LEO PP. XIII.
Universis Christifidelibus praesentes Litteras inspecturis Salutem et Apostolicam Benedictionem. Cum sicut accepimus, in Sanctuario Moraviae beatissimae Virgini Mariae
sacro sito in monte cui nomen "Hostyn" dioecesis Olomucensis hoc anno cum magno populi christiani concursu anniversarium reaedificationis et benedictionis dicti
Sanctuarii celebrabitur; Nos ad augendam fidelium religionem et animarum salutem coelestibus Ecclesiae thesauris pia charitate intenti omnibus et singulis u-
triusque sexus Christifidelibus vere poenitentibus et confessis, ac S. Communione refectis, qui Ecclesiam seu dictum Sanctuarium in quocumque huius anni die ab ortu
usque ad occasum solis diei respectivi devote visitaverint et ibi pro Christianorum Principum concordia haeresum extirpatione peccatorum conversione ac S. Matris Ec-
clesiae exaltatione pias ad Deum preces effuderint quo die id egerint Plenariam semel tantum spatio huius anni per unumquemque Christifidelem ad sui libitum
eligendo lucrifaciendam omnium peccatorum suorum Indulgentiam et remissionem, quam etiam animabus Christifidelium quae Deo in charitate coniunctae ab hac lu-
ce migraverint per modum suffragii applicare possint misericorditer in Domino concedimus. Praesentibus vertente hoc anno tantum valituris. Datum Romae
apud S. Petrum sub Annulo Piscatoris die XI. Maii MDCCCXCV. Pontificatus Nostri Anno Decimoctavo.
Pro Domino Cardinali de Ruggiero
Nicolaus Marini
Subst.
Nro 2443. Praesens Indultum, nomine Ordinaria-
tus recognoscimus, recognitumque approbamus. Daba-
mus in Residentia Nostra Archiepiscopali, Cremsirii,
die 29 Maii 1895.
+ Theodorus
Princeps-Archiepiscopus