NOS REUERENDISSIMI ET SERENISSIMI PRINCIPIS DOMINI DOMINI
L E O P O L D I G U I L I E L M I
Archiducis Austriæ et Episcopi Olom(ucensis) Principis &c. In Spiritualibus Generalis Vicarius et Officialis CLAUDIUS Sac(ri) Rom(ani) Imp(erii) Liber Baro à SORINA Cathed(ralis) Eccl(esi)æ Olomuc(ensis)
Decanus et Senior Canonicus nec non Sac(ræ) Cæs(areæ) M(aiesta)tis Consiliarius, et Episcopale Consistorium.
Ad perpetuam rei memoriam, ad ea quæ pro ampliori Divini cultus incremento ejusq(ue) Ministrorum Ecclesiasticorum vberiori commodo et utilitate Animarumq(ue) salute recte ac pie aguntur,
cum à Nobis postulantur, prout ex ea officij Nostri debito tenemur, libenter annuimus et Nostri merito muniminis adijcimus firmitatem, quatenus in laudem DEI Omnipotentis ea firmius et illibata perpetuo persistant. Sanè pro
parte Ill(ustrissi)mæ D(omi)næ D(omi)næ Franciscæ Comitissæ Slauatin, Natæ Comitissæ à Meckau, Viduæ, Ad(modu)m Reuerendi et Eximij Patris Andreæ Schambogen Societatis IESU, per Bohemiam, Morauiam et Silesiam Prouincialis atq(ue) R(eueren)di
et Eximij D(omi)ni Joannis Francisci Wensky à Creutzpalm Decani et Parochi Telezensis, Nobis in Christo charissimorum et dilectorum, quasdam literas fundationis, donationis, conuentionis, compromissionis, contractus seu pacti
inter præfatas nominatas partes initi et confecti in pergameno scriptas Sigillis Sex, videlicet Ill(ustrissi)mæ D(omi)næ Comitissæ, Patris Prouincialis, Decani seu Parochi Telezensis, Samuelis à Karlsberg, Wenceslai Stromeck et Matthiæ Ludouici Cri
tij impendentibus, pergamenicis entis munitas, sanas, integras, ut prima facie apparebat, omni vitio et suspicione carentes Nobis exhibitas et præsentatas recepimus tenoris sequentis.
IN NOMINE DOMINI AMEN
NOS FRANCISCA COMITISSA SLAUATIN NATA COMITISSA A MEKAU VIDUA &c.
Andreas Schambogen Societatis IESU per Bohemiam, Morauiam ac Silesiam Prouincialis, et Joannes Franciscus Wensky à Creutzpalm Decanus et Parochus Telcensis: Notum facimus
tenore præsentium Vniuersis et singulis quorum interest aut in futurum quomodolibet interesse poterit, Quod cum Ego Francisca Comitissa Slauatin ad DEI Omnipotentis Vnicam gloriam, et propagationem Sanctæ Romanæ Catho
licæ Fidei, Animarumq(ue) meæ salutem, Telczij Oppido, in Diœcesi Olomucensi, sitæ, Admodum Reuerendis Patribus Societatis IESU, ex singulari erga eandem Societatem affectu et beneuolentia, Domum Probationis Tertiariam de Clemen
tissimo Reuerendissimi et Serenissimi Principis Domini, Domini Leopoldi Guilielmi Archiducis Austriæ, Episcopi Olomucensis, assensu et licentia, à fundamentis exstruxerim, ac fundauerim, ut dicta Societas IESU eo in loco iuxta laudabi
le eius institutum commodius uiuere, et supradicto Oppidi Incolis, Nostrorumq(ue) locorum Populis in uera Religione Catholica, et Christiana pietate formandis et confirmandis diligentem operam nauare, et opem suam impendere possit; Quia uerò ex defectu
propriæ Ecclesiæ inter me Franciscam Comitissam Slauatin, Admodum Reuerendum Patrem Prouincialem, et modernum Admodum Reuerendum Dominum Decanum Telcensem, quatenus dicti Patres Societatis IESU ibidem viuere, et deinceps ma
nentes ac commorantes in Ecclesia Parochiali, sua Spiritualia exercitia absq(ue) impedimento habere ualeant, finaliter conuentum ac transactum est: Nimirum ut Patres Societatis IESU Ecclesia Parochiali Oppidi Telczensis, Diœcesis Olomucensis liberè
utantur et fruantur, ad peragendas functiones suas Ordinarias et ad omnia et singula Altaria pro sua commoditate Missas celebrent, citra tamen impedimentum functionum Parochialium, quas Admodum Reuerendus Dominus Decanus loci, il
lius Ordinarius Parochus, suis temporibus obire solet et debet; Item ut diebus Dominicis ac festis alijsq(ue) quibus erit commodum, ad Populum Conciones habeant, ac rudes et pueros doctrinâ Christianâ erudiant; Item ut ibidem Con
fessiones audiant et populum Sacrâ Synaxi seu Communione quando et quoties uoluerint reficiant, aliaq(ue) consueta sua ministeria absq(ue) impedimento obeant, ac defunctorum suorum Corpora iuxta morem Societatis, in ipsa Ecclesia
