis Briefs Ouch wens sage ab Ich
obingenant Agnes von hawspitz der oftgenant Erwirdigin ffrawen Dorothean von Eruneburg Abtissin der konigin klostir czu Brünne Icht
hulffe tete ader gebe ob sie welchlichin das sie das das mit meyner beidin Erdeme wille ist Czinzen von sydelicz vnd hannsth von liebenthal
vnd mit yren Erbin vnd vorteile sich Inrafft diffis brifs Des czu eyner waren orkunde vnd grossir sicherheit haben Ich Agnes von hawsp
spitz vnd Czinze von seidelicz vnd hannsth von liebenthal der offtgenant frawen Agnes von hawspitz rechte erdeme mit vnsin wissen
vnd guten willen vnsre Ingesigil an diffen briff gehangen der gegebin ist Tausent Jar ffirhundert Jar noch cristus geburt Indeme Newn
vnd czwenczigstin Jar