Iulius ep(iscopu)s seruus seruo(rum) dei Venerabili fratri Ep(iscop)o Zwerinen(si) et dilectis filijs Abbati Monasterij in Rager
ac Preposito Prepositure in Cunig Olomucen(sis) dioc(esis) Sal(utem) et ap(ostoli)cam ben(edictionem) Significauit nobis dilecte in xp(ist)o filie
Priorissa et Conuentus Monasterij p(er) priorissam soliti gubernari beate Marie virginis Opidi Brunen(sis) ordinis sancti
Augustini sub cura fratrum Predicato(rum) viuentium Olomucen(sis) dioc(esis) q(uo)d nonnulli iniquitatis filij quos prorsus ignorant
decimas primicias census fructus redditus prouentus paramenta ecclesiastica sanctor(um) reliquias possessiones domos ortos
campos prata pascua nemora arbores siluas feneata auri argenti monetati et non monetati uini bladi frumenti fili cere
et alia(rum) re(rum) quantitates libros l(itte)ras auctenticas instrumenta publica obligationes quitancias testamenta scripturas
publicas et priuatas uasa erea cuprea ferrea stagnea lignea pannos lineos laneos sericos domor(um) utensilia animalia
uestimenta debita credita legata mutua deposita iura pecuniar(um) sumas et nonnulla alia mobilia et inmobilia bona ad dictu(m)
Monasterium quos ex priuilegio ap(ostoli)co bona habere poss(un)t legitime spectancia temere et malitiose occultare et occulta detinere
presumunt non curantes ea prefatis significantibus exhibere in animar(um) suar(um) periculum et ip(s)ar(um) significantium et Monasterij
non modicum detrimentum super quo prefati significantes aplice sedis remedium implorarunt. Quocirca discretioni u(est)re
p(er) ap(ostoli)ca scripta mandamus quatinus omnes h(uius)mo(d)i decimar(um) primiciar(um) ac censuum fructuum et alior(um) bonor(um) predicto(rum)
detentores occultos ex parte n(ost)ra publice in eccl(esi)is coram populo p(er) uos uel alium seu alios moneatis ut infra competentem
terminum quem eis prefixeritis ea prefatis significantibus abs(que) debita restitutione et reuelent ac de ip(s)is plenam et debitam
satisfactionem impendant et si id non adimpleuerint infra alium competentem terminum quem eis ad hoc p(er)emptorie
duxeritis prefigendum extunc in eos g(e)n(er)alem excomunicationis sententiam proferatis et eam faciatis ubi et q(ua)n(do) expedire
uideritis usq(ue) ad satisfactionem condignam solempniter publicari. Q(uo)d si non omnes hijs exequendis potueritis interesse
Duo aut vnus u(est)r(u)m ea nichilominus exequantur. Dat(um) Rome apud Sanctumpetrum Anno Incarnationis dominice
Millesimoquingentesimoseptimo Quinto Id(us) Maij Pontificatus n(ost)ri Anno Quarto

Man(datum)

A. vme
p(ro) s(an)c(t)o

S(anctus) P(etrus) S(anctus) P(aulus)

Iulius p(a)p(a) ii