STANISLAVS PAWLOWSKY DEI ET APOSTOLICAE SEDIS GRA(TIA) E(PISCO)P(V)S OLOMVCENSIS
Princeps, Regalis Capellæ Bohemiæ Comes, Sac(ræ) Cæs(areæ) M(aies)t(a)tis Consiliarius Ad perpetuam rei memoriam. Quam singularis olim piorum hominum erga Deum religio, quamq(ue) ardens cultus diuini promouendi studium, in ædificandis, colendisq(ue) et dotan
dis Ecclesijs fuerit, uel hæc ipsa præclara, quæ passim extant tot templorum monumenta, luculenter testantur. Alienissimis uero hisce temporibus refrigescente sensim in cordibus fidelium charitate, auita quoq(ue) religionis ac pietatis feruorem, adeo in eis
minutum esse, non sine iusto dolore uidemus, ut pauci et rari sint, qui pia maiorum exempla sequi, illorumq(ue) uestigijs insistere uelint. Eorum uero no(n) exiguus reperiatur numerus, quorum eo usq(ue) progressa est impietas, ut non solum destructas Ecclesiarum ruinas æq(uo)
intueantur oculis, uerum etia(m) ad demoliendas, ac in usus prophanos conuertendas easdem, nefarios suos conatus conuertere uelle uideantur. Nos itaq(ue) pro pastoralis officij debito, diligenter attendere ac prouidere cupientes, ut quod hactenus iniuria temporu(m),
circa intermisionem, et imminutionem diuini cultus, misere accidit, pristino quoad eius fieri potest, nitori et splendori, cooperante d(omi)no restituat(ur) queat: uidentes Sacellum sub titulo Sanctissimi Sacramenti, olim a pijs uiris Olomutij in platea Iudæo
rum erectum, tam graue in tecto, ipsisq(ue) muris dispendium et damnum pati, ut præsentissima(m) no(n) mediocris metus instet ruina, nisi primo quoq(ue) tempore eidem succurratur: neq(ue) ulterius ferendum censentes, idem Sacellum sine rectore, a multis iam
annis diuina officia, ex fundatorum intentione, ac uoluntate ibidem persolutuos, desolatum ac uacuum manere, ultimam eorundem fundatorum uoluntatem, plane defraudari: habita super restauratione eiusdem Sacelli, et cultus diuini quasi post
liminio in illud reducendi promotione, cum Reuer(endis) et V(enera)bilibus f(rat)ribus in Christo nobis char(issimis) D(omi)nis, Decano, et Capitulo Ecclesiæ n(ost)ræ Olomucen(sis) consilio, et matura deliberatione, aptiorem pia(m) huic intentioni n(ost)ræ iuuandæ rationem, difficillimis his
ce temporibus, inuenire in simul haud potuimus, quam si dictum Sacellum, una cum domo, seu domibus, et alijs omnibus ad illud ab antiquo pertinentibus, Ecclesiæ Diui Francisci, et nostro almæ Societatis Iesu Olomucen(sis) Collegio, authoritate ordinaria
per nos uniretur. Quocirca cum res ipsa satis abunde loquatur, quantus in sancta religione Catholica progressus, fideli prædictæ Societatis Iesu opera, indefessoq(ue) circa animarum salutem promouendam studio, non solum in ciuitate Olomucen(si) ue
rum etiam in toto hoc Marchionatu Morauiæ sit factus, cumq(ue) præclara eiusdem Societatis merita, amplissimis quibusq(ue) fauoribus, iure optimo prosequenda sint, et complectenda, nos de singulari dictæ Societatis in Deum pietate, solitaq(ue) erga proxi
mos charitate, pie confisi, et indubie nobis pollicentes, præfatum Sacellum Sanctissimi Sacramenti, quod hucusq(ue) desertum, ruinosum, et cultu diuino plane destitutum extitit, id eos ad piam prouisionem, et dispositionem est acuisiturum, eiusdem Socie
