Nos Bernhardus dictus handelmo iudex brunnensis franck weys fridericus scriptor Conradus de antiquo foro ciues et iurati ciuitatis brunnensis cu(m) ceteris omnibus cofratribus n(ost)ris
notu(m) facimus vniuersis p(re)sentibus et futuris quod nos ex mandato regie maiestatis ottakariis eo tempore brunne existentis Anno videlicet D(omi)ni Millesimo ducentesimo quinqua
gesimo secundo dim(en)surauimus et in certum locu(m) posuimus co(n)uentu(m) vallis Marie situ(m) infra murum ciuitatis brunnensis qui se extendit a portula ciuitatis vsq(ue) ad portam q(ue)
rennerthar vulgo dicitur et quicu(m)que domos edificauerint iuxta illum conuentum penes murum ciuitatis vsque ad portam supradictam siue exopposito muri ciuitatis
vsque ad prenominata(m) portulam seu penes illum conuentum sicuti habitaciones demostrent que illis dominus Vdalricus dictus schwarz conuentui donauit
qui illi annuatim censum dabant circa festum Georgij medium florenu(m) cum libra cere circa festum Michaelis medium florenum cu(m) minori cuppula salis quaprop
ter certitudinaliter notum facimus omnibus hominibus qui supra predictum fundum illarum virginum edificabunt seu habitabunt in ciuitate vel extra que
nunc habent seu in futurum habebunt quod a regia maiestate libertate sunt dotati litteris sigillis munitis quas predictis virginibus dedit quibus ipsi et
omnes eorum domini subditi perpetuo sunt priuilegiati ab omnibus censuris annalibus et alijs quibuscunq(ue) grauaminibus et vt eo melius suum po
ssunt consequi victum et edificare fundum ipsarum concessit eis educillare vina seu ceruisiam vbi fortuna dederit Insuper easdem et earum sub
ditos recipit in suam regiam protectionem seu defensionem sicuti fundator illius conuentus et legittimus protector Insuper mandauit nobis sub in
dignatione regie maiestatis ne illas seu subditos earum aggrauare quouis modo deberemus et nos sub prestito iurame(n)to iurauimus eandem suam
dotacionem regiam manu tenere quoniam profitemur nos et sequaces nostros per fidem nostram sufficienter contentos a regia maiestate pro emoli
mento illius census a subditis illarum virginum quo continuo ciuitatem nostram instaurare valebimus Horum in verum testimoniu(m) quod
huiusmodi ereccioni regie nullatenus retrocedere volumus Nos ex singulari peticione sororis herburgis priorisse et Conuentus prenominati
eisdem has litteras sigillo ciuitatis munitas tribuimus Et nos Bernhardus iudex et franck prenominatus in euidentius testimoniu(m) quod no(n) possint irri
tari seu retrocedi a n(ost)ris sequacibus nostra sigilla presentibus appendimus et harum virtute confirmamus et approbamus registrum quod nostri antecess
ores fecerunt dominus videlicet Robin cum alijs iuratis super bona quibus conuentus vallis Marie eo tempore et post dotatus fuit dum Wenceslaus rex
Brunne fuerat Anno videlicet Domini millesimo ducentesimo quadragesimo et omnia bona quibus a Christicolis succedentibus temporibus dotati
fuerint vel erunt debent inscribi testimonio bono ad registrum predictum et in quibus negocijs eo vsuri erunt succedentibus annis debet suam plena
riam firmitatem perpetuo habere sicuti a regia maiestate et a nobis confirmatu(m) quam firmitatem habet hodie dum has litteras sigillauimus Datum Brun
ne in die Barbare Anno d(omi)ni millesimo ducentesimo quinquagesimo secundo post recessum regie maiestatis de Brunna in die Sancti Stanislaj