Parochiali sepeliant: Item ut ad dictam Ecclesiam prouti pietatis usibus propriam Sacristiam exstruant, eo in loco quem Admodum Reuerendus Dominus Decanus iudicabit fore aptissimum, et ossa mortuorum quæ in illo loco hacte
nus collocata sunt, ad alium Sacrum locum transferri curent, Item ut majorem Ecclesiæ Parochialis nitorem et commodiorem Populi usum, Admodum Reuerendus Dominus Decanus eiusdem loci Altaria tria ualde incommoda et malè formata
aliter accommodare, et ad decentem reuerentiam Sacrorum usum aptiora reddere uelit ac ualeat, eorum Sacris reliquijs Olomucium decenter transmissis et substitutis eorum uice Portatilibus. Quos ante scriptos tenores seu puncta Ego Decanus et
Parochus Telczensis altiùs considerans reperi non tantum Cultum Diuinum et Summam Pietatem augeri, sed etiam Ecclesiæ Parochiali plurimum emolumenti, si præfatis Reuerendis Patribus Societatis IESU, modò precario et non aliter hu
iusmodi concedantur prærogatiua, euenire: attamen exceptis his, ne in perpetuum Societas IESU quidpiam Juris uel in ipsam Ecclesiam, res eius proprias uel in functiones Parochiales, earumue emolumenta, qualia sunt Decimæ, Census,
fundationes, Stolegata, offertoria, Accidentia ex Baptismatibus, Copulis, ac Sepulturis, aliaue Diuina Officia eorumq(ue) fructus, redditus, ac obuentiones prætendat; Sed ea omnia et singula defacto relinquat semperq(ue) relinquet liberrima et
absoluta dispositioni ac usui Decanorum et Parochorum, moderni et futurorum Successorum meorum, qui hæc omnia et singula more et modo hactenus consueto et usitato absq(ue) omni interturbatione qualicunq(ue) et cuiuscunq(ue) obtineant. Et Ego Andre
as Schambogen Societatis IESU ut præfertur Prouincialis pro me et Successores meos ac totam Societatem Nostram in futurum adpromitto et polliceor, Quod his uniuersis antescriptis articulis, punctis, Clausulis et exceptionibus Admodum Re
uerendi Domini Decani et Parochi Telczensis stare, eos, et eas integrè inuiolabiliter obseruare, nec ulla ratione, uia, causa, forma, aut modo quomodolibet contrauenire uelimus debeamus, aut possimus, in perpetuum. Quapropter cum hæc ut
præferuntur omnia et singula à Nobis ad initium Nominatis et Interessatis contrahentibus Contracta, conclusa, facta, et acceptata sint, Reuerendissimi et Serenissimi Principis Domini Domini Leopoldi Guilielmi Archiducis Austriæ,
Episcopi Olomucensis, Domini Nostri Clementissimi: in Spiritualibus Generalem Vicarium ac Officialem Reuerendissimum et Illustrissimum Dominum D(omi)n(um) Claudium S(acri) R(omani) I(mperii) liberum Baronem à Sorina, Cathedralis Ecclesiæ Olomucen
sis Decanum et Seniorem Canonicum, nec non Sacræ Cæsareæ Majestatis Consiliarium, Totumq(ue) Reuerendissimum Episcopale Consistorium, ea qua par est debitâ cum reuerentia rogamus et oramus dignentur, hanc Nostram Conuentionem,
Contractum, Conclusionem, factum et acceptatum, non tantum in omnibus et per omnia Auctoritate Ordinaria, rata, grata, approbata, roborata, ac Confirmata habere, sed etiam Nos in his contra quoscunq(ue) turbatores aut Contradictores de
fendere, tueri, et manutenere: In quorum omnium et singulorum robur ac testimonium, Nos prænominati hoc Instrumentum Publicum manibus Nostris proprijs subscripsimus atq(ue) Sigillis dependentibus fecimus communiri. Actasunt
hæc Telczij in præsentia Nobilis ac Generosi Domini Samuelis à Karlsberg Supremi Capitanei, omnium Bonorum Excellen(tissi)mi Domini Domini Sacri Romani Imperij Comitum Slauata, Nobilis ac Generosi Domini Simeonis Stromeck
Capitanei Telczensis, Clarissimi ac Doctissimi Domini Matthiæ Ludouici Critij Syndici eiusd(em) Quæstoris, Testium ad hoc Specialiter rogatorum, et requisitorum; qui suam manum et Sigilla sine suo tamen et suorum posterorum damno ap
ponere uoluerunt. In Arce dic(ta) Vltima Mensis Augusti Anni Millesimi Sexcentesimi Quinquagesimi
Tertij
(L.S.)