tatis Iesu studio ac opera, tam circa ædificij ruinas reparandas, quam cultum diuinum, pristino nitori restitutum, simul et dictam domum seu domos ad eam pertinentes in usum studiosæ iuuentutis, uel in Bursam pauperum, aut alias, prout illi melius
in D(omi)no uisum expedire fuerit, et solitum iuuandorum proximorum desiderium suaserit, conuersum iri: de prædictorum fratrum nostrorum Decani et Capituli Ecclesiæ nostræ Olomucen(sis) consilio, et expresso consensu, suprascriptum Sacellum Sanctissimi Sa
cramenti, una cum domo, seu domibus eidem Sacello contiguis, ad id ab antiquo spectantibus, suprascriptæ Ecclesiæ Sancti Francisci, sitæ in præurbio Olomucen(si) et dicto n(ost)ro Olomucen(si) almæ Societatis Iesu collegio, authoritate ordinaria in Dei Opt(imi) Maximi
nomine, tenore præsentium, unimus, et applicamus in perpetuum, dictæq(ue) Ecclesiæ et Collegij pleno iure, cum omnibus ad illud ab antiquo pertinentibus, proprium facimus, et libertatibus, immunitatibus, atq(ue) priuilegijs eiusdem Societatis Iesu et Collegij nostri
Olomucen(sis) subijcimus, nullum ius nobis, aut successoribus nostris, uel præfatæ Ven(erabi)li Ecclesiæ n(ost)ræ Capitulo (præter id quod nobis uti loci ordinario, alias super quibusq(ue) etiam exemptis Ecclesijs Diœcesis nostræ, ex Sacrorum Canonum, et Sacri Concilij Triden
tini dispositione competit) super ijs relinquentes. Et quamuis prædictæ almæ Societatis Iesu pietas, religio, et deuotio, tantopere iam nobis probata extitit, ut plane in spem erigamur certissimam, Sacellum præfatum, dicto Collegio n(ost)ro Olomucen(si) per nos
unitum, eiq(ue) plene donatum, et applicatum, breui augustius, et nitidius circa omnia ad cultum diuinum debite persoluendum, spectantia fore, hoc tamen a pietate eiusdem Societatis amanter requirimus, ut pro conseruanda, et retinenda antiqua deuotione
piorum hominum in uisitandis præfato sacello, statis anni temporibus memoria, curet diligenter, quo in ipso Corporis Ch(rist)i festo, et per octauam eiusdem festi octauam, idem Sacellum, ad augendam diuini nominis gloriam, et hominum deuotionem excitanda(m)
maiore quam alias apparatu, et externo cultu ornetur, diuinaq(ue) officia pro arbitrio Rectoris eiusdem collegij, pro tempore futuri, ibidem peragantur. In quorum fidem et testimonium euidens, præmissorum, hasce unionis, applicationis et donationis literas
manu n(ost)ra subscriptas, sigilli n(ost)ri appensione roborari iussimus. Et Nos Melchior Pirnesius a Pirn artium M(a)g(iste)r et Th(eolog)iæ Doctor, Decanus, aliq(ue) Prælati et Canonici pro tempore residentes præfatæ Eccl(esi)æ Olomucen(sis) quia huic unioni, aplicationi et dona
tioni, ex necessitate, et utilitate, maxima per Illustriss(imum) et Reuer(endissimum) Principem et antistitem nostrum faciendæ iamq(ue) factæ liberum dedimus, et damus assensum, ideo hisce l(ite)ris, singuli subscripsimus, et pro maiori robore perpetuæ firmitatis, sigillum quoq(ue)
Capituli nostri appendendum curauimus. Dat(um) Olomutij ex ædibus n(ost)ris die xxvj Men(sis) Nouembris Anno D(omi)ni Milles(imo) Quingentes(imo) Nonages(imo) Primo.
Stanislaus Ep(iscopu)s
Olomucen(sis) m(anu) p(ro)p(ria)
Ioannes Stiernsky a stern
præpositus manu p(ro)p(ria)
Wenceslaus Chiha Chor(i) B(asilicæ) S(ancti) V(enceslai) Olomucen(sis) C(anonicus) D(ecanus)
Georgius Sehera a Pirn(esio)
Can(onicus) Pragen(sis) et Olom(ucensis) Cant(or) m(anu) p(ro)p(ria)
Melchior Pirnesius D(ecanus)