Nos Theodericus miseracione diuina abbas Monasterij sancte Marie in Zabirdouiz fratrum ordinis premonstraten(sis) de Regula sancti
Augustini tam presentib(us) quam futuris tenore presencium protestamur. Quod cum consciencia d(omi)ni ep(iscop)i olomucen(sis) et regie maiestatis fauore
ad hec nichilomin(us) de comuni fratrum n(ost)ror(um) consilio parit(er) et assensu egestate cogente qua domus n(ost)ra temp(or)ib(us) caristie premebat(ur) villam que
Sywax vulgarit(er) appellat(ur) vendidimus sanctimonialib(us) de cella sancte Marie in brunna p(ro) pecunia centum viginti marcar(um) argenti. Quam
pecuniam recepimus ex integro assignatam nobis et creditorib(us) n(ost)ris ex p(ar)te ip(s)i(us) celle superius nominate. Nos quoq(ue) de consilio nobilium
t(er)re villam sup(ra)dictam coram iudicio p(ro)uinciali in brunna resignauim(us) sanctimonialib(us) eisdem s(e)c(un)d(u)m quod racio iuris postulabat p(er)petuo
possidendam. Vt igit(ur) hec uendicio tam racionabilit(er) celebrata rata firma et illibata p(er)maneat nunc et in evum presentem litt(er)am
conscribi et conscriptam sigillo conuent(us) n(ost)ri et n(ost)ro duximus confirmandam. Hui(us) rei testes sunt Johannes abbas Montis syon.
d(omi)n(u)s Bartholomeus camerari(us) Morauie. d(omi)n(u)s leo de poleradiz et d(omi)n(u)s Math(ia)s de chobelz qui tunc temp(or)is p(ro)uinciali iudicio
p(re)sidebant. Et d(omi)n(u)s Sceco. Et petrus scriptor. et Drosslinus. Ciues insup(er) Brunnen(ses). Berthlinus Gsellarius.
Pesslinus. Rudlo. Drozendorffari(us). Repho. et alij quamplures. Actum Anno d(omi)ni M(illesimo) CC(entesimo) lxij. Datum In Zabirdouiz.
.iij. kal(endas) Octobris.