URBANUS ep(iscopu)s seruus seruor(um) dei. Dilectis in (Christ)o filiabus . . Priorisse et Conuentui Monasterij de Cella s(an)c(t)e
Marie in Brunna ordinis s(an)c(t)i Augustini Olomucen(sis) dioc(esis) sal(u)t(em) et ap(osto)licam ben(edictionem). Cum a nobis petitur quod iustum est
et honestum tam uigor equitatis quam ordo exigit rationis, ut id per sollicitudinem officij n(ost)ri ad debitum per
ducatur effectum. Ea propter dilecte in (Christ)o filie uestris iustis postulationib(us) grato concurrentes assensu
om(ne)s libertates et immunitates a Roman(is) pontificibus predecessorib(us) nostris siue per priuilegia seu alias
indulgentias uob(is) aut Monasterio u(est)ro concessas, necnon libertates, exemptiones secularium exactionum a Regib(us)
et principib(us) alijsque (Christ)i fidelibus rationabiliter uob(is) aut Monasterio predicto indultas sicut eas iuste ac pa
cifice obtinetis, uobis et per uos eidem Monasterio auctoritate ap(osto)lica confirmamus. (et) presentis scripti patrocinio comu
nimus. Nulli ergo omnino hominum liceat hanc paginam n(ost)re confirmationis infringere uel ei ausu temerario
contraire. Siquis autem hoc attemptare presumpserit indignationem om(n)ipotentis dei et beator(um) Petri (et) Pauli
ap(osto)lor(um) eius se nouerit incursurum. Dat(um) apud Urbemueterem Non(is) Martij.
Pontificatus n(ost)ri Anno Secundo.