I N N O M I N E S A N C T I S S I M Æ A C I N
D I V I D U Æ T R I N I T A T I S A M E N
Ego Presbyter Adamus Dobrodinsky AA. LL. et Philosophia Magister, nec non SS(mæ) Theologia Baccalaureus Formatus, p.t. in Buczkowitz et parvo
Chrabowin Parochus, hisce meis patentibus, quas liberam dispositionem nuncupari volo, omnibus quibuscunq(ue) ea præsertim de iure exhibita fuerint, manifestum, testatumq(ue) facio, me primam
500 fl. moravicorum ad piam causam Anno 1659 Adm(odis) R(everen)dis Patribus Societatis JESU a me motu proprio, sponte ac mature factam donationem vigore et valore præsentium ratam habere, ac
ut talem palam declarare; utq(ue) iuxta conditiones et intentiones meas in prioribus literis explicatas et infra explicandas, ex dictis quingentis Moravicis Thaleris olim in pago Adm(odum) R(everen)dorum
PP. Carthusianorum Lusan dicto hypothecatis, postea vero consentiente et approbante me ad Cives Olomucenses ad censum redemptitium collocatis, et si ita visum fuerit Societatis JESU PP(atribus) quo
cunq(ue) alio et ad quoscunq(ue) in futurum ad censum annuum et ordinarium qua fieri potest securitate collocandis, alatur et communi mensa, lectione ac lectisternijs fruatur in Seminario Olomucensi S(ancti) Xaverij
iuvenis aliquis de Cognatis vel Agnatís meis, et in defectu talium Patriota aut Conterraneus quicunq(ue). Ius præsentandi vero ius integrum quoad vixero mihi reservatum volo; a morte vero mea penes Adm(odum) R(everen)dum
D(omi)num et Magnificum Patrem Rectorem Collegij Olomucensis esse, qui pro arbitrio suo eligere poterit e cognatis, Agnatis meis aut quibuslibet e Superiori Silesia oriundis eos quos hoc
beneficio ceteris digniores invenerit, et patria iuvanda Divinæq(ue) inprimis gloriæ promovendæ aptiores. Ut autem ij qui hoc meo beneficio usuri sunt etiam vicissim aliquod gratitudinis argumen
tum Benefactori suo exhibeant, desidero et volo ut singuli quotidie pro me tam vivo quam defuncto meísq(ue) Consanguineis certi aliquid orent iuxta præscriptum R.R. P.P. Seminarij Regentum.
Ad cuius rei et voluntatis meæ pleniorem declarationem fidem ac firmitatem, sigillum appressi et manu mea præsentes literas subscripsi, sicut et R(everen)d(us) Magnificus D(omi)nus Pater Rector Olomucensis
Collegij suo et Successorum suorum nomine; quos impense rogatos velim, quatenus hanc meam voluntatem et liberam dispositionem benevole et fideliter tueantur ac promoveant et ad finem
mihi propositum feliciter consequendum sedulo adlaborent. Actum in Buczkowitz Mensis Julij Die 31 Anno MDCLXI
Simon Schürer Societ(atis) JESU
Collegij et Acad(emiæ) Olom(ucensis) Rector m(anu) p(ropria)
Rogatus a R. D. Fundatore, ut fundat(ionem) hanc
firmius robur obtineat, officialatus mihi commis(s)i
sigillo ac propria manu subscriptione instrum(entum)
præsens volui corroborare. Wrat(islaviæ) 3. 7br(is) 1661
Sebastianus a Rostock
Archid(iaconus) et Officialis Wrat(islaviensis)
Idem qui supra m(anu) p(ropria)