NOS REUERENDISSIMI ET SERENISSIMI PRINCIPIS DOMINI, DOMINI
L E O P O L D I G U I L I E L M I
Archiducis Austriæ (et)c(etera) Episcopi Olom(ucensis) P(rinci)pis (et)c(etera) In Spiritualibus Generalis Vicarius et Officialis CLAUDIUS Sac(ri) Rom(ani) Imp(erii) Liber Baro à SORINA Cathed(ralis) Ecc(lesiae) Olom(ucensis) Decanus et Se
nior Canonicus, nec non Sac(rae) Cæs(areae) M(ajes)t(a)tis Consiliarius, et Episcopale Consistorium.
Ad perpetuam rei memoriam, ad ea quæ pro ampliori Diuini cultus incremento ejusq(ue) Ministrorum Ecclesiasticorum uberiori commodo et utilitati Animarumq(ue) saluti rectè ac pie aguntur, cum à
Nobis postulatur, prout et ex Officij Nostri debito tenemur, libenter annuimus, et Nostri merito muniminis adijcimus firmitatem, quatenus in laudem DEj Omnipotentis ea firmius et illibata perpetuo persistant. Sane pro parte Illmæ
Dnæ, Dnæ Franciscæ Comitissæ Slauatin, Natæ Comitissæ à Meckau Viduæ, Admodum Rdi et Eximij Patris Andreæ Schambogen Societatis JESU, per Bohemiam, Morauiam, et Silesiam Prouincialis, atq(ue) Rdi et Eximij
Dni Joannis Francisci Wensky à Creutzpalm, Decani et Parochi Telczensis, Nobis in Christo charissimorum, et Dilectorum, quasdam literas fundationis, donationis, dotationis, conuentionis, compromissionis contractus
seu pacti inter præfatas nominatas partes initi et confecti, in pergameno scriptas, Sigillis Sex, videlicet Illmæ Dnæ Comitissæ, Patris Prouincialis, Decani seu Parochi Telczensis, Samuelis à Karlsberg, Wenceslai Stremcek, et
Matthiæ Ludouici Czitry, impendentibus, pergamenicis Zonis munitas, sanas, integras, vt prima facie apparebat, omni vitio et suspicione carentes, Nobis exhibitas et præsentatas recepimus tenoris sequentis:
IN NOMINE DOMINI AMEN
NOS FRANCISCA COMITISSA SLAUATIN NATA COMITISSA A MEKAU VIDUA &c
Andreas Schambogen Societatis JESU per Bohemiam, Morauiam ac Silesiam Prouincialis, et Joannes Franciscus Wensky à Creutzpalm Decanus et Parochus Telczensis NOTUM facimus
tenore præsentium Vniuersis et singulis quorum interest, aut in futurum quomodolibet interesse poterit. Quod cum Ego Francisca Comitissa Slauatin, ad DEj Omnipotentis Vnicam gloriam, et propagationem Sanctæ Romanæ Catholicæ Fidei
Animæq(ue) meæ Salutem, Telczy Oppido in Diœcesi Olomucensi sito, Admodum Reuerendis Patribus Societatis JESU, ex singulari erga eandem Societatem affectu et beneuolentia, Domum Probationis Tertiariam, de Clementissimo Re
uerendissimi et Serenissimi Principis Domini, Domini Leopoldi Guilielmi Archiducis Austriæ, Episcopi Olomucensis, assensu et licentia, à fundamentis exstruxerim, ut dicta Societatis JESU ea in loco iuxta laudabile ejus institutu(m)
commodius uiuere et supradicti Oppidi Incolis Vicinorumq(ue) locorum Populis in uera Religione Catholica, et Christiana pietate formandis et confirmandis diligentem operam nauare, et opem suam impendere possit; Quia uero ex defectu propriæ
Ecclesiæ, inter me Franciscam Comitissam Slauatin, Admodum Reuerendum Patrem Prouincialem, et modernum Admodum Reuerendum Dominum Decanum Telczensem quatenus dicti Patres Societatis JESU ibidem nunc, et deinceps
manentes ac commorantes in Ecclesia Parochiali, Sua Spiritualia exercitia absq(ue) impedimento habere ualeant, finaliter conuentum ac transactum est: Nimirum ut Patres Societatis JESU Ecclesia Parochiali Oppidi Telczensis Diœcesis Olo