Francisca Comitissa Slauata m(anu) p(ro)p(ria)
(L.S.)
Andreas Scham bogen
Societatis Jesu per Bohemiam
Præpositus Prouincialis m(anu) p(ro)p(ria)
(L.S.)
Joan(nes) Franc(iscus) Wensky à Creutz
palmen Decanus Telczensis m(anu) p(ro)p(ria)
(L.S.)
Samuel à Karlsberg m(anu) p(ro)p(ria)
(L.S.)
Simeon Wenc(eslaus) Stromeck m(anu) p(ro)p(ria)
(L.S.)
Mathias Ludouicus Critius
Quibus quidem fundationis, donationis, dotationis, conuentionis, compromissionis, contractus, seu pacti literis hujusmodi Nobis ut præmittitur præsentatis, et per Nos acceptis, fuimus
per præfatas Ill(ustrissi)mam D(omi)nam Comitissam, Patrem Prouincialem, et Decanum seu Parochum Telczensem, debite reuerenter, et humiliter requisiti et rogati quatenus præfatam fundationem, donationem, ut præmittitur, Ecclesiasticæ subijcere Li
bertati, aliaq(ue) omnia, in præfato Instrumento contenta, applicare, incorporare, approbare, unire, et inuiscerare dignaremur. Nos itaq(ue) Claudius Lib(er) Baro à Sorina, Generalis Vicarius et Officialis, et Episcopale Consistorium arbitrantes
Supplicationem huiusmodi, iustam, piam et rationibus consonam, quodq(ue) iusta petentibus non sit denegandus assensus, prædictam fundationem et donationem, atq(ue) ea omnia superius in desuper confecto Instrumento Publico fusius contenta, cum
omnibus suis punctis, clausulis, conditionibus, continentijs, vniuersisq(ue) et singulis qualitatibus, cum omni pleno suo tenore approbamus, ratificamus, et confirmamus, ipsamq(ue) fundationem ut præmittitur, in Domum Probationis Tertiariam eri
gimus et creamus, virtute præsentium approbamus, et incorporamus, in DEI Nomine ac præsentibus incorporamus. Insuper fundationem hanc nimirum Domum Probationis Tertiariam Mansionarior(um) illius in perpetuum, inter alias
Ecclesiasticarum, nec non bona donata aut empta, aut imposterum donanda aut emenda, dictæq(ue) Domui Probationis Tertiariæ et Mansionarijs illius deputata, seu deputanda, præsentibus Ecclesiasticæ libertati subijcimus, ac de cætero in omnibus
et per omnia sub Ecclesiastica immunitate consistere uolumus. Defectus etiam forsan et solennitates, in præmissis omissas, simili Authoritate supplemus. In quorum omnium et singulorum robur, perpetuum et Testimonium præmissorum, præsentes li
teras manu Nostra propria subscriptas et Sigilli Officij Nostri Majoris decernimus appensione munitas. Datum Olomucij in Curia Episcopali die VI Octobris Sancto Brunoni Confessori Sacra. M. DC. LIII.
Matthias Tengellett Curiæ Ep(iscop)alis ibidem
Assessor et Publicus Notarius