Alexander ep(iscopu)s seruus seruor(um) dei. Dilectis in (Christ)o filiabus . . Abbatisse et Conuentui monasterij de Celiporta Cistercien(sis) ordinis
Olomucen(sis) dioc(esis) Sal(u)t(em) et ap(osto)licam ben(edictionem). Deuotionis augmentum uobis deo propitio prouenire confidimus si sup(er) hijs que digne cupitis
nos uobis inuenisse beniuolos gaudeatis. Sane petitio u(est)ra nobis exhibita continebat. q(uo)d cum clare memorie Constantia Regina
Boemie ius patronatus q(uo)d in eccl(es)ia sancti Wenceslay de Thysnawiz olomucen(sis) dioc(esis) obtinebat uobis Regia liberalitate donasset
intuitu pietatis. tandem bone memorie Robertus olomucen(sis) Ep(iscopu)s hui(us)modi donationem approbans diligenti deliberatione p(re)habita
uobis ordinaria auctoritate concessit ut dictam eccl(es)iam in qua Rectoris institutio spectabat ad eum cum
iuribus et pertinentijs suis cedente uel decedente illius Rectore in uestros usus proprios retinere possitis. deputa
ta de prouentibus ipsius eccl(es)ie uicario p(ro) t(em)p(or)e ibidem perpetuo seruituro pro sustentatione sua et ep(iscop)alibus iuribus persol
uendis ac supportandis eius consuetis oneribus congrua portione prout in patentibus litteris confectis exinde ac Sigil
lo Ep(iscop)i memorati signatis plenius dicitur contineri. Nos itaq(ue) uestris supplicationibus inclinati q(uo)d ab eisdem Regina
et Ep(iscop)o super premissis pie ac prouide factum est ratum et firmum habentes id non obstante q(uo)d ad hoc
assensus olomucen(sis) Capituli minime interuenit auctoritate ap(osto)lica confirmamus (et) presentis scripti patrocinio comunim(us).
Nulli ergo omnino hominum liceat hanc paginam n(ost)re confirmationis infring(er)e uel ei ausu temerario contraire. Siquis
autem hoc attemptare presumpserit indignationem omnipotentis dei et beator(um) petri et pauli ap(osto)lor(um) eius se
nouerit incursur(um). Dat(um) Lateran(i) xv k(a)l(endas) Martij.
Pontificatus n(ost)ri Anno Septimo.