mucensis libere utantur et fruantur, ad peragendas functiones suas Ordinarias et ad omnia et singula Altaria, pro sua commoditate Missas celebrent, citra tamen impedimentum functionum Parochialium, quas Admodum Reuerendus Dominus
Decanus loci, illius Ordinarius, Parochus suis temporibus obire solet et debet; Jtem ut diebus Dominicis ac festis alijsq(ue) quibus erit commodum ad Populum Conciones habeant, ac rudes et pueros doctrina Christiana erudiant, Jtem ut ibidem Con
fessiones audiant et populum Sacra Synaxi seu Communione quando et quoties uoluerint reficiant, aliaq(ue) consueta sua ministeria, absq(ue) impedimento obeant, ac defunctorum suorum Corpora, juxta morem Societatis, in ipsa Ecclesia Parochiali
sepeliant: Jtem ut ad dictam Ecclesiam pro suis priuatis usibus propriam Sacristiam extruant, eo in loco quem Admodum Reuerendus Dominus Decanus iudicabit fore aptissimum, et ossa mortuorum, quæ in loco hactenus collocata
sunt, ad alium Sacrum locum transferri curent; Jtem ut ad majorem Ecclesiæ Parochialis nitorem et commodiorem Populi usum, Admodum Reuerendus Dominus Decanus ejusdem loci Altaria, tria ualde incommoda, et male formata, ali
ter accommodare, et ad decentem reuerentemq(ue) Sacrorum Usum aptiora reddere, uelit ac ualeat eorum Sacris reliquijs Olomucium decenter transmissis et substitutis earum uice Portatilibus. Quos ante scriptos tenores seu puncta
Ego Decanus et Parochus Telczensis altius considerans referre non tantum Cultum Diuinum et Summam Pietatem augeri sed etiam Ecclesiæ Parochiali plurimum emolumenti, si præfatis Reuerendis Patribus Societatis JESU, modo præ
scripto et non aliter, hujusmodi concedantur prærogatiuæ euenire: attamen exceptis his, ne in perpetuum Societas JESU quidpiam Juris uel in ipsam Ecclesiam, ejusue proprias, uel in functiones Parochiales, earumue emolumenta, qualia
sunt Decimæ, Census, Fundationes, Pialegata, Offertoria, Accidentia ex Baptis(m)atibus, Copulis, ac Sepulturis, aliaue Diuina officia, eorumq(ue) fructus, redditus ac prouentus prætendat, Sed hæc omnia, et singula defacto relinquat semperq(ue)
relinquet liberrimæ et absolutæ dispositioni ac usui Decanorum et Parochorum, moderni et futurorum Successorum meorum; qui hæc omnia, et singula, more et modo hactenus consueto et usitato absq(ue) omni interturbatione, quolibetq(ue) et cujus
cunq(ue) obtineant. Et Ego Andreas Schambogen Societatis JESU ut præfertur Prouincialis pro me et Successores meos ac totam Societatem Nostram in futurum adpromitto et polliceor; Quod his vniuersis ante scriptis articulis, punctis, Clausu
lis et exceptionibus, Admodum Reuerendi Domini Decani et Parochi Telczensis illæse, eos et eas integrè, inuiolabiliter obseruare nec ulla ratione, uia, causa, forma, aut modo quomodolibet contrauenire uelimus, debeamus, aut possimus in
perpetuum. Quapropter cum hæc ut præferuntur, omnia et singula, à Nobis ad initium Nominatis et Jntro effatis Contrahentibus Contracta, conclusa, facta, et acceptata sint Reuerendissimi et Serenissimi Principis Domini, Domini Leopol
di Guilielmi Archiducis Austriæ, Episcopi Olomucensis, Domini Nostri Clementissimi: in Spiritualibus Generalem Vicarium ac Officialem Reuerendissimum et Jllustrissimum Dominum, Dnum Claudium S. R. J. Liberum Baronem
à Sorina, Cathedralis Ecclesiæ Olomutensis Decanum et Seniorem Canonicum, nec non Sacræ Cæsareæ Majestatis Consiliarium, Totumq(ue) Reuerendissimum Episcopale Consistorium, ea, qua par est debita, cum reuerentia rogamus et exoramus
dignentur hanc Nostram Conuentionem, Contractum, Conclusionem, factum, et acceptatum, non tantum in omnibus et per omnia Auctoritate Ordinaria rata, grata, approbata, roborata, ac Confirmata habere, sed etiam Nos in his contra quos
cunq(ue) turbatores aut Contradictores defendere, tueri et manutenero. In quorum omnium et singulorum robur ac testimonium, Nos prænominati hoc Jnstrumentum Publicum manibus Nostris proprijs subscripsimus atq(ue) Sigillis dependen
tibus fecimus communiri. Acta sunt hæc Telczy in præsentia Nobilis ac Generosi Domini Samuelis à Karlsberg Supremi Capitanei omnium Bonorum Excellentissimorum Dominorum Sacri Romani Jmperij Comitum Slauata (et)c(etera)
Nobilis et Generosi Domini Simeonis Stremcek Capitanei Telczensis, Clarissimi ac Doctissimi Domini Matthiæ Ludouici Czitry Studenensis Quæstoris Testium ad hoc specialiter rogatorum, et requisitorum, qui suam manum et Sigillum sine
suo tamen et suorum posterorum damno apponere uoluerunt. In Arce die Ultima Mensis Augusti Anni Millesimi Sexcentesimi Quinquagesimi Tertij.
(L.S.) (L.S.) (L.S.) (L.S.) (L.S.) (L.S.)
Franc(is)ca Comitissa Slauata Andreas Scham
bogen Soc(ietatis) Jesu per Bo
hemiam (et)c(etera) Joann(es) Franc(iscus)
Wensky à Creutz
Samuel à Karlsberg Simeon Wenc(eslaus) Stremcek Matthias Ludouicus Czitry m(anu) p(ropria)
Præpositus Prouincialis m(anu) p(ropria) palmen Decanus Telczensis m(anu) p(ropria)
Quibusquidem fundationis, donationis, dotationis, conuentionis, compromissionis, contractus seu pacti literis hujusmodi, Nobis ut præmittitur præsentatis et per Nos acceptis, fuimus per præ
fatam Illmam Dnam Comitissam, P(at)rem Prouincialem, et Decanum seu Parochum Telczensem, debite reuerenter et humiliter requisiti et rogati, quatenus præfatam fundationem, dotationem, ut præmittitur Ecclesiasticæ subjicere libertati aliaq(ue)
omnia, in præfato Jnstrumento contenta, applicare, incorporare, approbare, unire et inuiserare dignaremur. Nos itaq(ue) Claudius Lib(er) Baro à Sorina, Generalis Vicarius et Officialis et Episcopale Consistorium, arbitrantes supplicationem
hujusmodi justam, piam et rationibus consonam, quæq(ue) justis petentibus non est denegandus assensus, prædictam fundationem et dotationem, atq(ue) ea omnia superius in desuper confecto Jnstrumento Publico fusius contenta, cum
omnibus suis punctis, clausulis, conditionibus, continetijs, vniuersisq(ue) et singulis qualitatibus cum omni pleno suo tenore approbamus, ratificamus et confirmamus, ipsamq(ue) fundationem ut præmittitur in Domum Probationis
Tertiariam erigimus et creamus, virtute præsentium approbauimus et corporauimus in DEO Nomine, ac præsentibus incorporamus. Insuper fundationem hanc, nimirum Domum Probationis Tertiariam, Mansionarios
illius in perpetuum, inter aliarum Ecclesiasticarum, nec non bona, donata aut empta, aut imposterum donanda aut emenda, dictæq(ue) Domui Probationis Tertiariæ et Mansionarijs illius deputata seu deputanda, præsentibus
Ecclesiasticæ libertati subjicimus, ac de cætero in omnibus et per omnia sub Ecclesiastica immunitate consistere volumus. Defectus etiam forsan et solemnitates, in præmissis omissas, simili Auctoritate supplemus. In
quorum omnium et singulorum robur, perpetuum et Testimonium præmissorum præsentes literas, manu Nostra propria subscriptas et Sigilli officij Nostri Majoris dedimus appensione munitas. Datum Olomucij in
Curia Episcopali die VI Octobris Sancto Brunoni Confessori Sacra. M. DC. LIII.
Claudius sup(rascriptus)